ବହୁ ପ୍ରତୀକ୍ଷା ପରେ ଦେଶର ବିଭିନ୍ନ ଅଞ୍ଚଳକୁ ଛୁଇଁଲା ମୌସୁମୀ : ନିରାଶ କରୁଛି ବର୍ଷା ପରିମାଣ
କନକ ବ୍ୟୁରୋ : ଦେଶର ଅଧାରୁ ଅଧା ଅଂଚଳକୁ ଛୁଇଁଲା ମୌସୁମୀ । ବିଳମ୍ବରେ ହେଲେ ମଧ୍ୟ ଦକ୍ଷିଣ-ପଶ୍ଚିମ ମୌସୁମୀ ଦେଶର ଅଧାରୁ ଅଧିକ ଅଂଚଳକୁ ଛୁଇଁସାରିଛି । ଏହା ସତ୍ତ୍ୱେ ଦେଶରେ ଆଶାନୁରୂପ ବର୍ଷା ହୋଇନାହିଁ । ମୌସୁମୀ ଯେପରି ଲୁଚାକାଳି ଖେଳୁଛି । ଜୁନ ୧ରୁ ୧୯ ମଧ୍ୟରେ ପ୍ରାୟ ୪୪ ପ୍ରତିଶତ କମ ବର୍ଷା ହୋଇଛି ବୋଲି ଭାରତୀୟ ପାଣିପାଗ ବିଭାଗ କହିଛି । ଜୁନ ୧ରୁ ୧୯ ମଧ୍ୟରେ ୪୪ ପ୍ରତିଶତ କମ ବର୍ଷା ହୋଇଥିଲେ ମଧ୍ୟ ଦୀର୍ଘ ମିଆଦୀ ହାରାହାରି ନିଅଣ୍ଟ ପରିମାଣ ୩୭ ପ୍ରତିଶତକୁ ହ୍ରାସ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଗାମୀ କିଛି ଦିନରେ ମୌସୁମୀ ଦେଶର ଅନ୍ୟ ଅଞ୍ଚଳ ଯେପରିକି ଗୁଜୁରାଟ, ମଧ୍ୟପ୍ରଦେଶରେ ଅବଶିଷ୍ଟ ଅଞ୍ଚଳ, ଉତ୍ତରପ୍ରଦେଶରେ ପହଞ୍ଚିବା ପାଇଁ ପରିବେଶ ଅନୁକୂଳ ରହିଛି । ଓଡ଼ିଶାରେ ମଧ୍ୟ ମୌସୁମୀ ଛୁଇଁସାରିଥିବା ସତ୍ତ୍ୱେ ବର୍ଷାର ପରିମାଣ ଆଶାନୁରୂପ ରହିନାହିଁ । ମୌସୁମୀ ଛୁଇଁବା ଦିନ ବର୍ଷା ହୋଇଥିଲେ ମଧ୍ୟ ତା’ପର ଠାରୁ ଆଉ ବର୍ଷାର ଦେଖାନାହିଁ । ତେବେ ଆସନ୍ତା ୨୯-୩୦ ବେଳକୁ ରାଜ୍ୟରେ ପୁଣି ମୌସୁମୀ ସକ୍ରିୟ ହେବାର ଆଶା କରାଯାଉଛି । ଉତ୍ତରବଙ୍ଗୋପସାଗରରେ ସୃଷ୍ଟି ହୋଇଥିବା ଏକ ଲଘୁଚାପ ଯୋଗୁଁ ବର୍ଷା ପରିମାଣ ବଢିବା ଆଶା କରାଯାଉଛି ।