ମୋଦି ମାଆ ଓ ମୁଖ୍ୟମନ୍ତ୍ରୀ ! କେଜ୍ରିୱାଲ୍ କହିଲେ ମାଆ ଓ ପତ୍ନୀଙ୍କୁ ସାଙ୍ଗରେ ନରଖିବା ଭାରତୀୟ ସଂସ୍କୃତି ବିରୋଧୀ
କନକ ବ୍ୟୁରୋ : ମାଆଙ୍କୁ ଭେଟିଲେ ପ୍ରଧାନମନ୍ତ୍ରୀ ହେଲେ ପ୍ରଶ୍ନ ଉଠାଇଲେ ଦିଲ୍ଲୀ ମୁଖ୍ୟମନ୍ତ୍ରୀ । ଆଜି ସକାଳେ ମୋଦି ଟ୍ୱିଟ କରିଥିଲେ ଯେ, “ ଯୋଗ କାର୍ଯ୍ୟକ୍ରମ ବାତିଲ କରି ମା’ଙ୍କୁ ଭେଟିବାକୁ ଗଲି । ସୂର୍ଯ୍ୟୋଦୟ ପୂର୍ବରୁ ତାଙ୍କ ସହ ଜଳଖିଆ ଖାଇଲି । ମାଆଙ୍କ ସହ ଖୁସିରେ ସମୟ କାଟିଲି ।”
Kanak News is now on WhatsApp
Join and get latest news updates delivered to you via WhatsApp
ଏହାର ଠିକ୍ ପରେପରେ ପାଲଟା ଟ୍ୱିଟ କରି ମୋଦିଙ୍କୁ ଟାର୍ଗେଟ କରିଛନ୍ତି କେଜ୍ରିୱାଲ । ମାଆ ଓ ପତ୍ନୀଙ୍କୁ ସାଙ୍ଗରେ ରଖୁନଥିବା ଟିପ୍ପଣୀ କରିଛନ୍ତି । କହିଛନ୍ତି ମୁଁ ମୋ ମା’ଙ୍କ ସହ ରହୁଛି । ପ୍ରତିଦିନ ତାଙ୍କର ଆଶୀର୍ବାଦ ନେଉଛି, ହେଲେ ଡେଙ୍ଗୁରା ବାଡେଇ କାହାକୁ ଜଣାଉନାହିଁ । ରାଜନୀତି କରିବାକୁ ବ୍ୟାଙ୍କ ଆଗରେ ଲାଇନରେ ମା’ଙ୍କୁ ଛିଡ଼ା କରାଉନାହିଁ ।”
“ହିନ୍ଦୁ ଧର୍ମ ଓ ଭାରତୀୟ ସଂସ୍କୃତି କୁହେ, ମା’ ଓ ଧର୍ମପତ୍ନୀଙ୍କୁ ପାଖରେ ରଖିବା ଉଚିତ । ପ୍ରଧାନମନ୍ତ୍ରୀଙ୍କ ବାସଭବନ ବହୁତ ବଡ଼, ହୃଦୟ ବଡ଼ କରିବା ଆବଶ୍ୟକ ।”
ପ୍ରଧାନମନ୍ତ୍ରୀଙ୍କ ପ୍ରବଳ ବିରୋଧୀ କେଜ୍ରିୱାଲ୍ ବିମୁଦ୍ରାୟନ ଘୋଷଣାକୁ ନେଇ ମମତା ଓ ରାହୁଲଙ୍କ ପରି ମୂଳରୁ ମୋଦିଙ୍କୁ ସମାଲୋଚନା କରିଆସୁଛନ୍ତି । ଆଉ ପୁଣିଥରେ ମୋଦିଙ୍କ ମାଆ ହୀରାବେନ, ବ୍ୟାଙ୍କ ଧାଡିରେ ଛିଡା ହେବା କଥା ଉଠାଇ ଗୋଟିଏ ଗୁଳିରେ ଦୁଇଟି ଶିକାର କରିଛନ୍ତି । ଗୋଟିଏ ପଟେ ବିମୁଦ୍ରାୟନ ଓ ଅନ୍ୟପଟେ ଏହାକୁ ସମର୍ଥନ କରି ମୋଦିଙ୍କ ମାଆ ବ୍ୟାଙ୍କ ଆଗରେ ଠିଆହେବାକୁ ଟାର୍ଗେଟ କରିଛନ୍ତି ଆପ୍ ମୁଖ୍ୟ ।