ମା’ ଭୁଲିଗଲା ମମତା ! ୬ ବର୍ଷର ଶିଶୁ ପୁଅ ଗାଧୋଇବାକୁ ମନା କରିବାରୁ ରାଗରେ ପୁଅକୁ ଚାକୁ ଭୁସିଲା ମା’।
ମା ସାଜିଲା ରାକ୍ଷସୀ । ସନ୍ତାନକୁ ଜନ୍ମ ଦେଇଥିଲା ସତ କିନ୍ତୁ ସେହି ସନ୍ତାନକୁ ହତ୍ୟା କରି ମା’ ଜାତି ପାଇଁ କଳଙ୍କ ପାଲଟିଗଲା । ନିଜ ୬ ବର୍ଷର ପୁଅକୁ ଛୁରିରେ ଭୁସି ଜୀବନରୁ ମାରିଥିବା ଏହି ମା’ଜଣକ ହେଉଛନ୍ତି ପଞ୍ଚାବର ଭଟିଣ୍ଡା ସହରର ରାଜବୀର କୌର । ଘରେ କହିଲେ ସ୍ୱାମୀ ଏବଂ ଏକମାତ୍ର ପୁଅ ହ୍ୟାପି ।
Kanak News is now on WhatsApp
Join and get latest news updates delivered to you via WhatsApp
ଘଟଣା ଦିନ ହ୍ୟାପିକୁ ଗାଧୋଇବା ପାଇଁ ରାଜବୀର ବାଥରୁମରେ ଥିବାବେଳେ ସବୁ ପିଲାଙ୍କ ଭଳି ହ୍ୟାପି ମଧ୍ୟ ଗାଧୋଇବା ପାଇଁ ଅଝଟ କରୁଥିଲା । ରାଜବୀରଙ୍କର ପୂର୍ବରୁ ବ୍ଲଡପ୍ରେସର ସମସ୍ୟା ଥିଲା ତେଣୁ ସେ ଉକ୍ତ ସମୟରେ ବିପିର ମେଡିସିନ୍ ମଧ୍ୟ ଖାଇଥିଲେ । ହ୍ୟାପି ଅଝଟ ଅତ୍ୟଧିକ ବଢିବାରୁ ସେ ରାଗିଯାଇ ତା’ ପାଟିରେ ଧରିଥିବା ତଉଲିଆକୁ ପୁରାଇ ଦେଇଥିଲେ ଏବଂ ପାଖରେ ଥିବା ଏକ ଛୁରୀ ମାଧ୍ୟମରେ ତାକୁ ୪ ରୁ ୫ ଥର ଆଘାତ କରିଥିଲେ । ପୁଅକୁ ମାରିବା ପରେ ରାଜବୀର ଦୌଡି ଆସି ପାଖ ରୁମରେ ଥିବା ସ୍ୱାମୀଙ୍କୁ ଏ ବିଷୟରେ ସବୁ କିଛି ଜଣାଇଥିଲେ । ସ୍ୱାମୀ ବାଥରୁମ୍ ଯାଇ ଦେଖିବାବେଳେ ପୁଅ ରକ୍ତ ଜୁଡୁବୁଡୁ ଅବସ୍ଥାରେ ଆରପାରିକୁ ଚାଲିଯାଇଥିଲା ।
ବର୍ତ୍ତମାନ ରାଜବୀରଙ୍କୁ ପୋଲିସ୍ ଗିରଫ କରିଥିବା ବେଳେ ସ୍ୱାମୀଙ୍କୁ ଏନେଇ ପଚରାଯିବାରୁ ସେ ଘରେ କୌଣସି କ୍ଲେଷ ନଥିବା କଥା କହିଥିଲେ । ରାଜବୀର ହ୍ୟାପିକୁ ବହୁତ ଭଲ ପାଉଥିଲେ । ବିବାହର ୭ ବର୍ଷ ପରେ ହୋଇଥିବା ଏକମାତ୍ର ପୁଅକୁ ରାଜବୀର କାହିଁକି ହତ୍ୟା କଲେ ସେ ଏ ପର୍ଯ୍ୟନ୍ତ ଜାଣିପାରୁନାହାନ୍ତି ।