ରାଜ୍ୟରେ ଆଉ ୨୪ ଘଣ୍ଟା ଅନୁଭୂତ ହେବ ଶୀତ ! ଶୁକ୍ରବାରଠାରୁ ବଢିବ ତାପମାତ୍ରା, କମିବ ଶୀତ
ଆଉ ୨୪ ଘଣ୍ଟା ପର୍ଯ୍ୟନ୍ତ ରାତିର ପାରଦ ଖସିବ
କନକ ବ୍ୟୁରୋ : ଆଉ ୨୪ ଘଣ୍ଟା ପର୍ଯ୍ୟନ୍ତ ରାତିର ପାରଦ ଖସିବ। ଏହାପରେ କିଛିଟା ପରିବର୍ତନ ହେବ। ଧୀରେ ଧୀରେ ରାତିର ତାପମାତ୍ରା ବଢ଼ିବ। ଆଭ୍ୟନ୍ତରୀଣ ଓ ପଶ୍ଚିମ ଓଡ଼ିଶାର ଗୋଟିଏ ଦୁଇଟି ସ୍ଥାନରେ ପାରଦ ୧୦ ଡିଗ୍ରି ତଳେ ରହିବ। ଉପକୂଳ ଓ ଉତ୍ତର ଓଡ଼ିଶାରେ କିନ୍ତୁ ସେଭଳି ପରିବର୍ତନ ହେବନି। ଦିନର ତାପମାତ୍ରା ବଢ଼ିବ। ୧୬ ତାରିଖ ବେଳକୁ ସମସ୍ତ ସହରର ତାପମାତ୍ରା ୧୦ ଡିଗ୍ରି ଉପରକୁ ଚାଲିଯିବ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି।
Kanak News is now on WhatsApp
Join and get latest news updates delivered to you via WhatsApp
ସେପଟେ ଉପକୂଳ ଓଡ଼ିଶାରେ ପାରଦ ବଢ଼ିବାରେ ଲାଗିଛି। ଗତକାଲି ଅପେକ୍ଷା ଆଜି ଅଧିକାଂଶ ସ୍ଥାନରେ ପାରଦ ୨ ଡିଗ୍ରି ପର୍ଯ୍ୟନ୍ତ ବଢ଼ିଛି। ଗୋପାଳପୁର ସମେତ ପୁରୀର ସର୍ବନିମ୍ନ ତାପମାତ୍ରା ୧୫ଡିଗ୍ରି ଉପରେ ରହୁଥିବା ବେଳେ ପାରାଦୀପ, ଚାନ୍ଦବାଲି, ବାଲେଶ୍ବର, କଟକ, ଭୁବନେଶ୍ବର, ବାରିପଦା ଓ ମାଲକାନଗିରିରେ ରାତିର ତାପମାତ୍ରା ୧୨ଡିଗ୍ରି ଉପରକୁ ଚାଲି ଯାଇଛି।