ଧାନକିଣାକୁ ନେଇ ବିଜେପିର ମୁଲତବୀ ପ୍ରସ୍ତାବ ଉପରେ ବିଧାନସଭାରେ ଆଲୋଚନା : ଉତ୍ତର ରଖିଲେ ବିଭାଗୀୟ ମନ୍ତ୍ରୀ, କହିଲେ ଧାନ କିଣାକୁ ସ୍ୱଛ କରିବାକୁ କରାଯାଇଛି ଟୋକନ ବ୍ୟବସ୍ଥା
କନକ ବ୍ୟୁରୋ : ଗୃହରେ ଧାନକିଣାକୁ ନେଇ ଗୃହରେ ଆଗତ ହୋଇଥିବା ମୁଲତବୀ ପ୍ରସ୍ତାବର ଗୃହରେ ଲିଖିତ ଉତ୍ତର ରଖିଛନ୍ତି ବିଭାଗୀୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ । ଉତ୍ତରରେ ମନ୍ତ୍ରୀ କହିଛନ୍ତି ଧାନକିଣାରେ ହୋଇଥିବା ଟୋକନ ବ୍ୟବସ୍ଥାଟ ଚାଷୀ ମାନଙ୍କ ହିତ ଉଦ୍ଦେଶ୍ୟରେ ଅନୁପ୍ରେରିତ । ଏହା ମଣ୍ଡିସ୍ତରରେ ଧାନ କ୍ରୟ ବିକ୍ରୟ କାର୍ଯ୍ୟକଳାପକୁ ଶୃଂଖଳିତ କରିବ । ଚାଷୀଙ୍କୁ ଆଶଙ୍କା ଓ ଅନିଶ୍ଚିତତାରୁ ମୁକ୍ତ କରିବ ।
Kanak News is now on WhatsApp
Join and get latest news updates delivered to you via WhatsApp
ନୂଆ ବୈଷୟିକ ଜ୍ଞାନ କୌଶଳ, ସମ୍ମିଳିତ ସହଯୋଗ, ସମୟାନୁବର୍ତୀ ସେବା ପ୍ରଦାନ ମାଧ୍ୟମରେ ଧାନ ସଂଗ୍ରହ କାର୍ଯ୍ୟକୁ ସ୍ୱଚ୍ଛ, ଉତରଦାୟୀ ଓ କ୍ରୀୟାଶୀଳ କରିବା ପାଇଁ ରାଜ୍ୟ ସରକାର ସମସ୍ତ ଆନୁସଙ୍ଗିକ ପଦ କ୍ଷେପ ଗ୍ରହଣ କରିଛନ୍ତି । ତେଣୁ ବିରୋଧୀଙ୍କ ଏହି ଅଭିଯୋଗ ତଥ୍ୟ ଆଧାରିତ ନୁହଁ ବୋଲି ଉତ୍ତର ରଖିଛନ୍ତି ମନ୍ତ୍ରୀ । ଧାନ କିଣାରେ ସରକାର ବିଫଳ ବୋଲି ଅଭିଯୋଗ ଆଣି ଗୃହରେ ସରକାରଙ୍କୁ ଘେରିବାକୁ ନୋଟିସ୍ ଆଣଥିଲେ ବିଜେପି ବିଧାୟକ ।