୫ ରାଜ୍ୟର ନିର୍ବାଚନ ଫଳାଫଳ ପରେ ମୋଦି ସରକାରଙ୍କୁ ଲାଗିଛି ଶକ୍ତ ଝଟକା । ଆଗାମୀ ଲୋକସଭା ନିର୍ବାଚନରେ କେଉଁ ନୀତି ଆପଣାଇବେ ସେ ନେଇ ଏବେଠାରୁ ବିଜେପି ପ୍ରସ୍ତୁତି ଆରମ୍ଭ କଲାଣି । ଅନ୍ୟପଟେ ପରାଜୟର କାରଣ ସମ୍ପର୍କରେ ଆଲୋଚନା କରିବାକୁ ଆଜି ଦିଲ୍ଲୀରେ ବିଜେପିର ବୈଠକ ବସୁଛି । ଅମିତ ଶାହ ଦିଲ୍ଲୀରେ ବରିଷ୍ଠ ନେତାଙ୍କ ସହ ଆଲୋଚନା କରିବେ । ଆଗାମୀ ସମୟରେ ଏଜେଣ୍ଡା କ’ଣ ରହିବ ? ବ୍ରାଣ୍ଡ ମୋଦି ଛବି କିପରି ମଳିନ ନପଡ଼ିବ ସେନେଇ ବିସ୍ତୃତ ଆଲୋଚନା ହେବ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସରକାରୀ ସୂତ୍ର ଅନୁସାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ସାରା ଦେଶର କୃଷକଙ୍କ ଋଣ ଛାଡ଼ିବା ପାଇଁ ଯୋଜନା କରୁଛନ୍ତି । ଆଗାମୀ ଲୋକସଭା ନିର୍ବାଚନ ପୂର୍ବରୁ କୃଷକଙ୍କୂ ଆକର୍ଷିତ କରିବା ପାଇଁ ଲକ୍ଷ ଋଣ ଛାଡ଼ ଘୋଷଣା କରିପାରନ୍ତି । ବଜେପି ଦେଶର ତିନି ବଡ଼ ରାଜ୍ୟ ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ଼ରେ ପରାଜିତ ହୋଇଛି । ବିଜେପି ସତ୍ତାରୂଢ଼ ରାଜ୍ୟ ହେଲେ ମଧ୍ୟ ଗୋଟିଏ ବି ରାଜ୍ୟରେ ବିଜୟ ବାନା ଉଡ଼ାଇ ପାରିନାହିଁ ବିଜେପି । ବିଜେପି ଶାସିତ ରାଜ୍ୟ ଗୁଡ଼ିକରେ ଏବେ ଚାଲିବ କଂଗ୍ରେସର ରାଜ୍ ।
ଅଭିଯୋଗ ହେଉଛି ବିଜେପି ଏହି ରାଜ୍ୟ ଗୁଡ଼ିକରେ କୃଷକଙ୍କ ଉପରେ ଗୁରୁତ୍ୱ ଦେଇନଥିଲେ । ପ୍ରତିଶ୍ରୁତି ରଖିନଥିଲେ । ଅନ୍ୟପଟେ କଂଗ୍ରେସ ସରକାର ଗଢ଼ିଲେ ୧୦ ଦିନ ପରେ ଋଣଛାଡ଼ କରିବା କଥା ବାରମ୍ବାର ଘୋଷଣା କରିଥିଲା । ତେବେ ସତରେ କଂଗ୍ରେସ ଋଣଛାଡ଼ କରିବ ପରି ଆଶା ଦେଖାଯାଉ ନାହିଁ । କାରଣ ରାହୁଲ ଗାନ୍ଧୀ, ଫଳାଫଳ ଘୋଷଣା ପରେ କରିଥିବା ପ୍ରେସମିଟରେ କହୁଛନ୍ତି ଋଣଛାଡ଼ କରିବା କୃଷକଙ୍କ ସମସ୍ୟାର ସମାଧାନ ନୁହେଁ । ଏଥିପାଇଁ ବିରାଟ ପ୍ରସ୍ତୁତି କରିବା ପାଇଁ ପଡ଼ିବ । ତେବେ ପୂର୍ବରୁ କିନ୍ତୁ ନିର୍ବାଚନୀ ସଭାରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଜୋର ଜୋରରେ କହୁଥିଲେ କଂଗ୍ରେସ ସରକାର ଗଢ଼ିଲେ ୧, ୨, ୩ . . . .୧୦ ଦିନ ଭିତରେ କୃଷକଙ୍କ ଋଣ ଛାଡ଼ ହେବ । ହେଲେ ନିର୍ବାଚନ ଜିତିବାରେ ପରେ ପ୍ରତିଶ୍ରୁତିରେ କେଁ ପୁରାଇଲେଣି ।
ସରକାରୀ ସୂତ୍ର ଅନୁସାରେ ସାରା ଦେଶରେ ୨୬ କୋଟି ୩୦ ଲକ୍ଷ କୃଷକଙ୍କ ଋଣ ଛାଡ଼ କରିବା ପାଇଁ ପ୍ରସ୍ତୁତି ଆରମ୍ଭ କରିଦେବେ ମୋଦି ସରକାର । ୨୦୧୯ରେ ହେବାକୁ ଥିବା ନିର୍ବାଚନକୁ ଦୃଷ୍ଟିରେ ରଖି ବିଜେପି ସରକାର କୃଷକଙ୍କ ସପକ୍ଷରେ ଖୁବ ଶୀଘ୍ର ପଦକ୍ଷେପ ନେବ ବୋଲି କୃଷି ବିଶେଷଜ୍ଞ କହିଛନ୍ତି । ଏହା ବ୍ୟତୀତ ଚାଉଳ ଓ ଗହମର ସର୍ବନିମ୍ନ ସହାୟକ ମୂଲ୍ୟ ମଧ୍ୟ ବୃଦ୍ଧି କରିପାରନ୍ତି । ସୂତ୍ର ଅନୁସାରେ ୫୬.୫ ବିଲିୟନ୍ ଡଲାରର ଋଣ ଛାଡ଼ କରିବା ପାଇଁ ଘୋଷଣା ହେବ । ସୂଚନାଯୋଗ୍ୟ ୨୦୧୪ ଲୋକସଭା ନିର୍ବାଚନ ସମୟରେ ଋଣ ଛାଡ଼ ରାଜନୀତି ଜିତିବାର ସବୁଠାରୁ ବଡ଼ ଜରିଆ ସାଜିଥିଲା ।