ମୋଦି ସରକାର ପୂରଣ କରିବେ ୨.୮ଲକ୍ଷ ପଦବୀ ! ଜାଣନ୍ତୁ କେଉଁ ବିଭାଗରେ କେତେ କର୍ମଚାରୀ ପାଇବେ ନିଯୁକ୍ତି
ଦେଶବାସୀଙ୍କ ପାଇଁ ଆସିଗଲା ଅଛେ ଦିନ୍ । କାରଣ ମୋଦି ସରକାର ଖୁବ୍ ଶୀଘ୍ର ଅଢ଼େଇ ଲକ୍ଷରୁ ଅଧିକ ଖାଲିଥିବା ପଦବୀ ପୂରଣ କରିବାର ଯୋଜନା ଚଳାଇଛନ୍ତି । ଏବେ ନଜର ପକାନ୍ତୁ କେଉଁ ବିଭାଗରେ କେତେ କର୍ମଚାରୀ ପାଇବେ ନିଯୁକ୍ତି ।
Kanak News is now on WhatsApp
Join and get latest news updates delivered to you via WhatsApp
କଳଧନା ବିରୋଧରେ ସରକାର ଲଗାଇଥିବା ଅଙ୍କୁଶରେ ମୁଖ୍ୟ ଭୂମିକା ଗ୍ରହଣ କରିଥିବା ଆୟକର ବିଭାଗରେ ଅଧିକ କର୍ମଚାରୀ ଭର୍ତ୍ତି ହୋଇ ପାରନ୍ତି ବୋଲି ଖବର ପ୍ରକାଶ ପାଇଛି । ଏହା ବ୍ୟତୀତ କଷ୍ଟମ, ଏକ୍ସସାଇଜ ବିଭାଗ ଓ ପୁଲିସକର୍ମୀ ପଦରେ ନୂତନ କର୍ମଚାରୀ ପ୍ରଦାନ କରାଯିବ ।
ସୂଚନା ଅନୁଯାୟୀ , ଆୟକର ବିଭାଗରେ ବର୍ତ୍ତମାନ ୪୬,୦୦୦ କର୍ମଚାରୀ କାର୍ଯ୍ୟରତ ଥିଲା ବେଳେ ୨୦୧୮ ସୁଦ୍ଧା ୮୦୦୦୦ କର୍ମଚାରୀଙ୍କୁ ନିଯୁକ୍ତ ଦିଆଯିବ । ସେହିପରି କଷ୍ଟମ ଓ ଏକ୍ସସାଇଜ୍ ବିଭାଗରେ ୪୧୦୦୦ ଅତିରିକ୍ତ କର୍ମଚାରୀ ଆସିବେ । ଅର୍ଥାତ୍ ୫୦୬୦୦ କର୍ମଚାରୀରୁ ୯୧୭୦୦କର୍ମଚାରୀ ରହିବେ । ତେବେ ବର୍ତ୍ତମାନ ରେଲେଓ୍ଵ କର୍ମଚାରୀଙ୍କ ସଂଖ୍ୟା ବୃଦ୍ଧି କରାଯିବ ନାହିଁ । ସେନା ପରେ ରେଲେଓ୍ଵ ହେଉଛି ସବୁଠାରୁ ଅଧିକ କର୍ମଚାରୀ ଥିବା ବିଭାଗ । ବର୍ତ୍ତମାନ ରେଲେଓ୍ଵ କର୍ମଚାରୀଙ୍କ ସଂଖ୍ୟା ୧୩.୩୧ ଲକ୍ଷ ରହିଛି ।
ବିଦେଶ ମନ୍ତ୍ରଣାଳୟରେ ୨୦୦୦ ଅତିରିକ୍ତ କର୍ମଚାରୀଙ୍କୁ ନିୟୋଜିତ କରାଯିବ । ୨୦୧୬ ମସିହାରେ ଏହାର କର୍ମଚାରୀଙ୍କ ସଂଖ୍ୟା ୯୨୯୪ ଥିଲା, ଯାହାକି ୨୦୧୮ ବୃଦ୍ଧି ପାଇ ୧୧୪୦୩ ହେବ । ସେହିପରି ସୂଚନା ପ୍ରସାରଣ ମନ୍ତ୍ରଣାଳୟର କର୍ମଚାରୀଙ୍କ ସଂଖ୍ୟା ୪୦୧୨ ରୁ ବୃଦ୍ଧି ପାଇ ୬୨୫୮ ହେବ ଏବଂ କ୍ୟାବିନେଟ୍ ସଚିବାଳୟରେ ବର୍ତ୍ତମାନ କର୍ମଚାରୀଙ୍କ ସଂଖ୍ୟା ୯୨୧ ରହିଛି । ଆଗାମୀ ଦିନରେ କର୍ମଚାରୀଙ୍କ ସଂଖ୍ୟା ୧୨୧୮ କରାଯିବ । ଏହା ବ୍ୟତୀତ ସ୍ପେସ୍, ଅଟୋମେଟିକ୍ ଏନାର୍ଜି ଡିପାର୍ଟମେଣ୍ଟମାନଙ୍କରେ ବି କର୍ମଚାରୀଙ୍କ ସଂଖ୍ୟାକୁ ବୃଦ୍ଧି କରିବା ପାଇଁ ଯୋଜନା କରିଛନ୍ତି ସରକାର ।
ଏହା ସହ ପଢନ୍ତୁ ମୋଦିଙ୍କ ତିନିଟି ଐତିହାସିକ ପଦକ୍ଷେପ ! ଯାହା ଦୋହଲାଇ ଦେଇଛି ସମଗ୍ର ବିଶ୍ୱକୁ