ଦିଲ୍ଲୀ ଦଙ୍ଗଲରେ ପ୍ରଚଣ୍ଡ ବିଜୟ ଅଭିମୁଖେ ବିଜେପି! ଝାଡୁ ଚାଲିଲାନି, ପଦ୍ମ ଫୁଟିଲା
ବଦଳିଲା ଦିଲ୍ଲୀ ଲୋକଙ୍କ ହୃଦୟ । ଝାଡୁ ନୁହେଁ ନଗରପାଳିକା ନିର୍ବାଚନରେ ପଦ୍ମ ଫୁଟିଛି । ଆପ୍ ଗଡରେ ବିପୁଳ ବିଜୟ ହାସଲ ଦିଗରେ ବିଜେପି । ଭୋଟ୍ ଗଣତି ଜାରି ରହିଥିବା ବେଳେ ପ୍ରଚଣ୍ଡ ବିଜୟ ଅଭିମୁଖେ ଭାରତୀୟ ଜନତା ପାର୍ଟି । ତେବେ ଦିଲ୍ଲୀରେ କ୍ଷମତାରେ ଥିବା ଆମ୍ ଆଦମୀ ପାର୍ଟି ଆଉ କଂଗ୍ରେସ ମଧ୍ୟରେ ଦ୍ୱିତୀୟ ସ୍ଥାନ ପାଇଁ ଚାଲିଛି ଲଢେଇ । ମୋଟ୍ ୨୭୦ ଆସନରୁ ପାଖାପାଖି ୧୮୦ ଆସନରେ ବିଜେପି ପ୍ରାର୍ଥୀ ଆଗୁଆ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ଦଖଲ କରି ସାରା ଦେଶରେ ନିଜର କାୟା ବିସ୍ତାର କରିବାକୁ ଲକ୍ଷ ରଖିଥିବା ଆପକୁ ଲାଗିଛି ବଡ ଝଟକା । କୁହାଯାଉଛି, ନିଜ କାମରେ ଧ୍ୟାନ ନ’ଦେଇ ସବୁବେଳେ ବିବାଦ ଭିତରେ ରହିବା ଓ ପ୍ରଧାନମନ୍ତ୍ରୀଙ୍କୁ ସମାଲୋଚନା କରିବା ଅରବିନ୍ଦ କେଜରିୱାଲଙ୍କୁ ମହଙ୍ଗା ପଡିଛି । ସେପଟେ ନିର୍ବାଚନ ପାଇଁ ନୂଆ ପ୍ରାର୍ଥୀଙ୍କୁ ସାମ୍ନାକୁ ଆଣି ବିଜେପି ଯେଉଁ କାର୍ଡ ଖେଳିଥିଲା ସେଥିରେ ସଫଳତା ମିଳିଛି ।