ମୋଦି ସରକାରର ଅଘୋଷିତ ଏମରଜେନ୍ସୀରୁ ମୁକ୍ତି ପାଇବାକୁ ଚାହୁଁଛନ୍ତି ୧୩୦ କୋଟି ଜନତା : ମାୟାବତୀ
ବହୁଜନ ସମାଜ ପାର୍ଟି (ବସପା) ସୁପ୍ରିମୋ ମାୟାବତୀ ମୋଦି ସରକାରଙ୍କ ଉପରେ ଆଉ ଥରେ ଟାର୍ଗେଟ୍ କରିଛନ୍ତି । ସେ ମୋଦିଙ୍କୁ ଟାର୍ଗେଟ୍ କରି କହିଛନ୍ତି ମୋଦି ସରକାରଙ୍କ ଅଘୋଷିତ ଏମରଜେନ୍ସୀ କାରଣରୁ ୧୩୦ କୋଟି ଜନତା ଅସୁବିଧାରେ ପଡିଲେ । ତେବେ ବର୍ତ୍ତମାନ ସେ ଏବେ ଏହି ସରକାରରୁ ମୁକ୍ତି ପାଇବା ପାଇଁ ଚାହୁଁଛନ୍ତି । ମାୟାବତୀ ଟ୍ୱିଟ୍ କରି ଲେଖିଛନ୍ତି , କଂଗ୍ରେସ ପାର୍ଟି ଇନ୍ଦିରା ଗାନ୍ଧୀ ସରକାର ଥିବା ସମୟରେ ଏମରଜେନ୍ସୀର ବୋଝକୁ ଉଠାଇଥିଲେ । ବିଜେପିର ନରେନ୍ଦ୍ର ମୋଦି ସରକାର ମଧ୍ୟରେ ଅଘୋଷିତ ଏମରଜେନ୍ସୀ ସହ ବିମୁଦ୍ରୀକରଣ ତଥା ଆର୍ଥୀକ ଏମରଜେନ୍ସୀର ମାଡରେ ୧୩୦ କୋଟି ଲୋକ ନାହିନଥିବା ଅସୁବିଧାର ସମ୍ମୁଖୀନ ହେଲେ । ବର୍ତ୍ତମାନ ଏହି ନିରଙ୍କୁଶ ଜନବିରୋଧୀ ସରକାରରୁ ମୁକ୍ତି ପାଇବାକୁ ଚାହୁଁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହା ପୁର୍ବରୁ ବସପା ପ୍ରମୁଖ ଟ୍ୱିଟ୍ କରି ଲେଖିଥିଲେ ବିଜେପି ଏବଂ ଆରଏସଏସ ଲୋକମାନେ ମୋଦିଙ୍କୁ ଭାରତ ତଥା ଭାରତକୁ ମୋଦି କହିବାର ଭୁଲ୍ କରି ଲୋକତନ୍ତ୍ରକୁ ଅସମ୍ମାନ କରିସାରିଛନ୍ତି । ଯେଭଳି କଂଗ୍ରେସ ପୂର୍ବରୁ ଇନ୍ଦିରା ଗାନ୍ଧୀଙ୍କୁ ଭାରତର ଏବଂ ଭାରତକୁ ଇନ୍ଦିରାଙ୍କ କହି ଭୁଲ୍ କରିସାରିଛି । ଏହା ଅତି ଦୁଃଖ ଏବଂ ଅତି ନିନ୍ଦନୀୟ ବିଷୟ ଅଟେ । ସାଧାରଣ ଜନତା ଏମାନଙ୍କୁ କେବେ ବି କ୍ଷମା କରିପାରିବ ନାହିଁ । ମାୟାବତୀ ଏହା ପୂର୍ବରୁ କହିଥିଲେ ବିଜେପର ନେତା ବସପା-ସପା-ରାଲୋଦ୍ ଗଠବନ୍ଧନ ହାତରେ ହାରିବା ଭୟରେ ଅତ୍ୟଧିକ ଭୟଭୀତ ହୋଇଯାଇଛନ୍ତି । ଯେଉଁଥିପାଇଁ ଗଠବନ୍ଧନ ବଦଳରେ ଜାତିବାଦ ତଥା ଅନର୍ଗଳ ବୟାନ ଦେବାରେ ସମୟ ଅପଚୟ କରୁଛନ୍ତି ।