ବାପା ବିଧାୟକ, ପୁଅ ପିଅନ ! ଏମବିଏ ଓ ପିଏଚଡି ଛାତ୍ରଛାତ୍ରୀଙ୍କୁ ପଛରେ ପକାଇ ବିଧାୟକଙ୍କ ପୁଅ ପାଇଲେ ପିଅନ ଚାକରି
ବିଧାୟକଙ୍କ ପୁଅ ହେବେ ବିଧାନସଭାର ପିଅନ । ବାପା ଯେଉଁଠି ବିଧାୟକ ପୁଅ ସେଠାରେ ପିଅନ ଭାବେ ଚାକିରି କରିବେ । କଥାଟା ଆଶ୍ଚର୍ଯ୍ୟ ଲାଗୁ ଥିଲେ ମଧ୍ୟ ସତ । ବିଧାନସଭାର ଚପରାସୀ ପଦବୀ ପାଇଁ ମନୋନୀତ ହୋଇଛନ୍ତି ରାଜସ୍ଥାନ ବିଧାୟକଙ୍କ ପୁଅ । ରାଜ୍ୟ ବିଧାନସଭାରେ ପିଅନ ଭାବେ ସରକାରୀ ଚାକିରି ଖଣ୍ଡେ ପାଇଥିବାରୁ ରାଜସ୍ଥାନର ବିଜେପି ବିଧାୟକ ଜଗଦିଶ୍ ନାରାୟଣ ମୀନା ଖୁବ ଖୁସି ପ୍ରକାଶ କରିଛନ୍ତି । ଜଗଦିଶ୍ ବିଜେପି ଟିକେଟରେ ଜମୱା ରାମଗଡ ଆସନରୁ ନିର୍ବାଚନ ଜିଣି ବର୍ତମାନ ବିଧାୟକ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଧାନସଭାରେ ଖାଲି ପଡିଥିିବା ୧୮ଟି ଚତୁର୍ଥ ଶ୍ରେଣୀ କର୍ମଚାରୀଙ୍କ ପାଇଁ ୧୮ହଜାର ୮ଜଣ ପ୍ରାର୍ଥୀଙ୍କ ମଧ୍ୟରୁ ପ୍ରାର୍ଥୀ ମନୋନୟନ କରାଯାଇଛି । ସେଥିରେ ବିଧାୟକଙ୍କ ପୁଅ ରାମ କିଷନଙ୍କ ନାଁ ରହିଛି । ଏକ ମନୋନୟନ ବୋର୍ଡ ଦ୍ୱାରା କରାଯାଇଥିବା ସାକ୍ଷାତକାର ଆଧାରରେ ପ୍ରାର୍ଥୀ ମନୋନୟନ କରାଯାଇଥିଲା । ଯେଉଁଥିରେ ବିଧାୟକଙ୍କ ପୁଅ ଚପରାସୀ ପଦ ପାଇଁ ଯୋଗ୍ୟ ବିବେଚିତ ହୋଇଛନ୍ତି । ୧୮ ଜଣଙ୍କ ମଧ୍ୟରୁ ୧୨ ନମ୍ବର ସ୍ଥାନରେ ରହିଛନ୍ତି ରାମ କିଷନ ।
ତେବେ ରାମ କିଷନ ଏହି ସଫଳତା ପାଇବା ପରେ କିନ୍ତୁ ଏହାକୁ ନେଇ ପ୍ରଶ୍ନ ଉଠାଇଛନ୍ତି କଂଗ୍ରେସ ନେତା ସଚିନ୍ ପାଇଲଟ୍ । କାରଣ ଏହି ଚପରାସୀ ପଦ ପାଇଁ ରାମ କିଷନଙ୍କ ଠାରୁ ଅଧିକ ଯୋଗ୍ୟତା ଥିବା ଛାତ୍ରଛାତ୍ରୀ ମଧ୍ୟ ଆବେଦନ କରିଥିଲେ । ଏପରିକି ଚପରାସୀ ପଦ ପାଇଁ ଏମବିଏ ଓ ପିଏଚଡି କରିଥିବା ଛାତ୍ରଛାତ୍ରୀ ମଧ୍ୟ ଆବେଦନ କରିଥିଲେ ମଧ୍ୟ ଚତୁର୍ଥ ଶ୍ରେଣୀ ପଦ ପାଇଁ ଯୋଗ୍ୟ ବିବେଚିତ ହୋଇନଥିଲେ । କିନ୍ତୁ ଦଶମ ଶ୍ରେଣୀ ପର୍ଯ୍ୟନ୍ତ ପାଠ ପଢିଥିବା ରାମ କିଷନ ଏମାନଙ୍କୁ ପଛରେ ପକାଇ ହାତେଇ ନେଇଛନ୍ତି ଚପରାସୀ ପଦ । ତେବେ ଏହାକୁ ନେଇ ସଚିନ୍ କହିଛନ୍ତି ଏହି ଘଟଣାର ଉଚ୍ଚସ୍ତରୀୟ ତଦନ୍ତ ହେବା ଆବଶ୍ୟକ । ଏଥିରେ ପ୍ରିୟାପ୍ରୀତି ତୋଷଣ ହୋଇଛି ।
ତେବେ ରାଜନେତାଙ୍କ ପୁଅ ରାଜନୀତି ନକରି କାହିଁକି ଏହି ଚତୁର୍ଥ ଶ୍ରେଣୀ ଚାକିରି କରିବାକୁ ଆଗ୍ରହ ପ୍ରକାଶ କଲେ ଏନେଇ ପ୍ରଶ୍ନର ଜବାବରେ ମୀନା କହିଛନ୍ତି ପୁଅର ଯୋଗ୍ୟତା ବାହାରେ ସେ କୋ÷ଣସି କାମ କରାଇବାକୁ ଚାହୁଁନାହାଁନ୍ତି । ଏହାଛଡା ଜଗଦୀଶ କହିଛନ୍ତି ତାଙ୍କ ପୁଅ ପରିଶ୍ରମ କରି ଏହି ପଦ ପାଇଛି ।
ମୀନାଙ୍କ ପୁଅ ଦଶମ ଶ୍ରେଣୀ ଯାଏ ପାଠ ପଢ଼ିଛନ୍ତି ।