ବିରୋଧୀଙ୍କ ମେଣ୍ଟ ବାଣରେ ଘାଇଲା ହେବାରେ ଲାଗିଛି ଶାହା ଓ ମୋଦିଙ୍କ ଯୋଡି । ଦୀର୍ଘ ୩୪ ବର୍ଷ ପରେ ଏକକ ସଂଖ୍ୟା ଗରିଷ୍ଠ ଦଳ ଭାବେ କେନ୍ଦ୍ରରେ ଗାଦି ସମ୍ଭାଳିଥିବା ବିଜେପିକୁ ଏବେ ଅଡୁଆରେ ପକାଉଛନ୍ତି ବିରୋଧୀ । କାରଣ ଦିନକୁ ଦିନ ୨୦୧୪ ଠାରୁ ୨୦୧୮ ପର୍ଯ୍ୟନ୍ତ ହୋଇଥିବା ୨୭ଟି ଉପ-ନିର୍ବାଚନରେ ବିଜେପି ମାତ୍ର ୫ଟି ସିଟ୍ ହାସଲ କରିବା ପାଇଁ ସକ୍ଷମ ହୋଇଛି । ଅନ୍ୟପଟେ ସତ୍ତା ହରେଇଥିବା କଂଗ୍ରେସ ସହିତ ଅନେକ ଦଳ ଏବେ ମେଣ୍ଟ କରି ବିଜେପିକୁ ୨୦୧୯ ସାଧାରଣ ନିର୍ବାଚନରେ ଧୁଳି ଚଟାଇବା ପାଇଁ ରଣନୀତି ପ୍ରସ୍ତୁତ କରିବାରେ ଲାଗିଛନ୍ତି । ତେବେ ଏହା ହିଁ ବିଜେପି ପାଇଁ ମୁଣ୍ଡ ବ୍ୟଥାର କାରଣ ପାଲଟିଥିବା ସ୍ପଷ୍ଟ ବାରି ହୋଇପଡୁଛି । ନିକଟରେ ଉତ୍ତରପ୍ରଦେଶରେ ସରିଥିବା ନିର୍ବାଚନରେ ବିଜେପି ସଂକଟରେ ସାମ୍ନା କରିଥିବା ବେଳେ ଏବେ ଦଳ ଖୋଜୁଛି ଏଥିରୁ ମୁକୁଳିବାର ବାଟ ।
Kanak News is now on WhatsApp
Join and get latest news updates delivered to you via WhatsApp
ଏଭଳି ଘଡିସନ୍ଧି ମୂହୁର୍ତ୍ତରେ ସଙ୍କଟରୁ ଉଦ୍ଧାର କରିବା ପାଇଁ ଦଳ ପରାମର୍ଶଦାତା ବା ପାରଙ୍ଗମ ନେତା ଆବଶ୍ୟକ କରୁଛି । ବିରୋଧୀ କରୁଥିବା ରଣନୀତିକୁ ଭେଦ କରି ୨୦୧୯ରେ ପୁଣି କ୍ଷମତାକୁ ଆସିବା ପାଇଁ ମୋଦି ଗୋଟି ଚାଳନା କରୁଥିବା ନେଇ ଜାତୀୟ ଗଣମାଧ୍ୟମରେ ଜୋରଦାର ଚର୍ଚ୍ଚା ହେଉଛି । ମିଳିଥିବା ସୁଚନା ମୁତାବକ ମୋଦିଙ୍କୁ ମିଳିଛି ବ୍ରହ୍ମାସ୍ତ୍ର, ଆଉ ସେ ଅସ୍ତ୍ର ହେଉଛନ୍ତି ବିଜେପିର ଦକ୍ଷ ଏବଂ ବରିଷ୍ଠ ନେତା ଲାଲକୃଷ୍ଣ ଆଡଭାନୀ । ୨୦୧୯ ନିର୍ବାଚନ ପାଇଁ ଯାହାଙ୍କର ସାହାରା ଲୋଡିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୨୦୧୪ରେ କ୍ଷମତାକୁ ଆସିବା ପରେ ଆଡଭାନୀ ଓ ମୁରଲୀ ମନୋହର ଯୋଶୀଙ୍କୁ ଦଳ ମାର୍ଗଦର୍ଶକ ଦାୟୁତ୍ୱ ଦେବା ସହ ଦଳୀୟ ନିତିଦିନିଆ ରାଜନୀତିରୁ ଦୂରେଇ ରଖିଥିଲା । ହେଲେ ଏବେ ସମୟ ବଦଳିବା ସହ ମୋଦି, ଆଡଭାନୀଙ୍କ ଆବଶ୍ୟକତାକୁ ଅନୁଭବ କରୁଥିବା ଚର୍ଚ୍ଚା ହେଉଛି ।
ଜାତୀୟ ଗଣମାଧ୍ୟମ ରିପୋର୍ଟ ମୁତାବକ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚାହୁଁଛନ୍ତି ଯେ ଆଗାମୀ ଲୋକସଭା ନିର୍ବାଚନରେ ବିଜେପିର ପୁରୁଖା ନେତା ଲାଲକୃଷ୍ଣ ଆଡଭାନୀ ନିର୍ବାଚନ ମଇଦାନକୁ ଓହ୍ଲାନ୍ତୁ । ଏହାସହ ଦଳର ଆଉଜଣେ ବରିଷ୍ଠ ନେତା ମୁରଲୀ ମନୋହର ଯୋଶୀଙ୍କୁ ମଧ୍ୟ ଲୋକସଭା ଆସନରେ ପ୍ରାର୍ଥୀ କରିପାନ୍ତି ମୋଦି । ସୁଚନା ମୁତାବକ ଗତ କିଛିଦିନ ତଳେ ବିଜେପିର ୯୦ ବର୍ଷିୟ ନେତା ଲାଲକୃଷ୍ଣ ଆଡଭାନୀଙ୍କୁ ଦିଲ୍ଲୀ ସ୍ଥିତ ବାସଭବନରେ ଯାଇ ସାକ୍ଷାତ କରିଛନ୍ତି । ମୋଦିଙ୍କ ସହ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଆଗାମୀ ନିର୍ବାଚନରେ ଲଢ଼ିବା ପାଇଁ ଆଡଭାନୀଙ୍କୁ ପ୍ରସ୍ତାବ ଦେଇଥିବା ଚର୍ଚ୍ଚା ହେଉଛି । ଅପରପକ୍ଷେ ଲାଲକୃଷ୍ଣ ଆଡଭାନୀ ଓ ମୁରଲୀ ମନୋହର ଯୋଶୀଙ୍କୁ ବିଜେପି ସଂସଦୀୟ ବୋର୍ଡରେ ସ୍ଥାନ ନ ଦେଇ ସେମାନଙ୍କୁ ଦଳର ମାର୍ଗ ଦର୍ଶକ ଭାବେ ସ୍ଥାନିତ କରିଥିଲେ ମୋଦି । ଯେଉଁଥିରେ ପୂର୍ବରୁ ମୋଦି-ଶାହା ଏବଂ ରାଜନାଥ ସିଂ ପ୍ରମୂଖ ସାମିଲ ଅଛନ୍ତି ।
ସବୁଠାରୁ ବଡ କଥା ହେଲା, ଲାଲକୃଷ୍ଣ ଆଡଭାନୀ ନିଜେ ରାଷ୍ଟ୍ରପତି ପ୍ରାର୍ଥୀଭାବେ ନଲଢ଼ିବା ପାଇଁ କହିଥିଲେ । ପରେ ଏହାକୁ ନେଇ ଅନେକ ଜାତୀୟ ଗଣମାଧ୍ୟମରେ ଚର୍ଚ୍ଚା ହୋଇଥିଲା । ତେବେ ମୋଦି ବର୍ତ୍ତମାନ ସେହି ଦକ୍ଷ ରାଜନେତାଙ୍କୁ ଢ଼ାଲ କରି ଆଗାମୀ ୨୦୧୯ ନିର୍ବାଚନ ବାଜିମାତ କରିବା ପାଇଁ ଗୋଟି ଚାଳନା କରୁଥିବା କୁହାଯାଉଛି ।
କାହିଁକି ମୋଦିଙ୍କୁ ଲୋଡା ଆଡଭାନୀଙ୍କ ସାଥ୍?
ବିଜେପିର ବିଗତ ୪ ବର୍ଷର ଉପ-ନିର୍ବାଚନର ଇତିହାସ ଅନୁଧ୍ୟାନ କଲେ, ଦଳ ସାମ୍ନାରେ ଅନେକ ଆହ୍ୱାନ ଥିନା ସ୍ପଷ୍ଟ ହୋଇଛି ।
ଏହାର ଦୃଷ୍ଟାନ୍ତ ହେଉଛି ଯେ-:
୨୦୧୪ରେ ହୋଇଥିବା ୫ଟି ଉପନିର୍ବାଚନରେ ବିଜେପିକୁ ୨ଟି ସିଟ୍
୨୦୧୫ରେ ହୋଇଥିବା ୩ଟି ଉପନିର୍ବାଚନରେ ବିଜେପିକୁ ଚେକମେଟ କରିଥିେ ବିରୋଧୀ
୨୦୧୬ : ୫ଟି ସିଟରୁ ୨ଟିରେ ବିଜେପି ବିଜୟୀ ହୋଇଥିଲା
୨୦୧୭ : ୪ଟି ସିଟରେ ବିଜେପି ହାତ ଖାଲି ପଡିଥିଲା
ଶେଷରେ ୨୦୧୮ରେ ୧୦ଟି ଉପ-ନିର୍ବାଚନରେ ବିଜେପିକୁ ମିଳିଛି ମାତ୍ର ଗୋଟିଏ ସିଟ୍ । ତେବେ ବିଜେପି କ୍ଷମତାକୁ ଆସିବା ପରଠାରୁ ସର୍ବମୋଟ ୨୭ଟି ଉପ-ନିର୍ବାଚନ ସିଟରୁ ୫ଟି ଆସନ ପାଇବାରେ ସକ୍ଷମ ହୋଇଛି ଦଳ । ଏଭଳି ସ୍ଥିତିରେ ୧୯୭୭ ମସିହାରୁ ଦଳର ଭିତ୍ତିଭୂମୀ ପକାଇବା ଠାରୁ ଆରମ୍ଭ କରି ଦଳର ବିପର୍ଯ୍ୟୟ ପରିସ୍ଥିତିରେ ଚାଣକ୍ୟଭାବେ କାର୍ଯ୍ୟ ତୁଲାଇଥିବା ଆଡଭାନୀଙ୍କ ସହ ବରିଷ୍ଠ ନେତାଙ୍କୁ ସ୍ମରଣ କରିଛନ୍ତି ନରେନ୍ଦ୍ର ମେ।।ଦି । ଦେଖିବାର କଥା ପୂର୍ବ ମନ ମତାନ୍ତର ଭୂଲି ଆଡଭାନୀ, ମୋଦିଙ୍କ ସାଥ ଦେବେ ନାଁ ରାଷ୍ଟ୍ରପତି ପଦ ଭଳି ନିର୍ବାଚନୀ ପ୍ରାର୍ଥୀ ହେବା ପାଇଁ ମନା କରିଦେବେ ଆଡଭାନୀ ।