ଉତ୍ତରପ୍ରଦେଶ ମୋଗଲସରାଇ ଷ୍ଟେସନର ପରିବର୍ତ୍ତନ ହେଲା ନାମ : ଦିନ ଦୟାଲ ଉପାଧ୍ୟାୟଙ୍କ ନାମରେ ନାମିତ କଲେ ଯୋଗୀ ସରକାର
କନକ ବ୍ୟୁରୋ : ଉତ୍ତରପ୍ରଦେଶରରେ ଥିବା ମୋଗଲସରାଇ ଷ୍ଟେସନର ନାମ ପରିବର୍ତ୍ତନ କରାଯାଇଥିବା ସହ ନୂଆ ନାମକରଣ ମଧ୍ୟ କରାଯାଇଥିବା ସୂଚନା ମିଳିଛି । ଷ୍ଟେସନର ନାମ ପଣ୍ଡିତ ଦିନ ଦୟାଲ ଉପାଧ୍ୟାୟଙ୍କ ନାମରେ ନାମିତ କରାଯାଇଛି । ତେବେ ଏହି ପରିବର୍ତ୍ତନ କାର୍ଯ୍ୟରେ ବିଜେପି ସଭାପତି ଅମିତ ଶାହା ଯୋଗ ଦେଇଥିଲେ । ଏହାସହ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଓ କେନ୍ଦ୍ର ରେଳମନ୍ତ୍ରୀ ପୀୟୁଷ ଗୋଏଲ ମଧ୍ୟ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ଅନେକ ନେତା ମଧ୍ୟ ଯୋଗଦେଇଥିଲେ । ତେବେ ଏହା ସହ ସେଠାକାର ଅନେକ ସ୍ଥାନୀୟ ଲୋକମାନେ ଉପସ୍ଥିତ ଥିଲେ । କେବଳ ଏହା ନୁହେଁ ବରଂ ସମ୍ପୂର୍ଣ୍ଣ ରୂପରେ ଷ୍ଟେସନର ଦୋହରି କରଣ କରାଯିବ । ସମସ୍ତ ପ୍ଲାର୍ଟଫର୍ମର ମଧ୍ୟ ନୂତନ ଭାବରେ ପ୍ରସ୍ତୁତ କରାଯିବ । ତେବେ ୧୯୬୮ ମସିହାଠାରୁ ମୋଗଲସରାଇ ଷ୍ଟେସନ ପାଖରେ ଦିନ ଦୟାଲଙ୍କ ସମାଧିପୀଠ ରହିଛି ।
Kanak News is now on WhatsApp
Join and get latest news updates delivered to you via WhatsApp
ତେଣୁ ଅନେକ ଦିନ ଧରି ଦାବି ହେଉଥିଲା ଯେ, ମୋଗଲସରାଇ ଷ୍ଟେସନର ନାମ ପରିବର୍ତ୍ତନ କରାଯାଉ ତେଣୁ ଆଜି ଏପରି ପରିବର୍ତ୍ତନ କରାଯାଇଥିବା ଜଣାପଡିଛି । ପୂର୍ବରୁ ଉତ୍ତରପ୍ରଦେଶ ସରକାର ଜୁନ ମାସରେ ହିଁ ଘୋଷଣା କରିଥିଲା ଯେ, ମୋଗଲସରାଇର ନାମ ପରିବର୍ତ୍ତନ କରାଯିବ । ତେବେ ଆଜ ଆନୁଷ୍ଠାନିକ ଭାବରେ ଏହାର ନାମ ପରିବର୍ତ୍ତନ କରାଯାଇଛି । ଏହାପାଇଁ ଯୋଗୀ ସରକାର ଏକ ମନ୍ତ୍ରୀପରିଷଦର ବୈଠକ ମଧ୍ୟ ଡାକିଥିଲେ ଓ ଏହାର ନାମ ପରିବର୍ତ୍ତନ କରିବା ପାଇଂ ସେହି ବୈଠକରେ ହିଁ ସ୍ଥିର କରାଯାଇଥିଲା । ଏହାପରେ ଉତ୍ତରପ୍ରଦେଶର ମନ୍ତ୍ରୀ ପରିଷଦ ନେଇଥିବା ନିଷ୍ପତ୍ତିକୁ କେନ୍ଦ୍ର ରେଳ ମନ୍ତ୍ରଣାଳୟ ପାଖକୁ ସରକରା ପଠାଇଥିଲେ । ଚନ୍ଦୋଲିର ସାସଂଦ ଓ ଉତ୍ତରପ୍ରଦେଶର ରାଜ୍ୟ ବିଜେପି ସଭାପତି ମହେନ୍ଦ୍ର ନାଥ କହିଛନ୍ତି ଯେ, ମୋଗଲସରାଇର ନାମ ପରିବର୍ତ୍ତନ କରାଯାଇ ଯେଉଂ ବ୍ୟକ୍ତିଙ୍କ ନାମରେ କରାଗଲା ସେ ଜଣେ ମହାନ ବ୍ୟକ୍ତି । ତେଣୁ ଏପରି ନିଷ୍ପତ୍ତିକୁ ରାଜ୍ୟର ଲୋକ ସ୍ୱାଗତ କରିବେ ବୋଲି ଆମର ବିଶ୍ୱାସ ରହିଛି ବୋଲି ସେମାନେ ଗଣମାଧ୍ୟମକୁ ସୂଚନା ଦେଇଛନ୍ତି । ଏହାସହ ମୋଦି ସରକାର ଦେଶର ଉନ୍ନତି କରିବା ସହ ସମସ୍ତ ରେଳ ଧାରଣକୁ ନୂତନତ୍ୱ କରୁଥିବାରୁ ତାଙ୍କୁ ଧନ୍ୟବାଦ ବୋଲି ସେଠାରେ ଉପସ୍ଥିତ ଥିବା ନେତାମାନେ ନିଜ ପ୍ରତିକ୍ରିୟାରେ କହିଥିଲେ ।