କନକ ବ୍ୟୁରୋ: ଡାକଘରୁ ଟଙ୍କା ଚୋରୀ । ଶତାଧିକ ଜମାକାରୀଙ୍କ ଜମା ଟଙ୍କାକୁ ଚଂଚକତା କରି ହଡପ କରାଯାଇଥିବା ଅଭିଯୋଗ ହୋଇଛି । ଆଉ ଏ କାଣ୍ଡ କରିଛନ୍ତି ଖୋଦ ପୋଷ୍ଟ ମାଷ୍ଟର । ଜମାକାରୀଙ୍କ ଅଜାଣତରେ ପୋଷ୍ଟ ମାଷ୍ଟର ଚଂଚକତା କରି ଟଙ୍କା ହରିଲୁଟ କରିଥିବା ଅଭିଯୋଗ ହୋଇଛି । ଏଭଳି ଅଭିଯୋଗ ଆସିଛି ବଲାଗିଂର ଜିଲ୍ଲା କନ୍ଦାଜୁରୀ ଗାଁରୁ ।
Kanak News is now on WhatsApp
Join and get latest news updates delivered to you via WhatsApp
ଡାକଘରେ ଜମା ଟଙ୍କା ଲୁଟ ଭଳି ଗୁରୁତର ଅଭିଯୋଗ ଆସିଛି ବଲାଗିଂର ଜିଲ୍ଲା ଲୋଇସିଂହା ବ୍ଲକ କନ୍ଦାଜୁରୀ ଗାଁରୁ । ଗାଁରେ ଥିବା ଡାକଘରେ ଶତାଧିକ ଗରିବ ଲୋକ ନିଜର ବର୍ଷ ବର୍ଷର ଉପାର୍ଜିତ ପୁଞ୍ଜିକୁ ଜମା ରଖିଥିଲେ । ହେଲେ ଉଠାଇବାକୁ ଯାଇଥିବେ ଜାଣିବାକୁ ପାଇଛନ୍ତି ସେମାନଙ୍କ ଟଙ୍କା ଉଠି ସାରିଛି । କନ୍ଦାଜୁରୀ ଡାକଘରର ପୋଷ୍ଟମାଷ୍ଟର ଚଂଚକତା କରି, ୮୦ରୁ ଅଧିକ ଜମାକାରୀଙ୍କ ଟଙ୍କା ଉଠାଇ ନେଇଥିବା ଅଭିଯୋଗ ହୋଇଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଜମାକାରୀଙ୍କ ଟଙ୍କା ଗାଏବ ନେଇ ଜଣାପଡିବା ପରେ ପୋଷ୍ଟ ଅଫିସରେ ତାଲା ପକାଇ ଫେରାର ହୋଇଯାଇଛନ୍ତି ପୋଷ୍ଟମାଷ୍ଟର ।
ଏନେଇ ଲିଖିତ ଅଭିଯୋଗ ହୋଇନଥିବା ବେଳେ ବଲାଗିଂର ମୁଖ୍ୟ ଡାକଘର ଅଧିକ୍ଷକ ନିଜ ଆଡୁ ଘଟଣାର ତଦନ୍ତ ନିର୍ଦ୍ଦେଶ ଦେଇଥିବା କହିଛନ୍ତି ସହକାରୀ ଅଧିକ୍ଷକ । ତେବେ କନ୍ଦାଜୁରୀ ଜମାକାରୀଙ୍କ ସମସ୍ୟା ସାମ୍ନାକୁ ଆସିବା ପରେ କାଠଗଡାରେ ଡାକଘର । ଏଥିରୁ ସ୍ପଷ୍ଟ ଯେ, କେବଳ ଚିଟଫଣ୍ଡ ସଂସ୍ଥା ନୁହେଁ, ଜମାକାରୀଙ୍କ ପାଇଁ ସୁରକ୍ଷିତ ନୁହେଁ ଡାକଘର ।