ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ଭୁବନେଶ୍ୱର ରଘୁନାଥପୁର ଅଂଚଳରେ ଯୁବତୀକୁ ଅଶ୍ଳୀଳ କମେଂଟ ମରା ଘଟଣାରେ ରଘୁନାଥପୁରରେ ଚଢଉ କରିଛି ପୁଲିସ । ଚଢଉ ସମୟରେ ଜଣେ ଅଭିଯୁକ୍ତ ଖସି ପଳାଇଯାଇଛି । ତେବେ ଯୁବକଙ୍କ ଘରେ ଥିବା ବାଇକ ଜବତ କରାଯାଇଛି । ଏହାସହ କେତେ ଜଣ ଯୁବକଙ୍କୁ ଅଟକ ରଖି ପଚରାଉଚରା ଜାରି ରଖିଛି ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଘଟିଥିବା ଏହି ଘଟଣାରେ ଯୁବତୀ ଜଣକ ଅଭିଯୋଗ କରିବା ପାଇଁ ଥାନାକୁ ଯାଇଥିବାବେଳେ ତାଙ୍କୁ ପୁଲିସ ଅଧିକାରୀ ଗାଳିଦେଇଥିବା ଅଭିଯୋଗର ତଦନ୍ତ କରାଯିବ ବୋଲି ଡିସିପି କହଛନ୍ତି । ଏହାସହ ଅଭିଯୋଗ ସତ୍ୟ ପ୍ରମାଣିତ ହେଲେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସତ୍ୟବ୍ରତ ଭୋଇ କହିଛନ୍ତି ।
ଗତକାଲି ଭୁବନେଶ୍ୱର ରଘୁନାଥପୁର ଅଂଚଳରେ ଯୁବତୀଙ୍କୁ ଅଶ୍ଳୀଳ କଂମେଟ ମାରିଥିଲେ କିଛି ଯୁବକ । ୩ ଜଣ ଯୁବତୀ ତାଙ୍କ ଜଣେ ପୁଅ ସାଙ୍ଗ ସହ ବାଇକରେ ଯାଉଥିବା ବେଳେ ରଘୁନାଥପୁର ନିକଟରେ କମେଂଟ୍ କରିଥିଲେ ଦୁଇ ଜଣ ଯୁବକ । ଏହାର ପ୍ରତିବାଦ କରିବାରୁ ବେଶ କିଛି ସମୟ ଧରି ବଚସା ହୋଇଥିଲା ।
ଏହା ପରେ ସେହି ଦୁଇ ଜଣ ଯୁବକ କିଛି ସାଙ୍ଗକୁ ସାଥିରେ ଆଣି ପୁଣି ସେମାନଙ୍କୁ ଅଟକାଇଥିଲେ । ଅଶ୍ଲୀଳ ଭାଷାରେ ଗାଳିଗୁଳଜ କରିବା ସହ ହାତ ମଧ୍ୟ ଉଠାଇଥିବା ଅଭିଯୋଗ ହୋଇଥିଲା । ଏହି ଘଟଣା ପରେ କମେଂଟର ଶିକାର ହୋଇଥିବା ଯୁବତୀମାନେ ନନ୍ଦନକାନନ ଥାନାରେ ଅଭିଯୋଗ କରିଥିଲେ ।