ଆସନ୍ତାକାଲି ମୋଦି-ଜିନପିଙ୍ଗ ଆଲୋଚନା ! ଡୋକଲାମ ବିବାଦ ପରେ ପ୍ରଥମ ଥର ପାଇଁ ୨ରାଷ୍ଟ୍ରମୁଖ୍ୟ କରିବେ ସାକ୍ଷାତ
କନକ ବ୍ୟୁରୋ : ଆସନ୍ତାକାଲି ମୋଦି-ଜିନପିଙ୍ଗ ଆଲୋଚନା । ବ୍ରିକ୍ସ ସମ୍ମିଳନୀ ଅବସରରେ ଆସନ୍ତାକାଲି ଆଲୋଚନା କରିବେ ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଚୀନ ରାଷ୍ଟ୍ରପତି ଜିନି ଜିନପିଙ୍ଗ । ଡୋକଲାମ ବିବାଦ ପରେ ଦୁଇ ରାଷ୍ଟ୍ରମୁଖ୍ୟଙ୍କ ଏହା ପ୍ରଥମ ସାକ୍ଷାତ ହୋଇଥିବାରୁ ସାରା ବିଶ୍ୱର ନଜର ରହିଛି । ଜିନି ପିଙ୍ଗଙ୍କ ସହ ପ୍ରାୟ ୩୦ ମିନିଟ ଧରି ହେବାକୁ ଥିବା ଆଲୋଚନା ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡୋକଲାମ ପ୍ରସଙ୍ଗ ସହ ପାକିସ୍ତାନର ସୀମାପାର ପ୍ରସଙ୍ଗ ଉଠାଇବେ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଚୀନର ଜିଆମେନ୍ ସହରରେ ଆରମ୍ଭ ଚାଲିଥିବା ବ୍ରିକ୍ସ ସମ୍ମିଳନୀରେ ସାମିଲ ହେବା ପାଇଁ ଜିଆମେନ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ମୋଦି ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଓ ବ୍ରାଜିଲର ରାଷ୍ଟ୍ରପତି ମାଇକେଲ ଟେମେରଙ୍କୁ ଭେଟି ଦ୍ୱିପାକ୍ଷିକ ଆଲୋଚନା କରିବା କାର୍ଯ୍ୟସୂଚୀ ରହିଛି । ତେବେ ଚୀନରେ ବି ମୋଦି ମୋଦି । ବ୍ରିକ୍ସ ସମ୍ମିଳନୀ ଆରମ୍ଭ ହେବା ପୂର୍ବରୁ ଚୀନରେ ଗତକାଲି ପ୍ରବାସୀ ଭାରତୀୟଙ୍କୁ ଭେଟିଥିଲେ ମୋଦି । ଏଠାରେ ବି ମୋଦି ମୋଦି ନାରା ଲାଗିଥିଲା । ପ୍ରଧାନମନ୍ତ୍ରୀଙ୍କୁ ଭେଟିବା ପାଇଁ ଆଗ୍ରହ ସହ ଅପେକ୍ଷା କରିଥାନ୍ତି ପ୍ରବାସୀ ଭାରତୀୟ । କୁନି କୁନି ପିଲା ମଧ୍ୟ ନରେନ୍ଦ୍ର ମୋଦିଙ୍କ ଝଲକ ପାଇଁ ଅଭିଭାବକଙ୍କ ସହ ଧାଡିରେ ରହିଥାନ୍ତି । ସେଠାରେ ଉପସ୍ଥିତ ଥିବା ଛୋଟ ଛୋଟ ପିଲାଙ୍କ ସହ ମୋଦି ହାତ ମିଳାଇବା ଓ ସ୍ନେହ କରିବା ବେଶ ଭାବବିହ୍ୱଳ ପରିବେଶ ସୃଷ୍ଟି କରିଥିଲା ।