ସ୍କୁଟି ଡିକିରେ କଳା ତମ୍ପ ।ଉଦ୍ଧାର ପରେ ଜଙ୍ଗଲରେ ଛଡାଗଲା, ବର୍ଷାଦିନରେ ଲୋକଙ୍କୁ ସର୍ତକ ରହିବାକୁ କହିଲେ ସ୍ନେକ ହେଲ୍ପ ଲାଇନର ସଦସ୍ୟ ।
କନକ ବ୍ୟୁରୋ : ସ୍କୁଟି ଡିକି ଭିତରେ ତମ୍ପ ସାପ ଛୁଆ । ଫୁଲନଖରା ଅନନ୍ତପୁର ଗାଁରେ ସ୍କୁଟି ଡିକି ଭିତରୁ ତମ୍ପ ସାପ ଛୁଆ ଉଦ୍ଧାର କରାଯାଇଛି । ଦିପ୍ତୀରଂଜନ ସାସମଲ ସ୍କୁଟିରୁ ନିଜ ଜିନିଷ ବାହାର କରୁଥିବା ବେଳେ ସାପଟି ଡିକିରେ ଥିବା ଦେଖିବାକୁ ପାଇଥିଲେ । ତେବେ ପ୍ରଥମେ ଏହି ସାପଟିକୁ ନାଗ ସାପ ଛୁଆ ବୋଲି ଭାବିଥିଲେ ସ୍ଥାନୀୟ ବାସିନ୍ଦା ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ଅନନ୍ତପୁରର ଦୀପ୍ତୀରଞ୍ଜନ ଗାଁରେ ଥିବା ନୀଳକଣ୍ଠେଶ୍ୱର ମନ୍ଦିରକୁ ଯାଇଥିବା ବେଳେ ସେଠାରେ ଗାଡି ପାର୍କିଂ କରିଥିଲେ । ତେବେ କିଛି ସମୟ ପରେ ସ୍କୁଟିରୁ କିଛି ଜିନିଷ ନେବା ପାଇଁ ଡିକି ଖୋଲିଥିବା ବେଳେ ଏଥିରେ କଳା ସାପ ଛୁଆ ଦେଖିବାକୁ ପାଇଥିଲେ । ଏପରିକି ଏହି ସାପଟି ନାଗ ସାପ ଛୁଆ ବୋଲି ସ୍ଥାନୀୟ ଲୋକ କହିଥିଲେ । ପରେ ଡିକି ଭିତରୁ ଏହି ସାପ ଛୁଆଟିକୁ ଉଦ୍ଧାର କରି ଜଙ୍ଗଲରେ ଛାଡି ଦିଆଯାଇଛି ।
ସ୍ନେକ୍ ହେଲପ ଲାଇନ୍ ସଦସ୍ୟ ଶୁଭେନ୍ଦୁ ମଲ୍ଲିକ ଏହି ଭିଡିଓ ଦେଖିବା ପରେ ଏହା ନାଗ ସାପ ନୁହେଁ ବରଂ ତମ୍ପ ସାପ ବୋଲି ସ୍ପଷ୍ଟ କରିଥିଲେ । ଏପରିକି ବର୍ଷାଦିନରେ ଏଭଳି ଘଟଣା ଅଧିକ ଦେଖିବାକୁ ମିଳିଥାଏ ବୋଲି ସର୍ତକ କରିଛନ୍ତି ଶୁଭେନ୍ଦୁ । ତେବେ ସ୍କୁଟି ପାର୍କିଂ ପରେ ଇଞ୍ଜିନ ଥଣ୍ଡା ହୋଇଯିବା ପରେ ସାପ ଛୁଆ ବେଶ ଆରାମରେ ସ୍କୁଟି ଡିକି ଭିତରେ ରହିପାରନ୍ତି । ତେଣୁ ଗାଡି ଡିକିକୁ ନିୟମତି ଯାଞ୍ଚ କରିବାକୁ ପରାମର୍ଶ ଦେଇଛନ୍ତି ଶୁଭେନ୍ଦୁ ।