ସଚେତନ ହେଲେ, ସାହସ ବଢ଼ାଇଲେ ଜନତା । ‘ଜନତା କର୍ଫ୍ୟୁ’ରେ ଦେଶବାସୀଙ୍କ ଅଦ୍ଭୁତପୂର୍ଣ୍ଣ ସମର୍ଥନ ପାଇଁ ଧନ୍ୟବାଦ ଦେଲେ ମୋଦି । ରାଜ୍ୟ ସରକାରଙ୍କ ଲକ୍ ଡାଉନକୁ ପାଳନ କରିବାକୁ ଆହ୍ୱାନ ।
କନକ ବ୍ୟୁରୋ: କରୋନା ଭୂତାଣୁକୁ ରୋକିବାକୁ ଆଜି ସାରା ଦେଶ ସାମିଲ ହୋଇଛି ଜନତା କର୍ଫ୍ୟୁରେ । ଘରେ ଘରେ ନିଜକୁ ଲକଡାଉନ୍ କରିଛନ୍ତି ଦେଶବାସୀ । ଆଉ ଏହାରି ଭିତରେ ସନ୍ଧ୍ୟା ୫ଟା ବାଜିବା ମାତ୍ରେ ସାରା ଦେଶରେ ଶୁଭିଛି ଘଂଟିର ଶବ୍ଦ । କରୋନା ଭୂତାଣୁ ମହାମାରୀର ରୂପ ନେଇଥିବା ବେଳେ ଏଭଳି ସମୟରେ ନିଜକୁ ଅନ୍ୟମାନଙ୍କ ସେବା ପ୍ରତି ଉତ୍ସର୍ଗ କରିଥିବା ବ୍ୟକ୍ତିବିଶେଷଙ୍କୁ ତାଳି ମାରି ଧନ୍ୟବାଦ ଜଣାଇଛି ଭାରତ । ‘ଜନତା କର୍ଫ୍ୟୁ’ର ଅଭୂତତପୂର୍ବ ସଫଳତାକୁ ନେଇ ମୋଦୀ ଟୁଇଟ କରି ଲେଖିଛନ୍ତି, ଦେଶରେ ଏଯାବତ କରୋନାଭାଇରସ୍ ସଂକ୍ରମଣ ସଂଖ୍ୟା ୩୦୦ରୁ ଊର୍ଧ୍ୱ ଟପି ସାରିଲାଣି। କରୋନାଭାଇରସ୍ ବିରୋଧୀ ଯୁଦ୍ଧର ନେତୃତ୍ୱ ନେଇଥିବା ପ୍ରତ୍ୟେକ ବ୍ୟକ୍ତିଙ୍କୁ ଦେଶ ଏକ ହୋଇ ଧନ୍ୟବାଦ ଜଣାଇଛି । ଏଥିପାଇଁ ଦେଶବାସୀଙ୍କୁ ଅନେକ ଅନେକ ଧନ୍ୟବାଦ।
Kanak News is now on WhatsApp
Join and get latest news updates delivered to you via WhatsApp
कोरोना वायरस की लड़ाई का नेतृत्व करने वाले प्रत्येक व्यक्ति को देश ने एक मन होकर धन्यवाद अर्पित किया। देशवासियों का बहुत-बहुत आभार… #JantaCurfew
— Narendra Modi (@narendramodi) March 22, 2020
ଆଜିର ‘ଜନତା କର୍ଫ୍ୟୁ’ ରାତି ୯ଟାରେ ଶେଷ ହୋଇଛି । କିନ୍ତୁ ଏହାର ଅର୍ଥ ନୁହେଁ କି ଆମେ ଖୁସି ହୋଇଯିବା । ଏହାକୁ ସଫଳତା ବୋଲି ଧରନ୍ତୁ ନାହିଁ । ଏହା ଏକ ଦୀର୍ଘତମ ଯୁଦ୍ଧର ଆରମ୍ଭ ମାତ୍ର । ଆଜି ଦେଶବାସୀ ‘ଜନତା କର୍ଫ୍ୟୁ’କୁ ସଫଳ କରି ନିଜକୁ ସକ୍ଷମ ବୋଲି ପ୍ରମାଣ ଦେଇଛନ୍ତି। ଏପରି ମନୋବଳ ରଖିଲେ ଆଗାମୀ ଦିନରେ ଏକାଠି ହୋଇ କଠିନରୁ କଠିନ ସମସ୍ୟାକୁ ଦୂର କରି ପାରିବା ।
କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ଜାରି କରାଯାଉଥିବା ନିର୍ଦ୍ଦେଶକୁ ଅବଶ୍ୟ ପାଳନ କରନ୍ତୁ । ଯେଉଁ ଜିଲ୍ଲା ଓ ରାଜ୍ୟରେ ଲକ୍-ଡାଉନ୍ ଘୋଷଣା କରାଯାଇଛି ସେହି ସ୍ଥାନରେ ଲୋକମାନେ ଆଦୌ ଘରୁ ବାହାରକୁ ବାହାରନ୍ତୁ ନାହିଁ। ସେମିତି ବାକି ଥିବା ଅଞ୍ଚଳର ବାସିନ୍ଦା ଆବଶ୍ୟକ ନ ଥିଲେ ହିଁ ବାହାରକୁ ବାହାରନ୍ତୁ, ନଚେତ ଘରେ ହିଁ ରୁହନ୍ତୁ ବୋଲି ମୋଦୀ କହିଛନ୍ତି।