ବିଏସପି ସୁପ୍ରିମୋ ମାୟାବତୀଙ୍କ ଅଜବ ପ୍ରଶ୍ନ ! ନିଜକୁ ଭଗବାନ ଶ୍ରୀରାମଙ୍କ ସହ ତୁଳନା କଲେ ମାୟାବତୀ ।
ବିଏସପି ସୁପ୍ରିମୋ ମାୟାବତୀ ସୁପ୍ରିମକୋର୍ଟରେ ଏକ ଅଜବ ବିଷୟକୁ ନେଇ ପ୍ରଶ୍ନ ଉଠାଇଛନ୍ତି । ନିଜ ଏଫିଡେବିଟ୍ ରେ ମାୟାବତୀ କହିଛନ୍ତି ଯେ ଯଦି ଭଗବାନ ରାମଙ୍କ ମୂର୍ତ୍ତୀ ପ୍ରସ୍ତୁତ ହୋଇପାରୁଛି ତେବେ ତାଙ୍କ ମୂର୍ତ୍ତୀ କାହିଁକି ପ୍ରସ୍ତୁତ ହୋଇପାରିବ ନାହିଁ । ଆପଣଙ୍କୁ କହିରଖୁଛୁ କି, ଲଖନଉଁର ଆବେନ୍ଦକର ପାର୍କରେ ମାୟାବତୀଙ୍କ ମୂର୍ତ୍ତୀ ଲାଗିବା ପରେ ସୁପ୍ରିମକୋର୍ଟ ଏହାକୁ କଡାକଡି ରୂପେ ନେଇଥିଲେ ଏବଂ ତାଙ୍କୁ ଜବାବ୍ ମାଗିଥିଲେ । ଏହି କଥାରେ ସୁପ୍ରିମକୋର୍ଟରେ ମାୟାବତୀଙ୍କ ତରଫରୁ ଯେଉଁ ଜବାବ୍ ରଖାଯାଇଥିଲା ତାଙ୍କର ଏହି ଜବାବ୍ ସମସ୍ତଙ୍କୁ ଚକିତ କରିଛି । ମାୟାବତୀ କହିଥିଲେ ଜନଭାବନାକୁ ସମ୍ମାନ ଦେବାକୁ ଯାଇ କାଶୀରାମଙ୍କ ସହ ଆମ୍ବେଦକର ଏବଂ ତାଙ୍କ ମୂର୍ତ୍ତୀକୁ ସ୍ଥାନ ଦିଆଯାଇଥିଲା । ତେବେ ଏହା କ୍ୟାବିନେଟ୍ ନିଷ୍ପତ୍ତି ପରେ ହିଁ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମାୟାବତୀ ଦଲିଲ୍ ଦେଇଥିଲେ ଯେ ସମାଜ ପାଇଁ ସେ ବିବାହ କରିନଥିଲେ ଏବଂ ସମ୍ପୁର୍ଣ୍ଣ ଜୀବନ ବହୁଜନ ମିଶନ୍ ସହ ଜଡିତ ହୋଇ ରହିଥିଲେ । ତାଙ୍କର ଏତେ ବଡ ତ୍ୟାଗ ପାଇଁ ତାଙ୍କ ମୂର୍ତ୍ତୀ ଲାଗିବା ଯୁକ୍ତିଯୁକ୍ତ । ସେ କହିଥିଲେ ସରକାରୀ ଟଙ୍କାରୁ ଭଗବାନ ଶ୍ରୀରାମଙ୍କ ୨୨୧ ମିଟରର ମୂର୍ତ୍ତୀ ପ୍ରସ୍ତୁତ ହୋଇପାରିଲେ ତାଙ୍କର କାହିଁକି ହୋଇପାରିବ ନାହିଁ । ସେ ଏନେଇ ୩ ହଜାର କୋଟି ଟଙ୍କାରେ ପ୍ରସ୍ତୁତ ହୋଇଥିବା ଷ୍ଟାଚ୍ୟୁ ଅଫ୍ ୟୁନିଟି ଉପରେ ଏବଂ ମୁମ୍ବାଇରେ ଶିବାଜୀ ମହାରାଜଙ୍କ ମୂର୍ତ୍ତୀ ଉପରେ ମଧ୍ୟ ପ୍ରଶ୍ନ ଉଠାଇଥିଲେ ।