ଖୁସିଖବର , ଜଲଦି ବଢିବ ଆପଣଙ୍କ ଦରମା ! ସରକାର କର୍ମଜୀବୀଙ୍କ ପାଇଁ ଆଣିବେ ସୁବ୍ୟବସ୍ଥା ।
କେନ୍ଦ୍ର ସରକାରଙ୍କ ତରଫରୁ କର୍ମଜୀବୀଙ୍କ ଦରମା ବଢାଇବା ପାଇଁ ପ୍ରୟାସ ଚାଲିଛି । ଏଥିପାଇଁ ଶ୍ରମିକ ଆଇନରେ ପରିବର୍ତ୍ତନ ଆଣିବା ପାଇଁ ପ୍ରୟାସ ଜାରି କରାଯାଇଛି । ଯଦି ଏହି ଆଇନ୍ ସୁଚାରୁ ରୂପେ ସମ୍ପର୍ଣ୍ଣ ହେଲା ତେବେ ଏହାର ସୁବିଧା ଆପଣଙ୍କୁ ଖୁବଶୀଘ୍ର ମିଳିବ । କେନ୍ଦ୍ର ସରକାର ଏଭଳି ପଦକ୍ଷେପ ନେବାକୁ ଯାଉଛି ଯେଉଁଥିରେ କମ୍ପାନୀ ଆପଣଙ୍କ ବେସିକ୍ ସାଲାରୀରୁ କମ୍ ସାଲାରୀ ଆପଣଭ୍କୁ ଦେଇପାରିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ବିଜନେସ୍ ଷ୍ଟାଣ୍ଡାର୍ଡ ନାମକ ଏକ ଇଂରାଜୀ ପତ୍ରିକାର ରିପୋର୍ଟ ମୁତାବକ ସରକାର ବେସିକ୍ ସାଲାରୀକୁ ବେତନର ବଡ ଅଂଶ ରୂପେ ନେବାକୁ ଯାଉଛନ୍ତି । ଏହି ବେସିକ୍ ସାଲାରୀରେ ବୃଦ୍ଧି ହେଲେ ଆପଣଙ୍କ ଟେକ ହୋମ୍ ସାଲାରୀ କମ୍ ହୋଇପାରେ । ବେସିକ୍ ସାଲାରୀକୁ ଦେଖିଲେ ଆପଣଙ୍କ ବ୍ୟକ୍ତିଗତ ଫଣ୍ଡ, ଇନ୍ସୋରାନ୍ସ ଏବଂ ଗ୍ରେଚ୍ୟୁଟିରେ ଆପଣଙ୍କ ଯୋଗଦାନ ବଢିଯିବ । ଦ୍ୱିତୀୟରେ ସବୁଠାରୁ ବଡ କଥା ହେଉଛି ଏଥିରେ ଆପଣଙ୍କ ଟ୍ୟାକ୍ସ ମଧ୍ୟ ବଢିଯିବ ।
ଖବର ମୁତାବକ ସରକାରଙ୍କ ପ୍ରସ୍ତାବ ଦ୍ୱାରା ପ୍ରତ୍ୟେକ ବ୍ୟକ୍ତିଙ୍କ ବେତନରେ ମିଳୁଥିବା ଘରଭଡା,ଲିଭ୍ ଟ୍ରେବଲ୍ ଅଲାଉନ୍ସ (ଏଲଟିଏ) କୁ ବେସିକ୍ ସାଲାରୀର ୫୦ ପ୍ରତିଶତରୁ ଅଧିକ ରଖାଯାଇପାରିବ ନାହିଁ । ଏହା ଉପରୁ ଅଧିକ ସାଲାରୀ ପ୍ରାପ୍ତ ହେଉଥିଲେ ତାହା ବେସିକ୍ ସାଲାରୀ ସହ ଗଣତି ହେବ । ଏହି ସାଲାରୀ ଆଧାରରେ ହିଁ ପିଏଫ୍ କଣ୍ଟ୍ରିବ୍ୟୁସନ୍ , ଇନ୍ସୋରାନ୍ସ ଏବଂ ଗ୍ରେଚ୍ୟୁଟି ମଧ୍ୟ ନିର୍ଣ୍ଣୟ ହେବ । ତେବେ ସରକାରଙ୍କ ଏହି ପ୍ରସ୍ତାବକୁ ଯେଉଁଠି କିଛି ଟ୍ରେଡ୍ ୟୁନିଅନ୍ ସ୍ୱାଗତ ଜଣାଇଛନ୍ତି ସେଇଠି ଆଉ କିଛି ଇଣ୍ଡଷ୍ଟ୍ରୀ ସରକାରଙ୍କ ଏଭଳି ପଦକ୍ଷେପକୁ ବିରୋଧ କରୁଛନ୍ତି ।