ମେଘାଳୟରେ କୋଇଲା ଖଣି ତଳେ ଫସିରହିଥିବା ୧୫ ଜଣଙ୍କ ମିଳୁନି ପତ୍ତା : ମେଗା ଅପରେସନରେ ଓଡିଶା ଅଗ୍ନିଶମ ଟିମ
ଅତ୍ୟାଧୁନିକ ପମ୍ପ ଜରିଆରେ ପାଣି ନିଷ୍କାସନ ପାଇଁ ଉଦ୍ୟମ ଜାରି
କନକ ବ୍ୟୁରୋ : ମେଘାଳୟରେ କୋଇଲା ଖଣି ତଳେ ଫସିରହିଥିବା ୧୫ ଜଣଙ୍କ ପତ୍ତା ମିଳୁନ । ମେଗା ଅପରେସନରେ ସାମିଲ ହୋଇ ଉଦ୍ଧାର କାର୍ଯ୍ୟ ଜାରି ରଖିଛି ଓଡିଶା ଅଗ୍ନିଶମ ଟିମ୍ । ଅତ୍ୟାଧୁନିକ ପମ୍ପ ଜରିଆରେ ପାଣି ନିଷ୍କାସନ ପାଇଁ ଉଦ୍ୟମ ଜାରି ରହିଛି । ତେବେ ଖଣି ଭିତରେ ଫଶିଥିବା ଶ୍ରମିକଙ୍କ କୌଣସି ସୁରାକ ଏପର୍ଯ୍ୟନ୍ତ ମିଳିପାରିନାହିଁ । ଶ୍ରିମିକଙ୍କ ଉପସ୍ଥିତି ଠାବ କରିବା ପାଇଁ ଅତ୍ୟାଧୁନିକ ଜ୍ଞାନକୌଶଳର ସହାୟତା ନିଆଯାଉଛି । ଗତକାଲି ନୌସେନାର ବୁଡାଳିମାନେ କେବଳ ୩ଟି ହେଲମେଟ୍ ଠାବ କରିବାକୁ ସକ୍ଷମ ହୋଇଥିବାବେଳେ ଶ୍ରମିକଙ୍କ ସ୍ଥିତି ଜାଣିବାକୁ ଆହୁରି ସମୟ ଲାଗିବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ଆଉ କିଛି ପାଣି ନିଷ୍କାସନ କରାଯିବାପରେ ବୁଡାଳିମାନେ ନିର୍ଦ୍ଧାରିତ ଗତିପଥରେ ଅଗ୍ରସର ହୋଇପାରିବେ ବୋଲି କହିଛନ୍ତି ଏନଡିଆରଏଫର ଜଣେ ଅଧିକାରୀ । ଅନ୍ୟପଟେ ବେଆଇନ ଭାବେ ଚାଲିଥିବା ଏହି ଖଣି ଅଂଚଳରେ ଭାରୀ ଯନ୍ତ୍ରାଂଶ ପହଁଚାଇବା ଏକ ବଡ ଚ୍ୟାଲେଞ୍ଜ ହୋଇଛି । ତେଣୁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହେଉଛି । ଶ୍ରମିକମାନେ ଫସିବା ଖବର ପ୍ରଘଟ ହେବା ପରେ ପୁଲିସ ଖଣି ମାଲିକ କ୍ରିପ୍ ସୁଲେଟଙ୍କୁ ଗିରଫ କରିଛି ।