ସାଧାରଣ ଲୋକଙ୍କ ପାଇଁ ଖୁସି ଖବର ! ହାର୍ଟ, କିଡ଼ନୀ ପରି ରୋଗ ପାଇଁ ଔଷଧ ହେଲା ଶସ୍ତା
ସାଧାରଣ ଲୋକଙ୍କ ପାଇଁ ଖୁସି ଖବର । ହାର୍ଟ, କିଡ଼ନୀ ପରି ରୋଗ ପାଇଁ ଔଷଧ ମୂଲ୍ୟ ଶସ୍ତା ହୋଇଛି । ଏହା ବ୍ୟତୀତ ବଡ଼ ବଡ଼ ରୋଗର ନିରାକରଣ ପାଇଁ କେତେକ ଔଷଧର ମୂଲ୍ୟ ହ୍ରାସ କରାଯାଇଛି ବୋଲି ଶୁଣବାକୁ ମିଳିଛି । ତେବେ ଔଷଧରେ ୧୦ ପ୍ରତିଶତରୁ ଅଧିକ ଲାଭ ଆଦାୟକୁ ରୋକିବା ପରେ କିଡ଼ନୀ ଓ ହାର୍ଟ ଭଳି ରୋଗର ଔଷଧର ଦାମ ହ୍ରାସ କରାଯାଇଛି । ଯାହା ସାଧାରଣ ତଥା ଗରିବ ଲୋକଙ୍କୁ ସାହାଯ୍ୟ କରିବ ବୋଲି ଆଶା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରାଷ୍ଟ୍ରିୟ ଔଷଧି ନିର୍ଦ୍ଧାରଣ ପ୍ରାଧିକରଣ (ଏନପିପିଏ) ପକ୍ଷରୁ କିଡନୀ ସଂକ୍ରମଣ, ସାପ କାମୁଡା ଭଳି ୧୨ ପ୍ରକାର ଔଷଧିର ମୂଲ୍ୟ ହ୍ରାସ କରାଯାଇଛି । ଏହା ବ୍ୟତୀତ ଏନପିପି ଖୁଚୁରା ବିକ୍ରି ଉପରେ ମିଳୁଥିବା ଲାଭକୁ କମାଇ ଦିଆଯାଇଛି । ବିଶେଷ ସୂତ୍ରରୁ ମିଳୁଥିବା ସୂଚନା ଅନୁସାରେ, ୯ ପ୍ରକାର ଔଷଧିର ଖୁୁଚୁୁରା ମୂଲ୍ୟ ମଧ୍ୟ ହ୍ରାସ କରାଯାଇଛି । ନୂଆମୂଲ୍ୟ ଅନୁସାରେ ଉକ୍ତ ଔଷଧର ଦାମ ପାଖାପାଖି ୫୪ ପ୍ରତିଶତ କମିଯିବ । ଏନପିପି ପକ୍ଷରୁ ଔଷଧିର ମୂଲ୍ୟକୁ ନିୟନ୍ତ୍ରଣ କରାଯାଇଛି ।
ତେବେ ଏକ ବର୍ଷ ମଧ୍ୟରେ ଏନପିପି ପାଖାପାଖି ୧୧୦୦ ଔଷଧିର ଦାମ ଉପରେ ପ୍ରତିବନ୍ଧକ ଲଗାଇଛନ୍ତି । ତେବେ ଏହି ନିଷ୍ପତି ଦ୍ୱାରା ଦେଶର କୋଟି କୋଟି ଲୋକଙ୍କୁ ଆଶ୍ୱସ୍ତି ମିଳିବ । ଏହା ମଧ୍ୟ ଶୁଣିବାକୁ ମିଳିଛି ଯେ ଖୁବଶୀଘ୍ର ପୁଣି ଥରେ ୨ ଡର୍ଜନରୁ ଅଧିକ ଔଷଧର ଦାମ ହ୍ରାସ ହେବ ।