ଦେଶବାସୀଙ୍କୁ ପ୍ରଧାନମନ୍ତ୍ରୀଙ୍କ ସମ୍ବୋଧନ : ନୂଆ ଜମ୍ମୁକାଶ୍ମୀର ଓ ଲଦାଖର ନିର୍ମାଣ ପାଇଁ ଦେଲେ ପ୍ରତିଶୃତି, କହିଲେ, ଏବେ ଜମ୍ମୁ-କାଶ୍ମୀରର ପିଲା ସାରା ବିଶ୍ୱରେ ନାଁ କରିବେ ।
କନକ ବ୍ୟୁରୋ : ଧାରା ୩୭୦ର ଉଚ୍ଛେଦ ଏବଂ ଜମ୍ମୁ-କଶ୍ମୀରର ପୁର୍ନଗଠନ ବିଲ୍ ସଂସଦରେ ଗୃହୀତ ହୋଇ ରାଷ୍ଟ୍ରପତିଙ୍କ ଅନୁମୋଦନ ପାଇ ଆଇନରେ ପରିଣତ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ସମ୍ଭୋଧନ କରିଛନ୍ତି। ଏହାସହ କହିଛନ୍ତି, ଏହା ଏକ ଐତିହାସିକ ପଦକ୍ଷେପ । ମୁଁ ଏଥିଲାଗି ଜମ୍ମୁ-କଶ୍ମୀର ଓ ଲଦାଖର ଭାଇଭଉଣୀଙ୍କୁ ଶୁଭେଚ୍ଛା ଜଣାଉଛି। ଏହା ଦ୍ୱାରା ବହୁ ଦିନର ସ୍ୱପ୍ନ ଆଜି ସଫଳ ହୋଇଛି। ସର୍ଦ୍ଦାର ବଲ୍ଲଭ ଭାଇ ପଟେଲ୍, ଶ୍ୟାମାପ୍ରସାଦ ମୁଖାର୍ଜୀ ଓ ଅଟଳ ବିହାରୀ ବାଜପାୟୀଙ୍କ ସ୍ୱପ୍ନ ସାକାର ହୋଇଛି। ଧାରା ୩୭୦କୁ ପାକିସ୍ତାନ ଅସ୍ତ୍ର ଭାବେ ବ୍ୟବହାର କରି ଭାରତରେ ଅସ୍ଥିରତା ସୃଷ୍ଟି କରୁଥିଲା। ୩୭୦ର ବିଲୋପ ଫଳରେ ଏଥିରୁ ମୁକ୍ତି ମିଳିଛି। ଏହା ଦ୍ୱାରା ଜମ୍ମୁ-କଶ୍ମୀର ବିକାଶ ଧାରାରେ ସାମିଲ ହୋଇ ସମଗ୍ର ଦେଶ ସହ ସମକକ୍ଷ ହୋଇପାରିବ।
Kanak News is now on WhatsApp
Join and get latest news updates delivered to you via WhatsApp
ଏହାସହ ମୋଦି କହିଛନ୍ତି ଲଦାଖ କେନ୍ଦ୍ର ଶାସିତ ଅଞ୍ଚଳ ହୋଇ ରହିବ । ତେବେ ସ୍ଥିତିରେ ସୁଧାର ଆସିଲେ ପୁଣିଥରେ ଜମ୍ମୁ-କାଶ୍ମୀରକୁ ରାଜ୍ୟ ଭାବେ ଘୋଷଣା କରାଯିବ । ମୋର ବିଶ୍ୱାସ ଜମ୍ମୁ-କାଶ୍ମୀର ଲୋକ ନୂଆ ଆଶା ନେଇ ଆଗକୁ ବଢିବେ । ଏହାଛଡା ବିରୋଧୀଙ୍କୁ ଟାର୍ଗେଟ କରିବାକୁ ଯାଇ ମୋଦି କହିଛନ୍ତି, ଦୀର୍ଘ ଦର୍ଶକ ଧରି ପରିବାରବାଦ ରାଜନୀତି ପାଇଁ ଜମ୍ମୁ-କାଶ୍ମୀରର ସାଧାରଣ ଯୁବକଙ୍କୁ ନେତୃତ୍ୱ ନେବାକୁ ସୁଯୋଗ ମିଳୁନାହିଁ । କିନ୍ତୁ ଏବେ ନିଜ ଅଞ୍ଚଳର ବିକାଶ ପାଇଁ ଯୁବକ ମାନେ ନିଜେ ଦାୟିତ୍ୱ ନିଅନ୍ତୁ । ଏଣିକି ଲଦାଖର ଛାତ୍ରଛାତ୍ରୀ ମାନେ ବଡ ବଡ ଶିକ୍ଷାନୁଷ୍ଠାନରେ ପାଠ ପଢିପାରିବେ । ଏହାସହ ଆଗାମୀ ଇଦ୍ ପର୍ବ ପାଇଁ ଜମ୍ମୁ-କାଶ୍ମୀରବାସୀଙ୍କୁ ଶୁଭେଚ୍ଛା ଜଣାଇଛନ୍ତି ମୋଦି । ଇଦ୍ ପାଳନ ବେଳେ କୌଣସି ଅସୁବିଧା ହେବ ନାହିଁ ବୋଲି ଜମ୍ମୁ-କାଶ୍ମୀରବାସୀଙ୍କୁ ଆଶ୍ୱସ୍ତ କରିଛନ୍ତି ମୋଦି । ଧାରା ୩୭୦ ଉଚ୍ଛେଦ ଓ ଜମ୍ମୁ-କାଶ୍ମୀର ପୁନର୍ଗଠନ ଆଇନ ସହ ଏକ ନୂଆ ଆରମ୍ଭ ହୋଇଛି ବୋଲି କହିଛନ୍ତି ମୋଦି ।