ଯାହାକୁ ରଖିବେ ଅନନ୍ତ ! ଟ୍ରେନରୁ ପଡି ଅଳ୍ପକେ ବର୍ତ୍ତିଲେ ଶିଶୁ
ଟ୍ରେନରେ ଚଢିବା ସମୟରେ ଗଳିପଡିଲେ ଶିଶୁ । ୨ ବର୍ଷିୟ ଶିଶୁ ଏଡେନ ତା’ର ପରିବାର ଲୋକଙ୍କ ସହ ଟ୍ରେନ ଓ ଟ୍ରେନରେ ଯିବା ସମୟରେ ଧାରଣା ମଧ୍ୟରେ ଥିବା ଫାଙ୍କରେ ଗଳିପଡିଥିଲେ । ଉକ୍ତ ଦୃଶ୍ୟର ଭିଡିଓ ଏବେ ଭାଇରାଲ ହୋଇଛି । ଏମିତି ଏକ ଖବର ପ୍ରକାଶ ପାଇଛି ଏନଡିଟିଭିରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଏଡେନ ତା’ର ପରିବାର ଲୋକଙ୍କ ସହ ଟ୍ରେନରେ ଚଢିବା ସମୟରେ ଅସାବଧାନତା ଯୋଗୁଁ ଫାଙ୍କରେ ଗଳି ପଡିଥିଲେ । ଏହାଦେଖି ଏଡେନର ପରିବା ଲୋକ ଟ୍ରେନ ଚାଳକକୁ ହାତ ଦେଖାଇ ଟ୍ରେନ ନଚଳାଇବା ପାଇଁ ସୂଚନା ଦେଇଥିଲେ । ଏହି ଘଟଣା ଏକ ବର୍ଷ ପୂର୍ବରୁ ଘଟିଥିଲା ସିଡନିର କ୍ରୋନୁଲା ଷ୍ଟେସନରେ । କିନ୍ତ ଏହି ଭିଡିଓ ଫୁଟେଜକୁ ଏବେ ରିଲିଜ କରାଯାଇଛି । ଟ୍ରେନରେ ଛୋଟ ପିଲାଙ୍କୁ ଧରି ଯାତ୍ରା କରୁଥିବା ବାପା ମା’ଙ୍କୁ ସଚେତନ କରାଯିବା ପାଇଁ ଏହି ଭିଡିଓ ପୋଷ୍ଟ ହୋଇଛି ବୋଲି ଜଣାପଡିଛି ।