ନିର୍ବାଚନ ଫଳାଫଳ ଘୋଷଣା ହେବା ଦିନ ଭୋଟଗଣନା କେନ୍ଦ୍ରକୁ ପଶିପାରିବେ ନାହିଁ ମନ୍ତ୍ରୀ
ଭୋଟ ଗଣତି ସମୟରେ ଭୋଟ ଗଣାଯାଉଥିବା କେନ୍ଦ୍ରରେ ମନ୍ତ୍ରୀ ମାନେ ପଶିପାରିବେ ନାହିଁ
କନକ ବ୍ୟୁରୋ : ଭୋଟ ଗଣତି ସମୟରେ ଭୋଟ ଗଣାଯାଉଥିବା କେନ୍ଦ୍ରରେ ମନ୍ତ୍ରୀ ମାନେ ପଶିପାରିବେ ନାହିଁ । ଏହା ଉଭୟ କେନ୍ଦ୍ର ଓ ରାଜ୍ୟ ସରକାରରେ ଥିବା ମନ୍ତ୍ରୀଙ୍କ ପାଇଁ ଲାଗୁ ହେବ । ଯଦି କୌଣସି ମନ୍ତ୍ରୀ ମତଦାନ କେନ୍ଦ୍ରକୁ ପ୍ରବେଶ କରିବା ପାଇଁ ଚାହୁଁଛନ୍ତି ତେବେ ସେମାନେ ନିଜେ ଯେଉଁ ଆସନରୁ ପ୍ରାର୍ଥୀପତ୍ର ଦାଖଲ କରିଛନ୍ତି ସେହି ଆସନରୁ ହିଁ କେବଳ ମତଦାନ କେନ୍ଦ୍ରରେ ପ୍ରବେଶ କରିପାରିବେ ବୋଲି ଜଣାପଡିଛି । ଏପରି ନିୟମ ମଧ୍ୟପ୍ରଦେଶରେ ହେବାକୁ ଥିବା ଭୋଟଗଣନା ଲାଗି ଲାଗୁକରାଯାଇଛି । ମୁଖ୍ୟ ନିର୍ବାଚନ ଆୟୋଗ ଏପରି ନିୟନ କରିଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଯଦି କୌଣସି ମନ୍ତ୍ରୀ ଫଳାପଳ ପ୍ରକାଶ ପାଇବା ଦିନ ଆର୍ଥାତ୍ ଭୋଟ ଗଣତି ଦିନ ମତଦାନ କେନ୍ଦ୍ରରେ ପ୍ରବେଶ କରିବା ପାଇଁ ଇଚ୍ଛା କରୁଛନ୍ତି ସେମାନଙ୍କୁ ଅନୁମତି ଦିଆଯିବ । ହେଲେ ମନ୍ତ୍ରୀଙ୍କ ସୁରକ୍ଷା ଦାୟିତ୍ୱରେ ଥିବା କର୍ମଚାରୀ କିମ୍ବା ଯବାନମାନଙ୍କୁ ମତଦାନ କେନ୍ଦ୍ରରେ ପ୍ରବେଶ କରିବା ପାଇଁ ଦିଆଯିବ ନାହିଁ ବୋଲି ସୂଚନା ମିଳିଛି ।
ତେବେ ନିର୍ବାଚନ ଆୟୋଗଙ୍କ ଏପରି ନିଷ୍ପତ୍ତିକୁ ସ୍ୱାଗତ କରାଯାଇଥିବା ବେଳେ ଅନେକ ଏହାକୁ ବିରୋଧ କରିଛନ୍ତି । ହେଲେ ମିଳିଥିବା ସୂଚନା ଅନୁସାରେ ମଧ୍ୟ-ପ୍ରଦେଶରେ ହୋଇଥିବା ବିଧାନସଭା ନିର୍ବାଚନରେ ଇଭିଏମକୁ ନେଇ ବିବାଦ ଦେଖାଯାଇଥିଲା । ତେଣୁ ଯେପରି ଭାବରେ ଭୋଟ ଗଣତି ଦିନ କୌଣସି ପ୍ରକାର ଅଶାନ୍ତିକର ପରିସ୍ଥିତି ଦେଖା ନଯାଏ ସେ ଦିଗକୁ ଦୃଷ୍ଟିରେ ରଖି ଏପରି ପଦକ୍ଷେପ ନିଆଯାଇଛି ବୋଲି ସୂଚନା ମିଳିଛି ।