୧ଲିଟର ପାଣିରେ ଆଲୋକିତ ହେବ ପୁରା ଘର ! ଜଳରୁ ତିଆରି ହେଲା ସୌର ଲାଇଟ୍ ।
ସମିପସ୍ଥ ଜିଲ୍ଲାର ଖିମାଖେଡି ଗାଁର କେତେକ ଯୁବକ ଏପରି ଏକ ଜିନିଷର ଉଦ୍ଭାବନ କରିଛନ୍ତି ଯାହା ଗାଁରେ ବାସ କରୁଥିବା ଅନେକ ପରିବାରଙ୍କୁ ଦିନରେ ହେଉଥିବା ଅନ୍ଧକାରକୁ ଦୁର କରି ଆଲୋକ ପ୍ରଦାନ କରୁଛି । ଏହାକୁ ତିଆରି କରିବା ପାଇଁ କୌଣସି ବଡ ମେସିନ କିମ୍ବା କୌଣସି ବଡ ଆକାରର ଖର୍ଚ୍ଚ ମଧ୍ୟ ହୋଇନାହିଁ । କେବଳ ଗୋଟିଏ ଲିଟର ପାଣିବୋତଲକୁ ବ୍ୟବହାର କରି ଗୋଟେ ଘରକୁ ସମ୍ପୁର୍ଣ୍ଣ ଭାବରେ ଆଲୋକିତ କରିବାରେ ସଫଳତା ହାସଲ କରିଛନ୍ତି ଏହି ଗାଁର ଯୁବକ ମାନେ ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ରାଜଗଡ ବ୍ଲକର ଖିମାଖେଡି ଗାଁର ଯୁବକମାନେ ପାଣି ସାହାଯ୍ୟରେ ବିଦ୍ୟୁତ ବନାଇବା ଭଳି ଏକ ବଡ କାର୍ଯ୍ୟ କରିଛନ୍ତି । ଯେଉଁ ଘର ମାନଙ୍କରେ ଦିନ ସମୟରେ ମଧ୍ୟ ଅନ୍ଧକାର ରହୁଛି ସେହି ଘର ମାନଙ୍କୁ ଆଲୋକିତ କରିବା ପାଇଁ ପାଣି ବୋତଲକୁ ବ୍ୟବହାର କରାଯାଇଛି । ଗାଁର ଏହି ଯୁବକ ମାନେ କଲେକ୍ଟର, କରମବୀର ଶର୍ମା ଏବଂ ଜନ ଅଭିଯାନ ପରିଷଦ ଟିମ ସହ ମିସି ଏହି କାମକୁ ସଫଳତାର ସହ କରିପାରିଛନ୍ତି ।
ଏହି ଲାଇଟକୁ ତିଆରି କରିବା ପାଇଁ ପ୍ରଥମେ ଏକ ମିନରାଲ ପାଣିବୋତଲରେ ଦୁଇଟା ଢାଙ୍କୁଣି ଲଗାଇ ସେଥିରେ ଲିକୁଇଡ ବ୍ଲିଚ ରଖିଦେଇଥାନ୍ତି । ପରେ ବୋତଲକୁ ଏକ କମଳ ମଢିରେ ଲଗାଇ ଘରର ଛାତ ଉପରକୁ ଯାଇ କେବୁଲ ମଝିରେ ଲଗାଇଦେଇଥାନ୍ତି । ଯାହାଫଳରେ ସୂର୍ଯ୍ୟଙ୍କ କିରଣ ବୋତଲ ଉପରେ ପଡି ପରିବର୍ତ୍ତନ ହୋଇ ଘରକୁ ଆଲୋକିତ କରିବାରେ ସଫଳ ହୋଇପାରୁଛି । ଏହି ସୁବିଧା ଗାଁର ପ୍ରାୟ ସମସ୍ତ ଘରରେ ବ୍ୟବହାର କରାଯାଉଛି, ଯାହାଫଳରେ ଦିନରେ ବ୍ୟବହାର ହେଉଥିବା ବିଦ୍ୟୁତ ବଞ୍ଚି ପାରୁଛି । ଏକ ଲିଟର ପାଣିରେ ପ୍ରାୟ ୧୫୦ ଟଙ୍କାର ବିଦ୍ୟୁତକୁ ବଞ୍ଚାଇବାରେ ସଫଳ ହୋଇପାରୁଛି ଏହି ବ୍ୟବସ୍ଥା ।