ସହିପାରିଲେନି ଲୋକଲଜ୍ୟା, ଆତ୍ମହତ୍ୟା କଲେ ଦୁଷ୍କର୍ମ ପୀଡିତା !
କନକ ବ୍ୟୁରୋ : ଦୁଷ୍କର୍ମର ଶିକାର ହୋଇଥିବା ଜଣେ ନାବାଳିକା ଲୋକଲଜ୍ଜ୍ୟା ସହନପାରି ଶେଷରେ କରିଛନ୍ତି ଆତ୍ମହତ୍ୟା । ଏଭଳି ଘଟଣା ଘଟିଛି ସାଲେପୁର ଅଂଚଳରେ । ଗତ ୯ ତାରିଖରେ ସଂପୃକ୍ତ ନାବାଳିକା ଆତ୍ମହତ୍ୟା ଉଦ୍ୟମ କରି ଗୁରୁତର ଅବସ୍ଥାରେ କଟକ ବଡ ମେଡିକାଲରେ ଭର୍ତି ହୋଇଥିଲେ । ଆଜି ସକାଳେ ତାଙ୍କର ମୃତ୍ୟୁ ହୋଇଛି । ନାବାଳିକାକୁ ଦୁଷ୍କର୍ମ କରିଥିବା ଅରୁଣ ବିଶ୍ୱାଳ ନାମକ ଜଣେ ଯୁବକଙ୍କୁ ଗିରଫ କରିଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ଖବର ଅନୁସାରେ, ସାଲେପୁର ଥାନା ତୁଣପୁର ଗାଁରେ ଜଣେ ନାବାଳିକାକୁ ସେହି ଗାଁର ଅରୁଣ ବିଶ୍ୱାଳ ଦୁଷ୍କର୍ମ କରିଥିଲା । ଏ ନେଇ ନାବାଳିକାଙ୍କ ପରିବାର ପକ୍ଷରୁ ଥାନାରେ ଏତଲା ଦିଆଯାଇଥିଲା । ପରେ ମାନସିକ ଭାରସାମ୍ୟ ହରାଇ ସଂପୃକ୍ତ ନାବାଳିକା ଆତ୍ମହତ୍ୟା ଉଦ୍ୟମ କରିଥିଲେ । ତାଙ୍କୁ ଗତ ୯ ତାରିଖରେ କଟକ ଏସସିବିରେ ଭର୍ତି କରାଯାଇଥିଲା ।