ଉତ୍ତରପ୍ରଦେଶରେ ଲଜ୍ଜା ! ମୋବାଇଲ୍ ରିଚାର୍ଜ ଦୋକାନରେ ବିକ୍ରି ହେଉଛି ଯୁବତୀଙ୍କ ନମ୍ବର
ଏକ ଲଜ୍ଜିତ ଘଟଣା ସାମ୍ନାକୁ ଆସିଛି ଉତ୍ତରପ୍ରଦେଶରୁ । ଅଧିକାଂଶ ମୋବାଇଲ୍ ରିଚାର୍ଜ ଦୋକାନରେ ବିକ୍ରି ହେଉଛି ଯୁବତୀ ମାନଙ୍କ ମୋବାଇଲ୍ ନମ୍ବର୍ । ଆଉ ନମ୍ବର ଗୁଡିକର ମୂଲ୍ୟ ନିର୍ଭର କରେ ସେମାନଙ୍କ ରୂପ ଉପରେ । ଅର୍ଥାତ୍ ଯୁବତୀ ଜଣକ ଅତ୍ୟଧିକ ସୁନ୍ଦର ହୋଇଥିଲେ ତାଙ୍କ ନମ୍ବରର ମୂଲ୍ୟ ୫୦୦ ଟଙ୍କା ଓ ସାଧାରଣ ହୋଇଥିଲେ ୫୦ ଟଙ୍କା । ଯେଉଁ ଯୁବକ ଯାହାର ଚାହିଁବେ ଉଚିତ୍ ମୂଲ୍ୟ ଦେଇ ନମ୍ବର ଗୁଡିକ ନେଉଥିଲେ ଏବଂ ଫୋନ୍ କରି ଯୁବତୀମାନଙ୍କୁ ହଇରାଣ କରୁଥିବା ପ୍ରକାଶ କରିଛି ୟୁପି ପୁଲିସ୍ ।
Kanak News is now on WhatsApp
Join and get latest news updates delivered to you via WhatsApp
ତେବେ ଘଟଣାଟି ସେତେବେଳେ ସାମ୍ନାକୁ ଆସିଲା ଯେତେବେଳେ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କ ୨୪ ଘଂଟିଆ ପୁଲିସ୍ ହେଲ୍ପଲାଇନ୍ ନମ୍ବର ୧୦୯୦ ପ୍ରଚଳିତ କରାଯାଇଥିଲା । ଉକ୍ତ ନମ୍ବରରେ ଶହ ଶହ ଯୁବତୀ ଏ ସଂକ୍ରାନ୍ତରେ ଅଭିଯୋଗ କରିବା ଆରମ୍ଭ କରିଥିଲେ । ଜାଣି ଆଶ୍ଚର୍ଯ୍ୟ ହେବେ ଗତ ୪ ବର୍ଷ ମଧ୍ୟରେ ରେକର୍ଡ କରାଯାଇଥିବା ୬ ଲକ୍ଷ ଅଭିଯୋଗ ମଧ୍ୟରୁ ୯୦% ହେଉଛି ଫୋନ୍ ଯୋଗେ ସେମାନଙ୍କୁ ହଇରାଣ କରାଯାଉଥିବା ଅଭିଯୋଗ ।
ପୁଲିସ୍ ସୂଚନା ଅନୁଯାୟୀ, ଦୋକାନୀ ମାନେ ରିଚାର୍ଜ କରିବା ପରେ ଯୁବତୀମାନଙ୍କ ନମ୍ବର ସେଭ୍ କରି ଦିଅନ୍ତି । ତାପରେ ଇଚ୍ଛୁକ ଯୁବକ ମାନଙ୍କୁ ନମ୍ବର ଗୁଡିକ ବ୍ରିକି କରନ୍ତି । ‘ମୁଁ ତୁମ ସାଙ୍ଗ ହେବାକୁ ଚାହେଁ’ କହି ନମ୍ବର କିଣିଥିବା ଯୁବକ ମାନେ ଯୁବତୀ ମାନଙ୍କୁ ହଇରାଣ କରିବା ଆରମ୍ଭ କରିଥାନ୍ତି । ତେବେ ବିଡମ୍ବନାର କଥା ହେଉଛି ଘଟଣାରେ ଏଯାଏ କାହାକୁ ଗିରଫ କରାଯାଇନାହିଁ ।