ଟୋପି ଓହ୍ଲାଇଲେ , ଦାଢି କାଟିବାକୁ ଚେଷ୍ଟା କଲେ ! ଜୟ ଶ୍ରୀରାମ ନାରା ନ କହିବାରୁ ମୌଲାନାଙ୍କୁ ନିର୍ଦ୍ଧୁମ ପିଟିଲେ ଯୁବକ
ଜୟ ଶ୍ରୀରାମ ନାରା ନ କହିବା ଯୋଗୁଁ ମୌଲବୀଙ୍କୁ ପିଟିଲେ ଯୁବକ । ଆଜ୍ଞା ହଁ ଗତ କିଛି ଦିନ ହେଲା ଦେଶର ବିିଭିନ୍ନ ସ୍ଥାନରେ ଚାଲିଥିବା ଜୟ ଶ୍ରୀରାମ ନାରାର ହିଂସା ଏବେ ବାଗପତ୍ ରେ ମଧ୍ୟ ଦେଖିବାକୁ ମିଳିଛି । ରବିବାର ରାତିରେ ଘରକୁ ନିଜ ବାଇକରେ ଫେରୁଥିବା ଜଣେ ମୌଲବୀଙ୍କୁ ବାଟରେ କିଛି ଯୁବକ ଅଟକାଇ ତାଙ୍କୁ ଜବରଦସ୍ତି ଜୟ ଶ୍ରୀରାମ ନାରା ଲଗାଇବାକୁ କହିଥିଲେ । ମୌଲବୀ ନାରା ନ କହିବାରୁ ଯୁବକମାନେ ତାଙ୍କୁ ଖୁବ୍ ପିଟିଥିଲେ ଏବଂ ଟୋପି ବାହାର କରିବା , ଦାଢି କାଟିବାକୁ ମଧ୍ୟ ଚେଷ୍ଟା କରିଥିଲେ । ମୌଲବୀ କିଭଳି ଭାବେ ନିଜ ଜୀବନ ବଚାଂଇ ଉକ୍ତ ସ୍ଥାନରୁ ଦୌଡି ଚାଲିଆସିଥିଲେ ।
Kanak News is now on WhatsApp
Join and get latest news updates delivered to you via WhatsApp
ମୌଲବୀ ଅମଲାଉର ରହମାନ୍ ଙ୍କ କହିବାନୁସାରେ ରବିବାର ଦୋଘଟ ଅଞ୍ଚଳର ସରୋରୋ ଗ୍ରାମରେ ସେ ଯାଉଥିବା ସମୟରେ ୧୦ ରୁ ୧୨ ଜଣ ଯୁବକ ଆସି ତାଙ୍କୁ ପିଟିବା ଆରମ୍ଭ କରିଥିଲେ । ଟୋପି କାଢିବା ସହ ଜୟ ଶ୍ରୀରାମ ନାରା କହିବା ପାଇଁ କହିଥିଲେ ଏବଂ ଦାଢି କାଟିବାକୁ ଚେଷ୍ଟା କରୁଥିଲେ । ଅମଲାଉରଙ୍କ କହିବାନୁସାରେ କିଛି ଅସାମାଜିକ ଲୋକଙ୍କ ଯୋଗୁଁ ସମାଜରେ ଏଭଳି ହିଂସା ପ୍ରସାରିତ ହେଉଛି ।