ରାଜଧାନୀର ରାଜରାସ୍ତାରେ ଚାଲିଲେ ପ୍ରଧାନମନ୍ତ୍ରୀ ! ସୁରକ୍ଷା କବଚ ଭାଙ୍ଗି ଲୋକଙ୍କ ସହ ମିଶିଲେ ମୋଦି
କନକ ବ୍ୟୁରୋ : ରାଜଧାନୀର ରାଜରାସ୍ତାରେ ଚାଲିଲେ ପ୍ରଧାନମନ୍ତ୍ରୀ । ସୁରକ୍ଷା କବଚ ଡେଇଁ ଲୋକଙ୍କ ସହ ମିଶିବା ପାଇଁ ବାହାରି ଆସିଲେ ନରେନ୍ଦ୍ର ମୋଦି । ବୁଲେଟ୍ ପ୍ରୁଭ୍ ଏସ୍ୟୁଭି କାର ଛାଡ଼ି ଚାଲି ଚାଲି ଲୋକଙ୍କୁ ଅଭିବାଦନ ଜଣାଇଛନ୍ତି ପ୍ରଧାନମନ୍ତ୍ରୀ । ବିଜେପିର ରାଷ୍ଟ୍ରୀୟ କାର୍ଯ୍ୟକାରିଣୀ ଅବସରରେ ଭୁବନେଶ୍ୱର ଆସିଥିବା ମୋଦିଙ୍କୁ ଆଜି ଏଭଳି ଏକ ରୁପରେ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ବିମାନ ବନ୍ଦରୁ ଜନତା ମୈଦାନ ଅଭିମୁଖେ ଏକ ରୋଡ୍ ସୋ କରି ଆସୁଥିବା ବେଳେ ମୋଦି ହଠାତ୍ ଜୟଦେବ ବିହାର ଛକ ନିକଟରେ ଅଟକି ଥିଲେ । ଯେଉଁଠି ଥିଲେ ହଜାର ହଜାର ବିଜେପି ସମର୍ଥକ ଏବଂ ସାଧାରଣ ଜନତା । ମୋଦିଙ୍କ ପ୍ରତି ଲୋକଙ୍କ ଥିବା ଭଲ ପାଇବାକୁ ଦେଖି ନିଜ ବୁଲେଟ୍ ପ୍ରୁଭ୍ କାରରୁ ଓହ୍ଲାଇ ଆସିଥିଲେ । ଜୟଦେବ ବିହାର ଛକ ନିକଟରେ ବିଜେପିର ଏସ୍ସି ଏସ୍ଟି ସେଲ୍ ପକ୍ଷରୁ ପ୍ରଧାନମନ୍ତ୍ରୀଙ୍କ ସ୍ୱାଗତ କରିବା ପାଇଁ ରୁଣ୍ଡ ହୋଇଥିଲେ ବହୁ ସମର୍ଥକ ।
ଆଉ ଠିକ୍ ଏହି ସମୟରେ କାରରୁ ଓହ୍ଲାଇ ପଡ଼ି ବ୍ୟାରିକୋଟ୍ ନିକଟକୁ ଚାଲିଆସିଥିଲେ । ପ୍ରଧାନମନ୍ତ୍ରୀଙ୍କ ସୁରକ୍ଷା ଦାୟିତ୍ୱରେ ଥିବା ଏସ୍ପିଜି ଗାର୍ଡମାନେ ମଧ୍ୟ ତାଙ୍କୁ ଏଥିରୁ ବିରତ କରିବା ପାଇଁ ନିବେଦନ କରିଥିଲେ । ହେଲେ ମୋଦି ପ୍ରଟୋକଲ ଭୁଲି ଲୋକଙ୍କ ପାଖକୁ ଚାଲିଆସିଥିଲା । ରାଜଧାନୀର ରାଜରାସ୍ତାରେ ମୋଦି ଚାଲୁଥିବା ଦୃଶ୍ୟ ସେଠାରେ ଥିବା ଲୋକଙ୍କୁ ବେଶ ଉତ୍ସାହିତ କରଥିଲା । ଏମିତିକି ମୋଦିଙ୍କ ଏହି ଖବରକୁ ବିଭିନ୍ନ ଜାତୀୟ ଗଣମାଧ୍ୟମର ପ୍ରତିଧିନି ମାନେ ମଧ୍ୟ ବେଶ ଗୁରୁତ୍ୱ ଦେଉଥିବା ଦେଖିବାକୁ ମିଳିଛି ।