ଦମ୍ ଦେଖାଇଲେ ଦାମ : ବିଜେଡିରୁ ଟିକେଟ୍ ନ ମିଳିଲେ ବି ନିର୍ବାଚନ ଲଢିବେ
ଭୁବନେଶ୍ୱର ବ୍ୟୁରୋ ,କନକ ନ୍ୟୁଜ୍ : ମନ୍ତ୍ରିମଣ୍ଡଳ ଅଦଳବଦଳ ପୂର୍ବରୁ ଦାମଙ୍କ ବୟାନକୁ ନେଇ ଚର୍ଚା । ଦମ୍ ଦେଖାଇଛନ୍ତି ଦାମ । କହିଛନ୍ତି, ମନ୍ତ୍ରୀମଣ୍ଡଳରୁ ବାଦ୍ ପଡିଲେ ବି ସରିବନି ତାଙ୍କ ରାଜନୈତିକ ଜୀବନ । ବିଜେଡିରୁ ଟିକେଟ୍ ନ ମିଳିଲେ ବି ନିର୍ବାଚନ ଲଢିବେ ବୋଲି ରୋକଠୋକ୍ କହି ଦେଇଛନ୍ତି ଦାମ ବାବୁ । ଦାମ ବାବୁଙ୍କ ଏପରି ମନ୍ତବ୍ୟ ପରେ ରୋଚକ ହୋଇଛି ମନ୍ତ୍ରିମଣ୍ଡଳ ଅଦଳବଦଳ ଚର୍ଚ୍ଚା ।
Kanak News is now on WhatsApp
Join and get latest news updates delivered to you via WhatsApp
ଦାମ ବାବୁ ମନ୍ତ୍ରୀ ପଦ ହରାଇବାର ଯେଉଁଠି ଆକଳନ କରାଯାଉଛି, ସେଠାରେ ଦଳୀୟ ହାଇକମାଣ୍ଡଙ୍କୁ ଦାମ ବାବୁ ଦେଇଛନ୍ତି ଖୋଲା ଚ୍ୟାଲେଞ୍ଜ । ନାଲିବତୀ ଗାଡି ତାଲିକାରୁ ବାଦ୍ ପଡିବାର ପ୍ରଭାବ ନିର୍ବାଚନ ଲଢିବା ଉପରେ ପଡିବ ନାହିଁ ବୋଲି ସେ ସ୍ପଷ୍ଟ କରିଛନ୍ତି । ପରେ ଯଦି ବିଜୁ ଜନତା ଦଳ ଟିକେଟ୍ ନ ଦିଏ, ଯେ କୌଣସି ପରିସ୍ଥିତିିରେ ବି ନିର୍ବାଚନ ଲଢିବେ କହି ସୃଷ୍ଟି କରିଛନ୍ତି ବିଜେଡି ବନାମ ଦାମ ବାବୁ ସ୍ଥିତି ।
ସେପଟେ ରଜ ପରେ ମନ୍ତ୍ରିମଣ୍ଡଳର ନବକଳେବର ହେବା ନେଇ ଚର୍ଚ୍ଚା ଜୋର ଧରିଛି । ଏନେଇ ପାୱାର କରିଡରରେ ଚାଲିଛି ଲବି । ମୁଖ୍ୟମନ୍ତ୍ରୀଙ୍କ ଅନୁପସ୍ଥିତିରେ ବି ତାଙ୍କ ପ୍ରକୋଷ୍ଠ ପାଖରେ ମନ୍ତ୍ରୀ ଓ ବିଧାୟକଙ୍କ ଭିଡ । ଯେଉଁଠି ବିବାଦରେ ଥିବା କିଛି ମନ୍ତ୍ରୀ ସଚିବାଳୟ ତୃତୀୟ ମହଲାରେ ହାଜିରା ପକାଉଛନ୍ତି, ସେଠାରେ କିଛି ଆଶାୟୀ ବି ଧାଡି ବାନ୍ଧିଛନ୍ତି ।