୩ଦିନର ଶିଶୁ କନ୍ୟାକୁ ୧.୨୫ ଲକ୍ଷରେ ବିକିଲା ମାଆ, ପୁଣି ଥରେ ୫ଲକ୍ଷ ଟଙ୍କାରେ ବିକିଲେ ଆଉ ଜଣେ ମହିଳା । ଜାଣନ୍ତୁ ମାମଲା କ’ଣ
ଦିଲ୍ଲୀରେ ରହୁଥିବା ଜନୈକା ମହିଳା ନିଜ ଶିଶୁକୁ ଜନ୍ମ ଦେବାର ୩ଦିନ ପରେ ତାକୁ ଅନ୍ୟକୁ ବିକି ଦେବା ଘଟଣାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଏହି ଘଟଣାଟି ନଭେମ୍ବର ମାସରେ ଘଟିଥିବା ବେଳେ ଏବେ ତାହା ପଡ଼ୋଶୀଙ୍କ ସହାୟତାରେ ସାମ୍ନାକୁ ଆସିଛି । ଘଟଣା ଘଟିବାର ତୁରନ୍ତ ପରେ ପଡ଼ୋଶୀ ସ୍ଥାନୀୟ ପୁଲିସକୁ ଖବର ଦେଇଥିଲେ ମଧ୍ୟ ପୁଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲେ । ଯାହା ପରେ ପଡ଼ୋଶୀ ଦିଲ୍ଲୀ ମହିଳା ଆୟୋଗଙ୍କୁ ଏ ନେଇ ଖବର ଦେବା ପରେ ଘଟଣାକୁ ନେଇ ଖୋଳତାଡ଼ ଆରମ୍ଭ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଖୋଳତାଡ଼ ହେବା ପରେ ମହିଳା ଆୟାଗର ସଦସ୍ୟା ଶିଶୁକୁ ବିକ୍ରି କରିଥିବା ମା’ ପାଖରେ ପହଞ୍ଚି ଏଭଳି କରିବା ପଛର କାରଣ ପଚାରିଥିଲେ । ସ୍ୱାମୀ ସବୁ ବେଳେ ମଦ ପିଇ ବୁଲିବା ସହ ଘରର ଆର୍ଥିକ ଅବସ୍ଥା ଠିକ୍ ନଥିଲା । ସେଥି ପାଇଁ ମୁଁ ଫର୍ଟିଲିଟି କ୍ଲିନିକରେ କାମ କରୁଥିବା ଜଣେ ମହିଳାଙ୍କୁ ୧.୨୫ଲକ୍ଷ ଟଙ୍କାରେ ବିକ୍ରି କରିଥିଲି ବୋଲି କହିଥିଲେ ଶିଶୁର ମା’ । ଏହା ଜାଣି ମହିଳା ଆୟୋଗର ସଦସ୍ୟା ଶିଶୁଟିକୁ କିଣିଥିବା ମହିଳାଙ୍କ ପାଖରେ ପହଞ୍ଚିଥିଲେ । ସେଠାରେ ପହଞ୍ଚି ଶିଶୁଟି କୁଆଡ଼େ ଗଲା ବୋଲି ପଚାରିବା ପରେ ମୁଁ ତାକୁ ୫ଲକ୍ଷ ଟଙ୍କାରେ ବିକି ଦେଇଛି ବୋଲି କିଣିଥିବା ମହିଳା ଜଣାଇଥିଲେ । କିନ୍ତୁ ସେ ବିକିଥିବା ଲୋକର ନାଁ ଏବଂ ପ୍ରକୃତ ଠିକଣା ବିଷୟରେ ଜାଣି ନଥିବା କହିଥିଲେ । ଏବେ ଦିଲ୍ଲୀ ପୁଲିସକୁ ନୋଟିସ୍ ପଠାଇ ପ୍ରଥମେ କ’ଣ ପାଇଁ ଏ ଅଭିଯୋଗ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲେ ବୋଲି କାରଣ ପଚାରିଛି ଦିଲ୍ଲୀ ମହିଳା ଆୟୋଗ ।ଦିଲ୍ଲୀ ମହିଳା ଆୟାଗ କହିଲା କି, ଏହା ବହୁତ ଲଜ୍ଜାଜନକ କଥା କି ଏକବିଂଶ ଶତାବ୍ଦୀରେ ଛୋଟ ଶିଶୁ କନ୍ୟାକୁ ବିକ୍ରି କରାଯାଉଛି । ଏବଂ ଏହାକୁ ନିଜେ ତାଙ୍କ ବାପା-ମାଆ କରୁଛନ୍ତି ।