ମାଟ୍ରିକ ପରୀକ୍ଷାର ମେଧାବୀ ଛାତ୍ରଛାତ୍ରୀଙ୍କୁ ସମ୍ବାଦ ପକ୍ଷରୁ ସମ୍ବର୍ଦ୍ଧନା । ସ୍ୱତନ୍ତ୍ର ଉତ୍ସବ ‘ମାଟ୍ରିକ ଚାମ୍ପିୟନ୍ସ’ରେ ଏ ୱାନ ଗ୍ରେଡ ପାଇଥିବା ୨୭୬ମେଧାବୀଙ୍କୁ ସମ୍ବର୍ଦ୍ଧନା
ସମ୍ବାଦ ପକ୍ଷରୁ ଆଜି ମାଟ୍ରିକ ପରୀକ୍ଷାର୍ଥୀମାନଙ୍କୁ ସମ୍ବର୍ଦ୍ଧନା ଦିଆଯାଇଛି
କନକ ବ୍ୟୁରୋ: ସମ୍ବାଦ ପକ୍ଷରୁ ଆଜି ମ୍ୟାଟ୍ରିକ ପରୀକ୍ଷାରେ ଶ୍ରେଷ୍ଠତ୍ୱ ପ୍ରଦର୍ଶନ କରି ଏ-୧ ଗ୍ରେଡ ହାସଲ କରିଥିବା ଛାତ୍ରଛାତ୍ରୀମାନଙ୍କୁ ସମ୍ବର୍ଦ୍ଧିତ କରାଯାଇଛି । ପୁରୀ,ଖୋର୍ଦ୍ଧା ଓ ନୟାଗଡ଼ ଜିଲ୍ଲାର କୃତୀ ଛାତ୍ରଛାତ୍ରୀମାନଙ୍କୁ ସମ୍ବାଦ ପକ୍ଷରୁ ସମ୍ବର୍ଦ୍ଧନା ଦିଆଯାଇଥିଲା । ଏହି କାର୍ଯ୍ୟକ୍ରମରେ ଖୋର୍ଦ୍ଧା ଜିଲ୍ଲାର ୧୪୪ ଜଣ, ପୁରୀର ୮୦ ଜଣ ଓ ନୟାଗଡ଼ର ୫୨ ଜଣ ମେଧାବୀ ଯୋଗ ଦେଇଥିଲେ | ମେଧାବୀ ଛାତ୍ରଛାତ୍ରୀଙ୍କ ସହ ସେମାନଙ୍କ ଶିକ୍ଷକ,ଶିକ୍ଷୟତ୍ରୀ ଓ ଅଭିଭାବକ ଯୋଗ ଦେଇଥିଲେ |
Kanak News is now on WhatsApp
Join and get latest news updates delivered to you via WhatsApp
ହୋଟେଲ ସ୍ୱସ୍ତି ପ୍ରିମିୟମରେ ଆୟୋଜିତ ଏକ ସ୍ୱତନ୍ତ୍ର ଉତ୍ସବରେ ଇଷ୍ଟର୍ଣ୍ଣ ମିଡ଼ିଆର ଚେୟାରମ୍ୟାନ ସୌମ୍ୟ ରଞ୍ଜନ ପଟ୍ଟନାୟକଙ୍କ ସମେତ କ୍ରାଇମବ୍ରାଞ୍ଚ ଆଇଜି ଅରୁଣ ବୋଥ୍ରା, କ୍ରୀଡା ସଚିବ ବିଶାଳ ଦେବ ଓ ଚଳିତ ବର୍ଷର ଓଡିଶା ଆଇଏଏସ ଟପ୍ପର ଉପାସନା ମହାପାତ୍ର ଯୋଗ ଦେଇଥିଲେ | ଅନ୍ୟମାନଙ୍କ ମଧ୍ୟରେ ସମ୍ବାଦର ପରିଚାଳନା ନିର୍ଦ୍ଦେଶିକା ମୋନିକା ନାୟର ପଟ୍ଟନାୟକ, ଡିଜିଏମ ନ୍ୟୁଜ ଭବାନୀ ଶଙ୍କର ମହାପାତ୍ର ଓ ସିଜିଏମ ନ୍ୟୁଜ ଅରବିନ୍ଦ ଦାସ ପ୍ରମୁଖ ଯୋଗ ଦେଇଥିଲେ |