୨୦୧୯ ନିର୍ବାଚନ ପାଇଁ ସଜବାଜ ହେଲେଣି ବିଭିନ୍ନ ରାଜନୈତିକ ଦଳ । ତେବେ ନିର୍ବାଚନ ଆସିଲେ ଜନସାଧାରଣଙ୍କ ପାଇଁ ଅନେକ ଯୋଜନା ମଧ୍ୟ ଆସିଥାଏ । ମୋଦି ସରକାର ମଧ୍ୟ ଲୋକସଭା ନିର୍ବାଚନ ପାଇଁ ପ୍ରସ୍ତୁତି ଜୋରଦାର କରିଛନ୍ତି । ୫ଟି ରାଜ୍ୟର ନିର୍ବାଚନରେ ବିଜେପିର ପରାଜୟ ପରେ ଆଗାମୀ ଲୋକସଭା ନିର୍ବାଚନ ପାଇଁ ଅଙ୍କକଷା ଆରମ୍ଭ କରିଛନ୍ତି ମୋଦି ସରକାର । ଖୁବ ଶୀଘ୍ର ସାଧାରଣ ଲୋକମାନଙ୍କୁ ଏକ ବଡ ଉପହାର ଦେଇପାରନ୍ତି କେନ୍ଦ୍ର ସରକାର । ଆଉ ଏହି ଉପହାରର ପ୍ରଭାବ ଅବସର ପରେ ମିଳୁଥିବା ପିଏଫ ଫଣ୍ଡ ଉପରେ ସିଧାସଳଖ ପଡିବ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, କର୍ମଚାରୀ ମାନଙ୍କର ଭବିଷ୍ୟନିଧି ପାଣ୍ଠିରେ ମିଳୁଥିବା ସୁଧରେ ବୃଦ୍ଧି ଆଣିପାରନ୍ତି ମୋଦି ସରକାର । ଏହି ମାମଲାରେ ଜାନୁୟାରୀ ମାସର ଅନ୍ତିମ ସପ୍ତାହରେ ଇପିଏଫଓ ବଡ ନିଷ୍ପତ୍ତି ନେଇପାରେ । ଇପିଏଫଓର ସୁଧ ହାରରେ ଯଦି ପରିବର୍ତ୍ତନ କରାଯାଏ, ତେବେ ଏହାର ସିଧାସଳଖ ପ୍ରଭାବ ୬ କୋଟି ଖାତାଧାରୀଙ୍କ ଉପରେ ପଡିବ । ତେବେ ବର୍ତ୍ତମାନ ଇପିଏଫଓର ସୁଧ ହାର ୮.୫୫ ପ୍ରତିଶତ ରହିଛି । ଇପିଏଫଓର ସୁଧ ହାରରେ ପରିବର୍ତ୍ତନ କରିବା ପାଇଁ ରିଭ୍ୟୁ କମିଟି ମଧ୍ୟ କରାଯାଇଥିଲା । ଯାହା ପରେ ଏଭଳି ଏକ ବଡ ନିଷ୍ପତ୍ତି ନିଆଯାଇପାରେ ବୋଲି ଚର୍ଚ୍ଚା ହେଉଛି ।