ବିଜେପି ସଂସଦୀୟ ଦଳ ବୈଠକରେ ଭାବପ୍ରବଣ ହେଲେ ମୋଦି । କହିଲେ, ଇନ୍ଦିରା ଗାନ୍ଧିଙ୍କ ସମୟରେ ବି ୧୮ଟି ରାଜ୍ୟରେ କ୍ଷମତାରେ ଥିଲା କଂଗ୍ରେସ । ଏବେ ୧୯ ରାଜ୍ୟରେ ବିଜେପି ଶାସନ ।
ବିଜେପି ସଂସଦୀୟ ଦଳ ବୈଠକରେ ଭାବପ୍ରବଣ ହେଲେ ମୋଦି । ଆଜି ବସିଥିବା ବୈଠକରେ କହିଛନ୍ତି ଇନ୍ଦିରା ଗାନ୍ଧିଙ୍କ ସମୟରେ ବି ୧୮ଟି ରାଜ୍ୟରେ କ୍ଷମତାରେ ଥିଲା କଂଗ୍ରେସ । ହେଲେ ଏବେ ୧୯ ରାଜ୍ୟର ଶାସନ ଡୋରି ରହିଛି ବିଜେପି ହାତରେ । ଗୁଜୁରାଟ ଓ ହିମାଚଳ ପ୍ରଦେଶରେ ବିଜେପି ବିଜୟୀ ହେବା ପରେ ବସିଥିଲା ବିଜେପିର ସଂସଦୀୟ ଦଳ ବୈଠକ । ବୈଠକକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ସମ୍ବୋଧିତ କରିଛନ୍ତି । ବୈଠକକୁ ସମ୍ବୋଧିତ କରିବା ସମୟରେ ଭାବୁକ ହୋଇପଡିଥିଲେ ପ୍ରଧାନମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଦୁଇ ରାଜ୍ୟର ବିଧାନସଭା ର୍ନିବାଚନରେ ଦଳର କାର୍ଯ୍ୟକର୍ତା ଯେଉଁଭଳି ଭାବେ ମିଳିମିଶି କାମ କଲେ ତାକୁ ସର୍ବଦା ବଜାୟ ରଖିବାକୁ ମୋଦି ପରାମର୍ଶ ଦେଇଛନ୍ତି । ୨୦୧୯ ନିର୍ବାଚନରେ ବୁଥସ୍ତରରେ କିପରି ଦଳକୁ ଆହୁରି ମଜବୁତ କରାଯାଇପାରିବ ସେନେଇ ନେତାମାନଙ୍କୁ ମୋଦି ଟିପ୍ସ ଦେଇଛନ୍ତି । ବୈଠକରେ ମୋଦିଙ୍କୁ ଲଡୁ ଖୁଆଇ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି । ସଂସଦୀୟ ଦଳ ମନ୍ତ୍ରୀ ଅନନ୍ତ କୁମାର ମଧ୍ୟ ଉଭୟ ପ୍ରଧାନମନ୍ତ୍ରୀ ଓ ରାଷ୍ଟ୍ରୀୟ ଅଧ୍ୟକ୍ଷଙ୍କୁ ଶୁଭେଚ୍ଛା ଜଣାଇଛନ୍ତି ।