ମୋଦିଙ୍କ ମାଷ୍ଟରପ୍ଲାନର କମାଲ୍ ! ଭାରତୀୟଙ୍କୁ ମାଲାମାଲ୍ କରିବେ ବିଦେଶୀ
ପ୍ରଧାନମନ୍ତ୍ରୀ ମୋଦି ସ୍ୱିଜରଲାଣ୍ଡର ଦାଭୋସରେ ସାରା ବିଶ୍ୱର ଲୋକଙ୍କୁ ଭାରତର ଛବି ଓ ଅର୍ଥବ୍ୟବସ୍ଥା ନୂଆ ସମ୍ଭାବନା ବିଷୟରେ ଜଣାଇଛନ୍ତି । ଆଉ ମୋଦିଙ୍କ ଏହି ରଣନୀତି ପ୍ରଭାବରେ ପାଞ୍ଚମାସ ପରେ ସାରା ବିଶ୍ୱର ନିବେଶକ ଭାରତକ ଆଡ଼କୁ ଅକର୍ଷିତ ହେବେ ବୋଲି ଆଶା କରାଯାଉଛି । ଆଉ ଏହାର ଲାଭ ଉଠାଇବେ ସାଧାରଣ ଜନତା । ତେବେ ପ୍ରଧାନମନ୍ତ୍ରୀଙ୍କ ପଦକ୍ଷେପ ଯୋଗୁଁ ଏପରି ସମ୍ଭାବନା ସୃଷ୍ଟି ହୋଇଛି । ନୂଆ ବର୍ଷ ପୂର୍ବରୁ ଶେୟାର ବଜାରରେ ନିବେଶ ବୃଦ୍ଧିି ପାଇଛି । ଆଉ ଏହା ପଛରେ ରହିଛି ବିଦେଶୀ ନିବେଶକଙ୍କ ହାତ । ବିଦେଶୀମାନେ ଜାନୁୟାରୀ ପୂର୍ବରୁ ୧୫ ଦିନରେ ୬ ହଜାର କୋଟି ଟଙ୍କାରୁ ଅଧିକ ନିବେଶ କରିଛନ୍ତି । ଏଥିରେ ସାଧାରଣ ନିବେଶକ ମ୍ୟୁଚୁଆଲ ଫଣ୍ଡରେ ଲଗାଇଥିବା ଟଙ୍କା ବୃଦ୍ଧି ପାଉଛି । ତେବେ ଆସନ୍ତୁ ଜାଣିବା ମୋଦିଙ୍କର କ’ଣ ରହିଛି ମାଷ୍ଟରପ୍ଲାନ . .
Kanak News is now on WhatsApp
Join and get latest news updates delivered to you via WhatsApp
ବିଶେଷଜ୍ଞଙ୍କ ଅନୁସାରେ ସରକାର ନିଜ ଖର୍ଚ୍ଚକୁ ପୁରଣ କରିବା ପାଇଁ ୫୦,୦୦୦ କୋଟିର ଅତିରିକ୍ତ ଋଣ ନେବାର ଯୋଜନା ଥିଲା । କିନ୍ତୁ ମୋଦି ଏହି ଋଣକୁ ୬୦ ପ୍ରତିଶତ ହ୍ରାସ କରିଦେଇଛନ୍ତି । ସାଧାରଣ ଶଦ୍ଦରେ କହିଲେ ପ୍ରଥମେ ସରକାର ୫୦୦୦୦ କୋଟି ଟଙ୍କାର ଅତିରିକ୍ତ ଋଣ ନେବାର ଯୋଜନା ଥିଲା, ଯାହାକୁ ହ୍ରାସ କରି ୨୦,୦୦୦ କୋଟି ଟଙ୍କା କରିଦେଇଛନ୍ତି । ମୋଦିଙ୍କ ଏହି ପଦକ୍ଷେପର ପ୍ରଭାବରେ ବ୍ୟାଙ୍କିଂ ଶେୟାରର ବୃଦ୍ଧି ପାଇବାରେ ଲାଗିଛି । ଏହା ବ୍ୟତୀତ ଘରୋଇ କମ୍ପାନୀ ଗୁଡ଼ିକର ସ୍ଥିତି ଭଲ ରହିଛି । ଆମେରିକା ଓ ଏସିଆ ବଜାରରେ ଲଗାତାର ଘରୋଇ ବଜାରରେ ବିଦେଶୀ ନିବେଶକ ଟଙ୍କା ନିିବେଶ କରୁଛନ୍ତି । ଗତବର୍ଷ ଶେଷ ୫ ମାସରେ ଲଗାତାର ବିଦେଶୀ ନିବେଶଙ୍କ ସଂଖ୍ୟା ବୃଦ୍ଧି ପାଇଛି । ଜାନୁୟାରୀରେ ବିଗତ ୧୬ ଟ୍ରେଣ୍ଡିଂ ସେଶନରେ ବିଦେଶୀ ନିବେଶମାନେ ପାଖାପାଖି ୬୫୬୫ କୋଟି ଟଙ୍କା ଶେୟାର ବଜାରରେ ନିବେଶ କରିଛନ୍ତି । ଘରୋଇ ନିବେଶକମାନେ କେବଳ ୨୬୮ କୋଟି ନିବେଶ କରିଛନ୍ତି । ୧ ଜାନୁୟାରୀରୁ ୨୨ ଜାନୁୟାରୀ ୨୦୧୮ ପର୍ଯ୍ୟନ୍ତ ୬୫୬୭ କୋଟି ଟଙ୍କା ନିବେଶ କରିଛନ୍ତି ବିଦେଶୀ । ଅନ୍ୟପଟେ ଡିସେମ୍ବର ୨୦୧୭ରେ ୬୪୧୧ କୋଟି ନିବେଶ କରିଛନ୍ତି ।