ଏଚଆଇଭି ଆଗରେ ହାରିଗଲା ପ୍ରେମ । ବିୟୁଟି କୁଇନ୍ ଗର୍ଲଫ୍ରେଣ୍ଡ ନେଇଗଲା ବୟଫ୍ରେଣ୍ଡର ଜୀବନ ।
ପ୍ରେମ ସମ୍ପର୍କରେ ବାଧକ ସାଜିଲା ଏଚଆଇଭି । ମିସ କେନିୟା ହେବାର ସ୍ୱପ୍ନ ଦେଖୁଥିବା ମଡେଲ ରୁଥ କମାଣ୍ଡେ ନିଜ ବୟଫ୍ରେଣ୍ଡର ହତ୍ୟା କରିଥିବା ଅଭିଯୋଗରେ ଆଜି ନୈରୋବି ର ଲେଙ୍ଗାଟା ଜେଲରେ ବନ୍ଦୀ ଅଛନ୍ତି । କିନ୍ତୁ ଜେଲରେ ହିଁ ତାଙ୍କୁ ବିୟୁଟି କୁଇନ୍ ପ୍ରତିଯୋଗିତା ଜିତିବାର ସୁଯୋଗ ମିଳିଛି । ୨୦୧୬ରେ ସେ ମିସ ଲେଙ୍ଗାଟା ପ୍ରିଜନ୍ ବଛା ହୋଇଥିଲେ । ଏବେ ଯାଇ ରୁଥ କହିଛନ୍ତି ଯେ, ତାଙ୍କ ପ୍ରେମୀ ଏଚଆଇଭି ଗ୍ରସ୍ତ ଥିବାରୁ ସେ ତାଙ୍କୁ ହତ୍ୟା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ରୁଥଙ୍କ କହିବା ଅନୁସାରେ ସେ ତାଙ୍କ ବୟଫ୍ରେଣ୍ଡର ହତ୍ୟା ତାଙ୍କୁ ଧୋକା ଦେଇଥିବାରୁ କିମ୍ବା ଅନ୍ୟ କୌଣସି କାରଣରୁ କରିନଥିଲେ । ନିଜକୁ ଏଚଆଇଭି ହେବାରୁ ବଞ୍ଚେଇବା ପାଇଁ ଆତ୍ମରକ୍ଷାରେ ଏପରି କରିଥିଲେ । ତାଙ୍କ ବୟଫ୍ରେଣ୍ଡଙ୍କୁ ଏଚଆଇଭି ହୋଇଥିଲା ଏବଂ ସେ ରୁଥଙ୍କୁ ମଧ୍ୟ ଏଚଆଇଭି ସଂକ୍ରମିତ କରିବାକୁ ଚାହୁଁଥିଲେ ।
ରୁଥ କହିଛନ୍ତି ଯେ, ଯେଉଁ ଦିନ ସେ, ନିଜ ବୟଫ୍ରେଣ୍ଡ ୨୨ବର୍ଷୀୟ ଫରିଦ ମୋହମ୍ମଦଙ୍କୁ ହତ୍ୟା କଲେ, ସେହିଦିନ ସକାଳୁ ଉଭୟଙ୍କ ମଧ୍ୟରେ ଖୁବ ଝଗଡା ହୋଇଥିଲା । ରୁଥଙ୍କର ଘରେ କାର୍ପେଟ ତଳେ ଏଚଆଇଭି ଟ୍ରିଟମେଣ୍ଟ ସହ ସମ୍ବନ୍ଧିତ ଗୋଟିଏ କାର୍ଡ ମିଳିଥିଲା । ଯେଉଁଥିରୁ ସେ ଫରିଦ ଏଚଆଇଭି ପଜିଟିଭ ହୋଇଥିବା ଜାଣିପାରିଥିଲେ ।
ଏହି ଘଟଣାକୁ ନେଇ ରୁଥ ଫରିଦଙ୍କୁ ପଚରାଉଚୁରା କରିଥିଲେ । କିନ୍ତୁ ଫରିଦ ଏହା ପରେ ରୁଥଙ୍କ ସହ ଝଗଡା କରିଥିଲେ ଏବଂ ତାଙ୍କ ରୋଗ ବିଷୟରେ ଆଉ କାହାକୁ କହିଲେ ଜୀବନରୁ ମାରିଦେବାକୁ ମଧ୍ୟ ଧମକ ଦେଇଥିଲେ । ରୁଥ କହିଛନ୍ତି ଯେ, ଫରିଦ ତାଙ୍କ ଉପରେ ଛୁରୀରେ ମରଣାତ୍ମକ ଆକ୍ରମଣ ମଧ୍ୟ କରିଥିଲେ ।
କିନ୍ତୁ ରୁଥ ନିଜ ଜୀବନକୁ ବଞ୍ଚାଇବାକୁ ଯାଇ ନିଜ ଆଙ୍ଗୁଳିକୁ ଫରିଦଙ୍କ ଆଖିରେ ପୁରାଇଥିଲେ । ଏହା ପରେ ଫରିଦଙ୍କ ହାତରୁ ଛୁରୀଟି ଖସି ପଡିଥିଲା । ଆଉ ଆତ୍ମରକ୍ଷାରେ ସେହି ଛୁରୀରେ ଫରିଦଙ୍କର ହତ୍ୟା କରିଥିଲେ ।
କୋର୍ଟରେ ମଧ୍ୟ ରୁଥ କହିଥିଲେ ଯେ, ତାଙ୍କୁ ଏହି କଥା ବହୁତ କଷ୍ଟ ଦେଇଥିଲା । ଯେଉଁ ବ୍ୟକ୍ତିଙ୍କୁ ସେ ଏତେ ଭଲ ପାଉଥିଲେ, ଯାହାକୁ ଏତେ ବିଶ୍ୱାସ କରୁଥିଲେ, ସିଏ ହିଁ ତାଙ୍କୁ ଏଚଆଇଭି ସଂକ୍ରମିତ କରିବାକୁ ଚେଷ୍ଟା କରିଲେ । ରୁଥ କହିଥିଲେ ଯେ, ସେତେବେଳେ ସେ ଭୟର ଦୁନିଆରେ ଥିଲେ ସେଥିପାଇଁ ସେ ଫରିଦଙ୍କ ଉପରେ ଛୁରୀରେ ଆକ୍ରମଣ କରିଥିଲେ ।
ରୁଥଙ୍କ ଘରୁ ଲଢେଇ ଝଗଡା ଏବଂ ପାଟି ତୁଣ୍ଡ ଶୁଣି ପଡୋଶୀ ଲୋକେ ପୋଲିସକୁ ସୂଚନା ଦେଇଥିଲେ । ପୋଲିସ ହିଁ ପ୍ରଥମେ ରୁଥଙ୍କୁ ମେଟ୍ରୋପାଲିଟାନ ହସ୍ପିଟାଲ ଏବଂ ପରେ କେନୟାଟା ହସ୍ପିଟାଲରେ ଭର୍ତ୍ତି କରିଥିଲା । ଏବଂ ସେଠାରେ ତାଙ୍କୁ ଏଚଆଇଭି ସଂକ୍ରମଣରୁ ରୋକାଯାଉଥିବା ଔଷଧ ଦିଆଯାଇଥିଲା ।