ଇସ୍ତଫା ଦେଲେ କେନ୍ଦ୍ରମନ୍ତ୍ରୀ ଏମଜେ ଆକବର ! ମି ଠୁ କ୍ୟାମ୍ପେନରେ ୨୦ ଜଣ ମହିଳା କରିଥିଲେ ଅଭିଯୋଗ, ବଞ୍ଚାଇ ପାରିଲେନି ୯୭ ଜଣ ଓକିଲ
କନକ ବ୍ୟୁରୋ : ଇସ୍ତଫା ଦେଲେ କେନ୍ଦ୍ରମନ୍ତ୍ରୀ ଏମଜେ ଆକବର । ‘ମି ଠୁ’ କ୍ୟାମ୍ପେନରେ ତାଙ୍କ ବିରୋଧରେ ୨୦ ଜଣ ମହିଳା ଅଭିଯୋଗ କରିଥିଲେ । ଏମଜେ ଆକବରଙ୍କ ବିରୋଧରେ ପ୍ରଥମେ ବରିଷ୍ଠ ମହିଳା ସାମ୍ବାଦିକ ପ୍ରିୟା ରମାଣୀ ଅଭିଯୋଗ ଆଣିଥିଲେ । ତେବେ ରମାଣୀଙ୍କ ଅଭିଯୋଗ ପରେ ଅକବରଙ୍କ ଉପରେ ଅଭଯୋଗର ପାହାଡ଼ ଲଦି ହୋଇଯାଇଥିଲା । ଅନେକ ମହିଳା ସାମ୍ବାଦିକମାନେ ତାଙ୍କ ଉପରେ ଯୌନଶୋଷଣର ଅଭିଯୋଗ ଆଣିଲେ । ତାଙ୍କ ବିରୋଧରେ ଏକାଧିକ ମହିଳା ଯୌନ ନିର୍ଯାତନା ଅଭିଯୋଗ କରିଥିବାରୁ କେନ୍ଦ୍ର ସରକାରଙ୍କ ଉପରେ ଚାପ ବଢିଚାଲିଥିଲା । ତେବେ ଆକବରଙ୍କୁ ବଂଚାଇବା ପାଇଁ ୯୭ ଜଣ ଓକିଲ ଲାଗିପଡ଼ିଥିଲେ ହେଲେ ବଂଚାଇପାରିଲେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଏମଜେ ଆକବର ପ୍ରିୟା ରମାଣୀଙ୍କ ବିରୋଧରେ କରିଥିବା ମାନହାନୀ ମକଦ୍ଦମାର ଶୁଣାଣି ହୋଇପାରିଲା ନାହିଁ ।ଏହି ମାମଲାରେ ଶୁଣାଣି ପାଇଁ ଆଗାମୀ ୧୮ ରେ ହେବ ବୋଲି କୋର୍ଟ କହିଛନ୍ତି । ଏମଜେ ଆକବର କହିଛନ୍ତି, ମୋ ବିରୋଧରେ ଆସିଥବା ସମସ୍ତ ଅଭିଯୋଗ ମିଥ୍ୟା । କୋର୍ଟରେ ଲଢ଼େଇ ଜାରି ରହିବ । ଏ ପରିପ୍ରେକ୍ଷୀରେ ସେ ନିଜର ସରକାରୀ ଦାୟିତ୍ୱରେ ରହିବା ଉଚିତ ମନେକରୁନାହାନ୍ତି । ଏଣୁ ସେ କେନ୍ଦ୍ର ବୈଦେଶିକ ବ୍ୟାପାର ରାଷ୍ଟ୍ରମନ୍ତ୍ରୀ ପଦରୁ ଇସ୍ତଫା ଦେଉଛନ୍ତି । ଦେଶର ସେବା କରିବାକୁ ସୁଯୋଗ ଦେଇଥିବାରୁ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କେନ୍ଦ୍ର ବୈଦେଶିକ ବ୍ୟାପାର ମନ୍ତ୍ରୀ ସୁଷମା ସ୍ୱରାଜଙ୍କୁ କୃତଜ୍ଞତା ଜଣାଇଛନ୍ତି ।
ସୂଚନାଯୋଗ୍ୟ ପ୍ରଥମ ଥର ପାଇଁ ମୋଦି ସରକାଙ୍କ ଜଣେ ମନ୍ତ୍ରୀ ବିବାଦରେ ଘେରିହେବା ପରେ ନିଜ ପଦରୁ ଇସ୍ତଫା ଦେଇଛନନ୍ତି । ଇସ୍ତଫା ଦେବା ପୂର୍ବରୁ ଅଭିତ୍ ଡୋଭାଲଙ୍କ ସହ ସାକ୍ଷାତ କରିଥିଲେ ଏମଜେ ଆକବର ।