୧୬ଟି ଫ୍ୟାକ୍ଚର୍ , ୮ଟି ସର୍ଜରୀ ! ବୋନ୍ ଡିସଅର୍ଡର ରୋଗ ସତ୍ତ୍ୱେ ହେଲେ ଆଇଏଏସ୍ . . ପଢନ୍ତୁ ଉମ୍ମୁଲଙ୍କ ପ୍ରେରଣାଦାୟୀ କାହାଣୀ
ଚଳିତ ବର୍ଷ ସିଭିଲ୍ ସର୍ଭିସ୍ ପରୀକ୍ଷାରେ କୃତକାର୍ଯ୍ୟ ହୋଇଥିବା କିଛି ପରୀକ୍ଷାର୍ଥୀଙ୍କ କାହାଣୀ ଏବେ ଚର୍ଚ୍ଚାରେ । ସେମାନଙ୍କ ମଧ୍ୟରେ ଜଣେ ହେଉଛନ୍ତି ରାଜସ୍ଥାନର ଉମ୍ମୁଲ ଖେର୍ । ବୋନ୍ ଡିସଅର୍ଡରରେ ପୀଡିତା ଉମ୍ମୁଲ ଖେର୍ ପାଇଛନ୍ତି ୪୨୦ ନମ୍ବର ସ୍ଥାନ । ବର୍ତ୍ତମାନ ସୁଦ୍ଧା ଉମ୍ମୁଲ ୧୬ଟି ଫ୍ୟାକଚରର ସମ୍ମୁଖୀନ ହୋଇଥିବା ସହ ୮ ଥର ସର୍ଜରୀ ହୋଇ ସାରିଛି । କାରଣ ଏହି ରୋଗରେ ଶରୀରର ହାଡ ସବୁ ଦୁର୍ବଳ ହୋଇଯାଏ । ଯାହାଫଳରେ ପଡିଗଲେ କିମ୍ବା ଆହତ ହୋଇଗଲେ ଫ୍ୟାକଚରର ଡର ଥାଏ । ହେଲେ ଉମ୍ମୁଲଙ୍କ ଦୃଢ ମନୋବଳ ଆଗରେ ହାର୍ ମାନିଛି ଏହି ଭୟାନକ ରୋଗ । ଆଉ ପ୍ରତିକୂଳ ପରିବେଶ ମଧ୍ୟରେ ବି ସେ ହୋଇ ପରିଛନ୍ତି ଆଇଏଏସ୍ ।
Kanak News is now on WhatsApp
Join and get latest news updates delivered to you via WhatsApp
ତେବେ କେବଳ ବୋନ୍ ଡିସଅର୍ଡର ନୁହେଁ ଉମ୍ମୁଲଙ୍କ ଆଇଏଏସ୍ ହେବାର ସ୍ୱପ୍ନ ଆଗରେ ଅର୍ଥ ମଧ୍ୟ ସାଜିଥିଲା ବାଧକ । କାରଣ ଉମ୍ମୁଲଙ୍କ ବାପା ଜଣେ ଫେରିବାଲା । ଉମ୍ମୁଲ ଟିଉସନ୍ ସହ ପାର୍ଟ ଟାଇମ୍ ଚାକିରି କରି ଜେଏନୟୁରେ ନିଜ ପାଠ ପଢା ଜାରି ରଖଥିଲେ । ଗତ ୨୦୧୨ ମସିହାରେ ଉମ୍ମୁଲ ଏକ ଦୁର୍ଘଟଣାର ଶିକାର ହୋଇ ହ୍ୱିଲ୍ ଚେୟାରରେ ବସିଥିଲେ । ହେଲେ ଏହି ହ୍ୱିଲ୍ ଚେୟାର କିନ୍ତୁ ଭାଙ୍ଗି ପାରି ନଥିଲା ତାଙ୍କ ସ୍ୱପ୍ନ । ତେବେ ୨୦୧୩ରେ ଜୁନିଅର ରିସର୍ଚ୍ଚ ଫେଲୋସିପ୍ ପାସ୍ କରିବାରୁ ତାଙ୍କୁ ମାସକୁ ୨୫ ହଜାର ଟଙ୍କା ମିଳୁଥିଲା ।
ଏବେ ନିଜର ଆଇଏଏସ୍ ହେବାର ସ୍ୱପ୍ନକୁ ପୂରା କରିଛନ୍ତି ଉମ୍ମୁଲ । ଅଭାବ ଅସୁବିଧାରେ ଥାଇ ବି ପ୍ରଥମ ଚେଷ୍ଟାରେ ଆଇଏଏସ୍ ପରୀକ୍ଷା ପାସ୍ କରିଥିବା ଉମ୍ମୁଲ ଅନ୍ୟ ମାନଙ୍କ ମାନଙ୍କ ପାଇଁ ପାଲଟି ଯାଇଛନ୍ତି ଉଦାହରଣ । ଉମ୍ମୁଲ କହିଛନ୍ତି ସାମାଜିକ, ଆର୍ଥିକ ଆଦି କ୍ଷେତ୍ରରେ ମୋତେ ବହୁତ ସମସ୍ୟାର ସାମ୍ନା କରିବାକୁ ପଡିଛି । ମାତ୍ର ମୋ ଶିକ୍ଷକ ଶିକ୍ଷୟତ୍ରୀଙ୍କ ସାହାଯ୍ୟ ଆଜି ମୋତେ ଏଠାରେ ପହଞ୍ଚାଇଛି ।