ଆସନ୍ତାକାଲି ଓଡିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି : ୬ଟି ପ୍ରକଳ୍ପର କରିବେ ଉଦଘାଟନ ଓ ଶିଳାନ୍ୟାସ
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର (୨୨ ତାରିଖ) ଦିନ ରାଜ୍ୟରେ ୫ଟି ପ୍ରକଳ୍ପର ଉଦଘାଟନ ଓ ଗୋଟିଏ ପ୍ରକଳ୍ପର ଶିଳାନ୍ୟାସ କରିବେ। ସେ ତାଳଚେର ସାର କାରଖାନାର ଶିଳାନ୍ୟାସ କରିବେ। ଝାରସୁଗୁଡ଼ା ବିମାନ ବନ୍ଦରକୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିବେ ଓ ସେଠାରୁ ଉଡ଼ାନ୍ ସେବାର ଶୁଭାରମ୍ଭ କରିବେ। ସେହିପରି ମହାନଦୀ କୋଲଫିଲ୍ଡସ ଲିମିଟେଡ୍ (ଏମ୍ସିଏଲ୍)ର ଝାରସୁଗୁଡ଼ା-ସେରଡ଼େଗା ୫୩.୧ କିଲୋମିଟର ରେଳ ଲାଇନ୍ ଓ ଏହାର ଗର୍ଜନବାହାଲ୍ ଖଣିକୁ ମଧ୍ୟ ଉଦଘାଟନ କରିବେ। ସେହିପରି ଏନ୍ଟିପିସିର ଡୁଲାଙ୍ଗ ଖଣିକୁ ମଧ୍ୟ ଦେଶ ପ୍ରତି ସମର୍ମିତ କରିବେ।
Kanak News is now on WhatsApp
Join and get latest news updates delivered to you via WhatsApp
ହୋଟେଲ୍ ମେ’ ଫେୟାର୍ କନଫରେନ୍ସରେ ଏମ୍ସିଏଲ୍, ଏନ୍ଟିପିସି, ତାଳଚେର ଫର୍ଟିଲାଇଜର୍ସ ଲିମିଟେଡ୍ ଓ ଭାରତୀୟ ବିମାନବନ୍ଦର କର୍ତୃପକ୍ଷ (ଏଏଆଇ) ତରଫରୁ ଆୟୋଜିତ କରାଯାଇଥିବା ସାମ୍ବାଦିକ ସମ୍ମିଳନୀରେ ଏହି ସୂଚନା ପ୍ରଦାନ କରାଯାଇଛି।ଏହି ଅବସରରେ ଏମସିଏଲର ନିର୍ଦେଶକ (ଅପରେସନ) ଜେ ପି ସିଂହ, ନିର୍ଦେଶକ (ଅର୍ଥ) କେ ଆର୍ ବାସୁଦେବନ୍, ଏନ୍ଟିପିସିର ଆଞ୍ଚଳିକ ନିର୍ବାହୀ ନିର୍ଦେଶକ (ପୂର୍ବ-୨) ଏମ୍ ପି ସିହ୍ନା, , ତାଳଚେର ଫର୍ଟିଲାଇଜର୍ ଲିମିଟେଡର ଅଧ୍ୟକ୍ଷ ୟୁ ଭି ଧତ୍ରକ୍ ଓ ଏଏଆଇର ସଦସ୍ୟ (ଯୋଜନା) ଏ କେ ପାଠକ ଉପସ୍ଥିତ ଥିଲେ।