ଗାଈ ସେବାରେ ମୋଦି ସରକାର ! ତିଆରି ହେବ ଗାଈ ମନ୍ତ୍ରାଳୟ
ଗାଈ ସେବାରେ ମୋଦି ସରକାର । ମୋଦି ସରକାର ତିଆରି କରିବେ ଗାଈ ମନ୍ତ୍ରାଳୟ । ନିକଟରେ ଗାଈଙ୍କ ପାଇଁ ଏକ ନୂଆ ମନ୍ତ୍ରାଳୟ ଆରମ୍ଭ କରିବା ପାଇଁ ଯୋଜନା କରୁଛନ୍ତି ବୋଲି ଲକ୍ଷ୍ନୌରେ କହିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ । ଗାଈ ମନ୍ତ୍ରାଳୟ ପାଇଁ ଅନେକ ଅନୁରୋଧ ଆସୁଛି ଏବଂ ଏ ଦିଗରେ ଆଲେଚନା ଜାରି ରହିଛି ବୋଲି ଅମିତ ଶାହ ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁସାରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥଙ୍କ ସହ ଅମିତ ଶାହ ନିକଟରେ ଏକ ପ୍ରେସ କନଫରେନ୍ସରେ ଉପସ୍ଥିତ ଥିଲେ । କେଉଁ ମନ୍ତ୍ରାଳୟ ପାଇଁ ଜନାଦେଶ ହେବ ସେ ନେଇ କିଛି ସ୍ପଷ୍ଟ କରିନଥିଲେ ହେଁ ଗାଈ ମନ୍ତ୍ରାଳୟ ତିଆରି ହେବ ବୋଲି ତାଙ୍କ କଥାରୁ ଜଣାପଡ଼ୁଥିଲା । ଗାଈଙ୍କ ସୁରକ୍ଷା ଦିଗରେ ପ୍ରଥମ ଥର ପାଇଁ ୨୦୧୪ରେ ପ୍ରଧାନମନ୍ତ୍ରୀ ମୋଦିଙ୍କ ନିକଟରେ ଯୋଗୀ ଆଦିତ୍ୟନାଥ ଏପରି ମନ୍ତ୍ରାଳୟର ଦାବି କରିଥିଲେ ।
ବିଜେପି ଶାସିତ ରାଜସ୍ଥାନ ଦେଶର ପ୍ରଥମ ରାଜ୍ୟ ଯେଉଁଠି ଗାଈଙ୍କ କଲ୍ୟାଣ ପାଇଁ ମନ୍ତ୍ରୀ ନିୟୋଜିତ ହୋଇଛନ୍ତି । ୨୦୧୪ରେ ମୋଦି ସରକାର ଶାସନ ଭାର ସମ୍ଭାଳିବା ପରେ ଦେଶବାସୀଙ୍କୁ ଅନେକ ପ୍ରତିଶ୍ରୁତି ଦେଇଥିଲେ । ସେଥିମଧ୍ୟରୁ ଗୋହତ୍ୟା ଉପରେ ଜାତୀୟ ପ୍ରତିବନ୍ଧ ଲାଗାଇବା ପାଇଁ ପ୍ରତିଶ୍ରୁତି ଦେଇଥିଲେ ମୋଦି ସରକାର । ଗତ ଏପ୍ରିଲ ମାସରେ ଗୃହ ମନ୍ତ୍ରାଳୟ ଗାଈଙ୍କ ଚିହ୍ନଟ ପାଇଁ ଆଧାର କାର୍ଡ଼ ପ୍ରଦାନ କରିବାର ଯୋଜନା ମଧ୍ୟ କରିଥିଲେ ।
ଏହାସହ ମୋଦି ଗୁଜରାଟରେ ଗୋହତ୍ୟାର ଦଣ୍ଡ ସୂରୂପ ଆଜୀବନ ଜେଲଦେଣ୍ଡ ଘୋଷଣା କରିଥିଲେ । ଲକ୍ଷ୍ନୌରେ ଶାହ, ମୋଦିଙ୍କୁ ଭାରତର ସବୁଠାରୁ ଲୋକପ୍ରିୟ ପ୍ରଧାନମନ୍ତ୍ରୀ କହିଥିଲେ । ଏହାସହ ଅମିତ ଶାହ ଦାବି କରିଥିଲେ ବିଜପି ଶାସନ କାଳରେ ଦେଶରେ ପରିବାରବାଦ, ଜାତି ବାଦର ରାଜନୀତି ଶେଷ କରିବାରେ ସରକାର ସଫଳ ରହିଛନ୍ତିି । ଶାହା ଦାବି କରିଛନ୍ତି, ଯେତବେବେଳ ଉପା ସରକାର ଶାସନ ଥିଲା ତା ତୁଳନାରେ ଏବେ ଉତ୍ତରପ୍ରଦେଶକୁ ୨.୩ ଗୁଣ ଅଧିକ ସହୟତା ଯୋଗାଇ ଦିଆଯାଇଛି ।
ମୋଦି ବିଗତ ଦିନରେ ଦେଶରେ ହେଉଥିବା ଗୋହତ୍ୟା ଓ ଗୋଚାଲାଣକୁ ନିନ୍ଦା କରିବା ସହ ତାର ଶକ୍ତ ବିରୋଧ କରିଛନ୍ତି । ଏହି ମାମଲା ସଂସଦର ମୌସୁମି ଅଧିବେସନରେ ମଧ୍ୟ ଆଲୋଚନା ହୋଇଥିଲା ଏବଂ ଗୋହତ୍ୟା ମାମଲା ପାଇଁ ବିପକ୍ଷ ଦଳ ସହ ବେଶ ଗୃହରେ ହଙ୍ଗାମା ମଧ୍ୟ ସୃଷ୍ଟି ହୋଇଥିଲା ।