ସଂଘର୍ଷ ଆଣିଦେଲା ସଫଳତା : ମୀରାବାଈ ଚାନୁ ଭାର ଉତ୍ତୋଳନରେ ଜିତିଲେ ସ୍ୱର୍ଣ୍ଣପଦକ ! ଟ୍ରେନରେ ୬୦ କି.ମି ଦୂର ଯାଇ ନେଉଥିଲେ ଟ୍ରେନିଂ
ମୀରାବାଈ ଚାନୁ ଭାର ଉତ୍ତୋଳନ ଚାମ୍ପିୟନଶିପରେ ଜିତିଛନ୍ତି ସ୍ୱର୍ଣ୍ଣ ପଦକ । ବିଗତ ଦୁଇ ଦଶନ୍ଧିରେ ସବୁଠାରୁ ବହୁ ସମୟ ପରେ ସ୍ୱର୍ଣ୍ଣ ପଦକ ଜିତିବାରେ ସେ ହେଉଛନ୍ତି ପ୍ରଥମ ଭାରତୀୟ । ଚାନୁ ଏନାହିମ(ଆମେରିକା)ରେ ଏହି କାରନାମା କରି ଅଲମ୍ପିକର ଖରାପ ପ୍ରଦର୍ଶନ ଟ୍ୟାଗକୁ ଲିଭାଇବାରେ ସକ୍ଷମ ହୋଇପାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ରେଲୱେରେ କାର୍ଯ୍ୟରତ ଥିବା ଏହି ମହିଳା ସ୍ନେଚରେ ୮୫କିଲୋ ଏବଂ କ୍ଲିନ ଏଣ୍ଡ ଜର୍କରେ ୧୦୯କିଲୋ ଓଜନ ଭାର ଉଠାଇଥିଲେ । ସେ ୪୮କିଲୋ ବର୍ଗରେ ହାରାହାରି ୧୯୪କିଲୋ ଓଜନ ଭାର ଉଠାଇ ନୂଆ ରେକର୍ଡ ବନାଇପାରିଛନ୍ତି । ପେଡିୟମ ଉପରେ ଛିଡା ହୋଇ ତ୍ରିରଙ୍ଗା ପତାକାକୁ ଦେଖି ମୀରାବାଈ ଚାନୁଙ୍କ ଆଖିରେ ଲୁହ ଆସିଯାଇଥିଲା । ତାଙ୍କ ପୂର୍ବରୁ ଅଲମ୍ପିକ କାଂସ୍ୟ ପଦକ ବିଜେତା କର୍ଣ୍ଣମ୍ ମାଲେଶ୍ୱରୀ ୧୯୯୪ ଏବଂ ୧୯୯୫ରେ ବିଶ୍ୱ ଚାମ୍ପିୟନସିପରେ ହଳଦିଆ ରଂଗର ପଦକ ଜିତିଥିଲେ ।
ଉଲ୍ଲେଖନୀୟ ଯେ, ଚାନୁଙ୍କ ଜନ୍ମ ମଣିପୁରରେ ୮ଅଗଷ୍ଟ ୧୯୯୪ମସିହାରେ ହୋଇଥିଲା । ବର୍ତ୍ତମାନ ସେ ୨୩ବର୍ଷର ଅଟନ୍ତି । ସେ ୨୦୦୭ମସିହାରେ ୱେଟ ଲିଫ୍ଟିଙ୍ଗ ଆରମ୍ଭ କରିଥିଲେ । ତାଙ୍କର କୋଚ ବିଜୟ ଶର୍ମା ଅଟନ୍ତି । ଖବର ମୁତାବକ, ମୀରାବାଈ ଚାନୁଙ୍କ ପିଲାଦିନରୁ ତାଙ୍କ ଗାଁରେ ୱେଟ ଲିଫ୍ଟିଙ୍ଗ କାର୍ଯ୍ୟାଳୟ ନଥିଲା । ଏଥିପାଇଁ ତାଙ୍କୁ ଟ୍ରେନରେ ୬୦କିମି ଦୂରକୁ ଟ୍ରେନିଂ ଲାଗି ଯିବାକୁ ପଡୁଥିଲା ।