ଗଣମାଧ୍ୟମ ସାମ୍ନାରେ ମୋଦି ପ୍ରକାଶ କଲେ ନିଜ ଜାତି ! ବିପକ୍ଷଙ୍କୁ ଦେଲେ ଏଭଳି ଯବାବ୍
ଏକ ଗଣମାଧ୍ୟମକୁ ଉତ୍ତର ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାଟଣାର ପାଟଳିପୁତ୍ରରେ ତାଙ୍କ ଜାତି ଉପରେ ନେଇ ହୋଇଥିବା ପ୍ରଶ୍ନର ସିଧା ଜବାବ୍ ଦେଇଛନ୍ତି । ପିଏମ୍ ମୋଦି କହିଛନ୍ତି ମୁଁ ଗରିବ ଜାତିରୁ ଆସିଛି ଏବଂ ପ୍ରତି ଗରିବ ମୋ ଜାତି ଅଟନ୍ତି । ମୋଦି କହିଥିଲେ ଗୁଜୁରାଟରେ କେହି ମୋତେ ମୋ ଜାତିକୁ ନେଇ ପ୍ରଶ୍ନ ପଚାରିନଥିଲେ । ସେଠାରେ କାହାରିକୁ ମୋ ଜାତି ବିଷୟରେ ଜ୍ଞାତ ନାହିଁ । ମୋ ଜାତି ସହ କିଛି ନେଣଦେଣ ନାହିଁ ମୋ ଜାତି ହେଉଛି ଗରିବ ଜାତି । ସ୍ୱାଧୀନତାର ଏତେ ବର୍ଷ ପରେ ବି ଆଜିର ସମୟରେ ଗରିବଙ୍କ ଅବସ୍ଥା ଦେଖି ମୋତେ ଦୁଃଖ ଲାଗୁଛି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସକୁ ଟାର୍ଗେଟ୍ କରି ସେ କହିଥିଲେ ତାଙ୍କର ୧୦ ବର୍ଷର କାର୍ଯ୍ୟକାଳ ଭିତରେ ୨୫ ଲକ୍ଷ ଘର ପ୍ରସ୍ତୁତ ହୋଇଛି କିନ୍ତୁ ମୋଦି ସରକାରଙ୍କ କାର୍ଯ୍ୟକାଳ ଭିତରେ ଦେଢ କୋଟି ଘର ପ୍ରସ୍ତୁତ ହୋଇଛି । ଯଦି ଏହି କାମ ଆଗରୁ ହୋଇଥାନ୍ତା ତେବେ ଆଜି ଗରିବର ସ୍ଥିତି ଏଭଳି ହୋଇନଥାନ୍ତା । ଯଦି ଏହା ପୂର୍ବରୁ ହୋଇଥାନ୍ତା ତେବେ ମୋତେ ଶୌଚାଳୟ ପ୍ରସ୍ତୁତ କରିବାକୁ ପଡିନଥାନ୍ତା । ଏହି ସବୁ କାମ ସ୍ୱାଧୀନତା ପରେ ୨୫ ବର୍ଷ ଭିତରେ ହୋଇଯିବା କଥା କିନ୍ତୁ ମୋତେ ଏବେ ଏହି ସବୁ କାମ କରିବାକୁ ପଡୁଛି ।