ସର୍ଜିକାଲ ଷ୍ଟ୍ରାଇକ ଅପରେସନ ସଫଳ ହେଉ ବା ନହେଉ । ସର୍ଯ୍ୟୋଦୟ ପୂର୍ବରୁ ଯେମିତି ସମସ୍ତ ଯବାନ ଫେରିଆସନ୍ତୁ । ସର୍ଜିକାଲ ଷ୍ଟ୍ରାଇକ ପୂର୍ବରୁ ଯବାନ ମାନଙ୍କୁ ଏଭଳି କିଛି ନିର୍ଦ୍ଦେଶ ଦିଆଯାଇଥିଲା । ଆଉ ଏହାର ଖୁଲାସା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ନୂଆବର୍ଷରେ ପ୍ରଥମ ସାକ୍ଷାତକାରରେ ମୋଦି ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ନିଜର ପ୍ରତିକ୍ରିୟା ଦେଇଛନ୍ତି । ୯୫ ମିନିଟର ଇଣ୍ଟରଭ୍ୟୁରେ ଅନେକ ଗୁଡିଏ ଘଟଣା ସର୍ମ୍ପକରେ ଖୋଲାଖୋଲି ମନ୍ତବ୍ୟ ଦେଇଛନ୍ତି ମୋଦି । ଖାସକରି ସର୍ଜିକାଲ ଷ୍ଟ୍ରାଇକକୁ ନେଇ ବିରୋଧୀ ପ୍ରଶ୍ନ ଉଠାଇଥିବା ବେଳେ ମୋଦି କହିଛନ୍ତି ସର୍ଜିକାଲ ଷ୍ଟ୍ରାଇକ ଆମ ପାଇଁ ସବୁଠୁ ବଡ ରିସ୍କ ଭାବେ ଉଭା ହୋଇଥିଲା । ସୀମା ଆରପାରିକୁ ଯାଇଥିବା ଯବାନ ନ ଫେରିବା ପର୍ଯ୍ୟନ୍ତ ଆମର ନିଃଶ୍ୱାସ ଅଟକି ଯାଇଥିଲା ବୋଲି କହିଛନ୍ତି ମୋଦି । କାରଣ ଯବାନ ମାନଙ୍କ ସୁରକ୍ଷା ଆମର ପ୍ରାଥମିକତା ଥିଲା ।
Kanak News is now on WhatsApp
Join and get latest news updates delivered to you via WhatsApp
ତେଣୁ ସର୍ଜିକାଲ ଷ୍ଟ୍ରାଇକ ମିଶନ ପୂର୍ବରୁ ସମସ୍ତ ଯବାନ ମାନଙ୍କୁ କୁହାଯାଇଥିଲା, ଏହି ମିଶନ ସଫଳ ହେଉ ବା ନ ହେଉ କିନ୍ତୁ ସୂର୍ଯ୍ୟୋଦୟ ପୂର୍ବରୁ ସୀମା ଆରପାରିକୁ ଯାଇଥିବା ସମସ୍ତ ଯବାନ ଫେରି ଆସିବା ଦରକାର । ଏପରିକି ମୋଦି କହିଥିଲେ, ମୋତେ ମିଶନ ବାବଦରେ ଟିକିନିକି ତଥ୍ୟ ଦିଆଯାଇଥିଲା । ସୂର୍ଯ୍ୟୋଦୟ ପୂର୍ବରୁ ସମସ୍ତ ଯବାନ ସୀମା ମଧ୍ୟକୁ ଆସିବେ ବୋଲି କୁହାଯାଇଥିଲା, କିନ୍ତୁ ସମସ୍ତ ଯବାନ ସୀମାକୁ ନ ଫେରିବା ପର୍ଯ୍ୟନ୍ତ ଚିନ୍ତା ବଢି ଯାଇଥିଲା ।
ଅନ୍ୟପଟେ ପାକିସ୍ତାନ ସୀମାରେ ବାରମ୍ବାର ଆକ୍ରମଣ କରୁଥିବା ଘଟଣାରେ ମୋଦି କହିଛନ୍ତି, ପାକିସ୍ତାନ ଗୋଟିଏ ଲଢେଇ ସୁଧୁରିବ ନାହିଁ । ଏଭଳି କହି ବିରୋଧୀ ଦଳ ଗୁଡିକୁ ମଧ୍ୟ ପରୋକ୍ଷରେ ଟାର୍ଗେଟ କରିଛନ୍ତି ମୋଦି । କାରଣ ସେତେବେଳେ ବିରୋଧୀ ଦଳ ଗୁଡିକ ମଧ୍ୟ ସର୍ଜିକାଲ ଷ୍ଟ୍ରାଇକକୁ ବିରୋଧ କରୁଥିଲେ ।
କେବେ ହୋଇଥିଲା ସର୍ଜିକାଲ ଷ୍ଟ୍ରାଇକ :
୨୦୧୬ରେ ଉରୀ ଆତଙ୍କବାଦୀ ଆକ୍ରମଣରେ ସେନା ଯବାନ ଶହୀଦ ହେବା ପରେ ଏହାର ୧୦ ଦିନ ମଧ୍ୟରେ ଆକ୍ସନ ମୋଡକୁ ଆସିଥିଲା ଭାରତୀୟ ସେନା । ୨୮ ସେପ୍ଟେମ୍ବର ରାତିରେ ଯୋଜନାବଦ୍ଧ ଭାବେ ଭାରତୀୟ ସେନା ପାକିସ୍ତାନ ସୀମାର ୩ କିଲୋମିଟର ପର୍ଯ୍ୟନ୍ତ ପ୍ରବେଶ କରି ଆତଙ୍କବାଦୀଙ୍କୁ ନିପାତ କରିଥିଲେ । ଏହାଛଡା ଲ ଞ୍ଚିଂ ପ୍ୟାଡକୁ ମଧ୍ୟ ମାଟିରେ ମିଶାଇ ଦେଇଥିଲେ । କିନ୍ତୁ ସେତେବେଳେ ସର୍ଜିକାଲ ଷ୍ଟ୍ରାଇକକୁ ନେଇ ପ୍ରଶ୍ନ ଉଠାଇଥିଲେ ବିରୋଧୀ । ଆଉ ଏହାର ୨ ବର୍ଷ ପରେ ଆଜି ଏ ବାବଦରେ ମୁହଁ ଖୋଲିଛନ୍ତି ମୋଦି ।