୨୦୧୯ ନିର୍ବାଚନ ପୂର୍ବରୁ ଆଜି ବଡ ଘୋଷଣା ! ଉତ୍ତରପ୍ରଦେଶ ମହାମେଂଟ ନେଇ ବିଧିବଦ୍ଧ ଘୋଷଣା କରିବେ ଅଖିଳେଶ ଏବଂ ମୟାବତୀ
କନକ ବ୍ୟୁରୋ : ଆଗାମୀ ଲୋକସଭା ନିର୍ବାଚନ ପାଇଁ ସମାଜବାଦୀ ପାର୍ଟି ଓ ବହୁଜନ ସମାଜ ପାର୍ଟିର ମେଂଟ ନେଇ ଆଜି ଘୋଷଣା ହେବ । ସପା ଅଧ୍ୟକ୍ଷ ଅଖିଲେଶ ଯାଦବ ଓ ବସପା ସୁପ୍ରିମୋ ମାୟାବତୀ ମିଳିତ ସାମ୍ବାଦିକ ସମ୍ମିଳନୀରେ ଏନେଇ ଘୋଷଣା କରିବେ । ଏହି ମେଂଟରେ ରାଷ୍ଟ୍ରୀୟ ଲୋକ ଦଳ, ଆରଏଲଡିକୁ ମଧ୍ୟ ସାମିଲ କରାଯିବା ନେଇ ସୂଚନା ରହିଛି । କଂଗ୍ରେସକୁ ପ୍ରତ୍ୟାଖ୍ୟାନ କରି ଗଠନ ହୋଇଥିବା ଏହି ମହାମେଣ୍ଟରେ ଆସନ ବୁଝାମଣା ମଧ୍ୟ ଚୂଡ଼ାନ୍ତ ହୋଇଯାଇଛି।
Kanak News is now on WhatsApp
Join and get latest news updates delivered to you via WhatsApp
କୁହାଯାଉଛି ୟୁପିର ୩୫ଟି ଆସନରୁ ନିର୍ବାଚନ ଲଢିବ ସମାଜବାଦୀ ପାର୍ଟି । ଏବଂ ୩୬ଟି ଆସନରୁ ନିର୍ବାଚନ ଲଢିବ ବହୁଜନ ସମାଜ ପାର୍ଟି । ସେପଟେ ୩ଟି ଆସନ ଅଜିତ ସିଂଙ୍କ ରାଷ୍ଟ୍ରୀୟ ଲୋକଦଳକୁ ଓ ୪ଟି ଆସନ ସଂରକ୍ଷିତ ରଖିବାକୁ ସହମତି ହୋଇଛି । ତେବେ ଆଜି ଏ ବାବଦରେ ଆନୁଷ୍ଠାନିକ ଘୋଷଣା ହେବ । ଅପରପକ୍ଷରେ ଆମେଠି ଓ ରାୟବରେଲିରେ ମେଂଟ ପକ୍ଷରୁ କୌଣସି ପ୍ରାର୍ଥୀ ଲଢିବେ ନାହିଁ ବୋଲି ଜଣାପଡିଛି । ଆମେଠିରୁ ରାହୁଲ ଓ ରାୟବରେଲିରୁ ସୋନିଆ ସାଂସଦ ଅଛନ୍ତି ।