କନକ ବ୍ୟୁରୋ : କାଜାକିସ୍ତାନର ସାଂଘାଇ ଏସସିଓ ସମ୍ମିଳନୀରେ ପାକିସ୍ତାନ ପ୍ରଧାନମନ୍ତ୍ରୀ ନୱାଜ ସରିଫଙ୍କୁ ଭେଟିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସ୍ୱାଗତ ସମାରୋହରେ ଉଭୟ ନେତା ପରସ୍ପରକୁ ଅଭିବାଦନ ଜଣାଇଛନ୍ତି । ଏହି ଅବସରରେ ସରିଫ୍ ଓ ତାଙ୍କ ମାଆଙ୍କ ସ୍ୱାସ୍ଥ୍ୟବସ୍ଥା ପଚାରି ବୁଝିଛନ୍ତି ମୋଦି । ନିକଟରେ ସରିଫଙ୍କ ହାର୍ଟ ସର୍ଜରୀ ହୋଇଥିବା ବେଳେ ସେ ଏବେ କିଭଳି ଅଛନ୍ତି ବୋଲି ମୋଦି ତାଙ୍କଠୁ ଜାଣିବାକୁ ଚାହିଁଥିଲେ । ତେବେ ଏସସିଓ ସମ୍ମିଳନୀ ଅବସରରେ ଆଜି ଦୁଇ ନେତାଙ୍କ ମଧ୍ୟରେ ଆଲୋଚନା ହେବା ନେଇ ସ୍ପଷ୍ଟ ସୂଚନା ମିଳିପାରିନାହିଁ । ଉଭୟ ଦେଶ ଏହି ପ୍ରସଙ୍ଗରେ ଏଯାଏଁ ନିରବ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନିୟନ୍ତ୍ରଣ ରେଖାରେ ଭାରତୀୟ ସେନା ଯବାନଙ୍କ ଶରୀରକୁ ଖଣ୍ଡବିଖଣ୍ଡ କରିବା ଏବଂ ଭାରତର ପୂର୍ବତନ ନୌସେନା ଅଧିକାରୀ କୂଳଭୁଷଣ ଯାଦବଙ୍କୁ ଫାଶୀ ମାମଲାରେ ଦୁଇ ଦେଶ ମଧ୍ୟରେ ଅଶାନ୍ତି ଲାଗି ରହିଛି । ସଂଘାଇ ଏସସିଓ ବୈଠକରେ ଯୋଗ ଦେବାକୁ ମୋଦି ଦୁଇ ଦିନିଆ ଗସ୍ତରେ ଅଛନ୍ତି । ବୈଠକରେ ଭାରତ ସମେତ ପାକିସ୍ତାନକୁ ମଧ୍ୟ ସଂଗଠନର ସ୍ଥାୟୀ ସଦସ୍ୟତା ମିଳିବ । ସାମରିକ ସହଯୋଗ, ଗୁଇନ୍ଦା ଆଦାନ-ପ୍ରଦାନ ଓ ଆତଙ୍କବାଦୀଙ୍କ ବିରୋଧରେ ଏକଜୁଟ୍ ହେବା ବୈଠକର ମୁଖ୍ୟ ଏଜେଣ୍ଡା ରହିଛି । ବୈଠକରେ ଭାରତ ଆତଙ୍କବାଦ ବିରୋଧରେ କଡା ସ୍ୱର ଉଠାଇବ ।