ଫିକା ଜୀବନରେ ରଙ୍ଗୀନ୍ ମୋଡ : ସୁନ୍ଦରୀ ପ୍ରତିଯୋଗୀତାରେ ଦୃଷ୍ଟିହୀନ
ସୁନ୍ଦରୀ ପ୍ରତିଯୋଗିତା କଥା ଆସିଲେ ଆଖି ସାମ୍ନାରେ ଝଲସି ଉଠେ ସୁନ୍ଦରୀ ତରୁଣୀଙ୍କ ଚେହେରା । ଯେଉଁମାନଙ୍କ ଷ୍ଟାଇଲସ ପୋଷାକ ସହ କ୍ୟାଟ୍ ୱାକ୍ ଦର୍ଶକଙ୍କୁ କରିଥାଏ ମତୁଆଲା । ତେବେ କେବଳ ଦୃଷ୍ଟି ଶକ୍ତି ଥିବା ତରୁଣୀ ମାନେ ହିଁ ଏପରି ପ୍ରତିଯୋଗୀତାରେ ଭାଗ ନେଇ ପାରିବେ ଏହାକୁ ଭୁଲ୍ ବୋଲି ପ୍ରମାଣ କରିଛି ଭୁବନେଶ୍ୱରରେ ଅନୁଷ୍ଠିତ ହୋଇଥିବା ଭିନ୍ନ ଏକ ସୁନ୍ଦରୀ ପ୍ରତିଯୋଗୀତା । ଯେଉଁଥିରେ ସମଗ୍ର ଓଡିଶାରୁ ପ୍ରାୟ ୫୦ରୁ ଅଧିକ ଦୃଷ୍ଟିହୀନ ପ୍ରତିଯୋଗୀ ଭାଗ ନେଇଥିଲେ । ଆଉ ଏଥିରେ ସିଲେକ୍ଟ ହୋଇଥିବା ଝିଅମାନେ ମୁମ୍ବାଇରେ ଅନୁଷ୍ଠିତ ମିସ୍ ଇଣ୍ଡିଆର ଗ୍ରାଣ୍ଡ ଫିନାଲେରେ ଓଡିଶାକୁ ରିପ୍ରେଜେଂଟ କରିବେ ।
Kanak News is now on WhatsApp
Join and get latest news updates delivered to you via WhatsApp
ହେଲେ ତା ପୂର୍ବରୁ ସିଲେକ୍ଟ ହୋଇଥିବା ୧୪ ଜଣ ପ୍ରତିଯୋଗୀଙ୍କୁ କିଟ୍ ଇଷ୍ଟିଚ୍ୟୁଟ୍ ଅଫ ଫ୍ୟାସନ୍ ଟେକ୍ନଲୋଜିରେ ନେବେ ଏକ ସ୍ପେଶାଲ ଟ୍ରେନିଂ । ଯେଉଁଠାରେ ସେମାନଙ୍କୁ ଚାଲିବା ଶୈଳୀଠାରୁ ଆରମ୍ଭ କରି କଥା ହେବା ଠାଣୀ ଓ ଡ୍ରେସିଂ ଷ୍ଟାଇଲର ଏକ ଶିକ୍ଷା ଦିଆଯିବ । ଏହା ପରେ ଅଗଷ୍ଟ ୨୮ରେ ଏକ ସ୍ପେଶାଲ୍ ରାଉଣ୍ଡରେ ୪ଜଣ ଯୋଗ୍ୟ ବିବେଚିତ ପ୍ରତିଯୋଗୀଙ୍କୁ କରି ମୁମ୍ବାଇ ଅଡିସନକୁ ପଠାଯିବ ।
ତେବେ ଓଡିଶା ସହ ଅନ୍ୟ ରାଜ୍ୟରୁ ଆସିଥିବା ପ୍ରତିଯୋଗୀଙ୍କ ମଧ୍ୟରୁ ମାତ୍ର ୧୨ ଜଣ ମୁମ୍ବାଇ ଅଡିସନରେ ସିଲେକ୍ଟ ହୋଇ ଜାନୁୟାରୀ ହେବାକୁ ଥିବା ଗ୍ରାଂଣ୍ଡ୍ ଫିନାଲେରେ ଭାଗ ନେବେ । ହେଲେ ତା ପୂର୍ବରୁ ଦେଶର ନାମୀଦାମୀ ଫ୍ୟାଶନ ଡିଜାଇନରଙ୍କ ସହ ୧୫ ଦିନ କାମ କରିବେ ।
ତେବେ ଏହା କେବଳ ଗୋଟିଏ ପ୍ରତିଯୋଗୀତା ନୁହେଁ । ଏପରି ପ୍ଲାଟଫର୍ମ ଜରିଆରେ ଏହି ଝିଅ ମାନଙ୍କ ମଧ୍ୟରେ ଆତ୍ମବିଶ୍ୱାସ ତିଆରି କରିବା ସହ ସମଗ୍ର ବିଶ୍ୱକୁ ନିଜର ଟ୍ୟାଲେଂଟ ଦେଖାଇବା ହିଁ ପ୍ରତିଯୋଗିତାର ମୂଳ ଲକ୍ଷ ।