ଥାନାବାବୁଙ୍କ ମୁଣ୍ଡ ଉପରେ ବସିଲା , ଉକୁଣି ଖୋଜିଲା ଆଉ ପାଟିକୁ ପକାଇଲା ! ଭାଇରାଲ୍ ହେଉଛି ମାଙ୍କଡ଼ର ଉକୁଣିଖୋଜା ଭିଡିଓ । ଦେଖନ୍ତୁ ଭିଡିଓ
ସୋସିଆଲ୍ ମିଡିଆରେ ଅନେକ ପ୍ରକାର ଭିଡିଓ ଭାଇରାଲ୍ ହୁଏ । କିଛି ସମାଜ ପାଇଁ ଉଦାହରଣ ପାଲଟେ ତ ଆଉ କିଛି ଲୋକଙ୍କୁ ଚକିତ କରେ । ଆଉ କିଛି ଭିଡିଓ ଲୋକଙ୍କ ମନରେ କୌତୁହଳ ଜାତ କରାଇଥାଏ । ଏଭଳି ଏକ ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେଉଛି । ଭିଡିଓଟି ହେଉଛି ଉତ୍ତରପ୍ରଦେଶ ପିଲିଭିତ୍ ଜିଲ୍ଲାର । କୋତବାଲି ନଗରରେ ଥିବା ପିଲିଭିତ୍ ଥାନା ଭିତରେ ଜଣେ ପୋଲିସ୍ କର୍ମଚାରୀ ଡ୍ୟୁଟି କରୁଥିବା ସମୟରେ ଏକ ମାଙ୍କଡ଼ ତାଙ୍କ ମୁଣ୍ଡରୁ ଉକୁଣି କାଢି ଖାଉଥିବା ଭିଡିଓ ଏବେ ଭାଇରାଲ୍ ହେଉଛି । ମାଙ୍କଡଟି ପୋଲିସ୍ କର୍ମଚାରୀଙ୍କ ମୁଣ୍ଡରେ ବସି ଉକୁଣି କାଢୁଛି ଏବେ ପାଟିରେ ପୁରାଉଛି । ଏହି ଭିଡିଓଟି ଭାଇରାଲ୍ ହେବା ପରେ ଲୋକଙ୍କୁ ମନରେ ଖୁବ୍ କୌତୁହଳ ଜନ୍ମାଇଛି ।
Kanak News is now on WhatsApp
Join and get latest news updates delivered to you via WhatsApp
ଥାନା ଇନଚାର୍ଜରେ ଥିବା ଶ୍ରୀକାନ୍ତ ଦ୍ୱିବେଦୀ ଦ୍ୱିପ୍ରହର ସମୟରେ ଡ୍ୟୁଟି କରୁଥିବା ସମୟରେ ଅଚାନକ ଥାନା ଭିତରକୁ ମାଙ୍କଡଟି ପ୍ରବେଶ କରି ତାଙ୍କ ମୁଣ୍ଡ ଉପରେ ବସିପଡିଥିଲା । ମାଙ୍କଡ ଆକ୍ରମଣ କରିବ ଭାବି ଇନ୍ସପେକ୍ଟର କିଛି ନ କହି ନିଜ କାମ କରିଚାଲିଲେ , ଏପଟେ ମାଙ୍କଡଟି ଉକୁଣି ଖୋଜି ଖାଇବାରେ ବ୍ୟସ୍ତ ହୋଇଗଲା । ଯେତେବେଳେ ମାଙ୍କଡର ମନ ଭରିଗଲା ସେ ତଳକୁ ଓହ୍ଲାଇ ଡେଇଁ ଡେଇଁ ବାହାରକୁ ଚାଲିଗଲା । ଏହି ଘଟଣାର ଭିଡିଓ ଏବେ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେଉଛି । ଦେଖନ୍ତୁ ଭିଡିଓ