ରାଜ୍ୟ ସରକାରଙ୍କୁ ବଡ଼ ସଫଳତା ! ଓଡ଼ିଶାରେ ମାତୃ ମୃତ୍ୟୁ ହାର ହ୍ରାସ
କନକ ବ୍ୟୁରୋ : ରାଜ୍ୟରେ ମାତୃ ମୃତ୍ୟୁ ହାର ହ୍ରାସ ପାଇଛି । ୨୦୧୧/୧୩ରେ ରାଜ୍ୟରେ ମାତୃ ମୃତ୍ୟୁହାର ୨୨୨ ଥିବା ବେଳେ ୨୦୧୪/୧୬ରେ ଏହା କମି ୧୮୦ରେ ପହଞ୍ଚିଛି । ସାମ୍ପଲ ରିଜେଷ୍ଟ୍ରେସନ୍ ସିଷ୍ଟିମ୍ ବା ଏସ୍ଆରଏସ୍ରୁ ଏହି ତଥ୍ୟ ମିଳିଛି । ଜାତୀୟ ସ୍ତରରେ ମାତୃ ମୃତ୍ୟୁହାର ୩୭ପଏଣ୍ଟ ହ୍ରାସ ପାଇଥିବା ବେଳେ ଓଡ଼ିଶାରେ ଏହାର ୪୨ ପଏଣ୍ଟ କମିଥିବା ଜଣାପଡ଼ିଛି । ମାତୃ ମୃତ୍ୟୁହାର କମାଇବାରେ ଏହା ରାଜ୍ୟ ସରକାରଙ୍କ ଏହା ଏକ ବଡ଼ ସଫଳତା ।
Kanak News is now on WhatsApp
Join and get latest news updates delivered to you via WhatsApp
ଦେଶରେ ମାତୃ ମୃତ୍ୟୁହାରକୁ ନଜରରେ ରଖି କେନ୍ଦ୍ର ସରକାରଙ୍କ ପକ୍ଷରୁ ରାଜ୍ୟଗୁଡ଼ିକୁ ୩ଟି ଭାଗରେ ବିଭକ୍ତ କରାଯାଇଛି । ଏମ୍ପାଓ୍ଵାର୍ଡ ଆକ୍ସନ୍ ଗ୍ରୁପ୍ ବା ଇଏଜି ଅଧୀନରେ ଓଡ଼ିଶା ସମେତ ୯ଟି ରାଜ୍ୟ ରହିଛନ୍ତି । ଏହିସବୁ ରାଜ୍ୟଗୁଡ଼ିକରେ ମାତୃ ମୃତ୍ୟୁହାର କମାଇବାରେ ଓଡ଼ିଶା ଆଗରେ ରହିଛି । ଏସ୍ଆରଏସ୍ର ତଥ୍ୟ ଅନୁଯାୟୀ, ୧ଲକ୍ଷ ଶିଶୁ ଜନ୍ମରେ ଏବେ ରାଜ୍ୟରେ ମାତୃ ମୃତ୍ୟୁହାର ୧୮୦ ରହିଛି। ଉତ୍ତରପ୍ରଦେଶ/ଉତ୍ତରଖଣ୍ଡ, ରାଜସ୍ଥାନ ଓ ଆସାମ ଭଳି ରାଜ୍ୟ ଓଡ଼ିଶା ତଳେ ରହିଛନ୍ତି ।