ପାଠପଢା ମଝିରେ ଛାତ୍ରଙ୍କୁ ମୁଣ୍ଡ ମାଲିସ୍ କରିବାକୁ କହିଲେ ଶିକ୍ଷକ ! ଭିଡିଓ ହେଲା ଭାଇରାଲ୍ ।
ନଗର ନିଗମ ସ୍କୁଲରେ ଉନ୍ନତ ଶିକ୍ଷାବ୍ୟବସ୍ଥା ଆରମ୍ଭ କରିବା ତଥା ଶିକ୍ଷାରେ ସୁଧାର ଆଣିବା ପାଇଁ କୁହାଯାଉଥିବା ବେଳେ ଏବେ ସ୍କୁଲରୁ ଏଭଳି ଭିଡିଓ ସାମ୍ମାକୁ ଆସୁଛି ଯେଉଁଥିରେ ଶିକ୍ଷକ ଛାତ୍ରଛାତ୍ରୀ ମାନଙ୍କୁ ବ୍ୟକ୍ତିଗତ କାମରେ ନିୟୋଜିତ କରୁଛନ୍ତି । କିଛି ଦିନ ପୂର୍ବରୁ ଆମେ ଆପଣଙ୍କୁ ଶିକ୍ଷୟିତ୍ରୀଙ୍କ ସ୍କୁଟି ଧୋଇବା ଏବଂ ସାମଗ୍ରୀ ବୋହିନେଉଥିବା ଛାତ୍ରଛାତ୍ରୀଙ୍କ ବିଷୟରେ କହୁଥିଲୁ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ବର୍ତ୍ତମାନ ଏଭଳି ଆଉ ଏକ ଭିଡିଓ ସାମ୍ମାକୁ ଆସିଛି ଯେଉଁଥିରେ ଶିକ୍ଷକ ଛାତ୍ରଙ୍କ ଦ୍ୱାରା ନିଜ ମୁଣ୍ଡ ମାଲିସ୍ କରୁଥିବା ଭଳି ଫଟୋ ଭାଇରାଲ୍ ହେଉଛି । ପୁଣି ଘଟଣାଟି ହେଉଛି ଭାରତର ରାଜଧାନୀ ଦିଲ୍ଲୀର । ତେବେ ଏହି ଭିଡିଓ ଭାଇରାଲ୍ ହେବା ପରେ ଶିକ୍ଷା ବ୍ୟବସ୍ଥାର ମାନଦଣ୍ଡ ଦୋହଲି ଯାଇଥିଲା । ବିଭାଗୀୟ ଅଧିକାରୀଙ୍କ କହିବା ଅନୁସାରେ ଶିକ୍ଷକଙ୍କ ବିରୋଧରେ ଆଇନ୍ ଅନୁସାରେ କାର୍ଯ୍ୟାନୁଷ୍ଠାନ ନିଆଯିବ । ଭିଡିଓରେ ଶିକ୍ଷକ ଜଣକ ଆରାମରେ ଚଉକିରେ ଶୋଇଥିବା ବେଳେ ଛାତ୍ରଜଣକ ଶିକ୍ଷକଙ୍କ ମୁଣ୍ଡ ମାଲିସ୍ କରୁଥିବା ଦେଖିବାକୁ ମିଳୁଛି । ଏହି ସମୟରେ ଶିକ୍ଷକ କ୍ଲାସରୁମ୍ କୁ ଭିତରପଟୁ ବନ୍ଦ କରିଥିବା ମଧ୍ୟ ଦେଖିବାକୁ ମିଳିଛି ।