କନକ ବ୍ୟୁରୋ: ବର୍ତ୍ତମାନ ସମୟରେ ସାମାନ୍ୟ କଥାକୁ ନେଇ ଅନେକ ଲୋକ ଆତ୍ମହତ୍ୟା ଭଳି ଏକ ଚରମ ପଦକ୍ଷେପ ନେଉଛନ୍ତି । ଯଦି ଆମେ ନିଜକୁ ପ୍ରତ୍ୟେକ ଦିନ ଖବର ସହ ଜଡିତ ରଖିବା ତେବେ ଜାଣିପାରିବା ଯେ, ପ୍ରତ୍ୟେକ ଦିନ କେଉଁଠାରେ ନା କେଉଁଠାରେ ଲୋକମାନେ ଆତ୍ମହତ୍ୟା କରୁଛନ୍ତି । ତେବେ କେତେକ ବଡ ଆତ୍ମହତ୍ୟା ବିଷୟରେ ଏଠାରେ ତଥ୍ୟ ପ୍ରକାଶ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ପ୍ରଥମେ ଏହା ଜାଣିବା କଷ୍ଟ ଯେ ପ୍ରାଣ ହରାଇଥିବା ବ୍ୟକ୍ତି ଆତ୍ମହତ୍ୟା କରିଛନ୍ତି କି ତାଙ୍କୁ ମର୍ଡର କରାଯାଇଛି । ଦିଲ୍ଲୀରେ ରବିବାର ଏକା ସାଙ୍ଗରେ ଗୋଟିଏ ଘରୁ ୧୧ ଜଣଙ୍କ ମୃତଦେହ ମିଳିବା ପରେ ସାରା ଦେଶରେ ଏହାକୁ ନେଇ ଚର୍ଚ୍ଚା ଜୋର ଧରିଛି । କିନ୍ତୁ ଆମେ ଯଦି ଇତିହାସ ଉପରେ ନଜର ପକାଇବା ତେବେ ଜାଣିପାରିବା ଏକା ସଙ୍ଗେ କେତେ ଜଣ ଆତ୍ମହତ୍ୟା କରିଛନ୍ତି । କେତେ ଥର ଦେଖାଯାଇଛି ଲୋକମାନେ ନିଜର ଧର୍ମ ଲାଗି ମଧ୍ୟ ଆତ୍ମହତ୍ୟା କରୁଛନ୍ତି ।
ସବୁଠାରୁ ଭୟାନକ ଆତ୍ମହତ୍ୟା ଘଟଣା ଟି ଆଜିଠାରୁ ୪୦ ବର୍ଷ ତଳେ ହେଇଥିଲା । ଘଟଣାଟି ଦକ୍ଷିଣ ଆମେରିକା ଅଞ୍ଚଳରେ ଘଟିଥିଲା । ୧୯୭୩ ମସିହାରେ ଏକାଥରକେ ୯୧୩ ଜଣ ବିଷ ପିଇ ଆତ୍ମହତ୍ୟା କରିଥିଲେ ଓ ଏମାନଙ୍କ ମଧ୍ୟରେ ୨୭୬ ଜଣ ଶିଶୁ ଥିଲେ । ଜଣେ ଧାର୍ମିକ ସଂସ୍ଥା ଲୋକମାନଙ୍କର କାମ କରିବା ପାଇଁ ଅନେକ ସ୍ଥାନୀୟ ଜନସାଧାରଣଙ୍କୁ ନିଜ ଆଶ୍ରମରେ ରଖିଥିଲେ । କୈାଣସି ଏକ ବିଷୟକୁ ନେଇ ସେଠାରେ ଜଣେ ଜନ ପ୍ରତିନିଧିଙ୍କୁ ମାରିଦିଆ ଯାଇଥିଲା ଓ ପରେ ସେଠାରେ ଗୁଳିବର୍ଷା ହୋଇଥିଲା । ସେଠାରେ ଉପସ୍ଥିତ ଥିବା ଜନସାଧାରଣ ମାନେ ଟଳି ପଡିଥିଲେ । ପରେ ଏହାକୁ ନେଇ ବିବାଦ ମଧ୍ୟ ଲାଗି ରହିଥିଲା । ଏହା ସେତେବେଳେ ଜଣାପଡିନଥିଲା କି ଏହା ହତ୍ୟା କି ଆତ୍ମହତ୍ୟା ।
ଏହାପରେ ୧୯୯୭ ମସିହାରେ କାଲିଫର୍ଣ୍ଣଆରେ ଏକାଥରକେ ୩୯ ଜଣ ଏକା ଭଳି ପୋଷାକ ପରିଧାନ କରି ପ୍ରାଣତ୍ୟାଗ କରିଥିଲେ ।
ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଜର୍ମାନୀରେ କେତେକ ଲୋକ ବିଶ୍ୱ ଯୁଦ୍ଧର କଷ୍ଟ ସହିନପାରି ଆତ୍ମହତ୍ୟା କରିଥିବା ଚର୍ଚ୍ଚା ହୁଏ । ଏହି ଘଟଣାରେ ୭୦୦ ରୁ ଉଦ୍ଧ୍ୱର୍ ଲୋକ ପ୍ରାଣ ତ୍ୟାଗ କରିଥିବା ନେଇ ଖବର ମଧ୍ୟ ମିଳେ ।
୧୯୯୪ ମସିହାରେ ସୋଲାରରେ ଏକ ସାଙ୍ଗରେ ୪୮ ଜଣ ପ୍ରାଣ ତ୍ୟାଗ କରଥିଲେ । ତେବେ କୈାଣସି ଏକ ଝଗଡାରୁ ହିଁ ଏହି ଘଟଣା ଘଟିଥାଇପାରେ ବୋଲି ସେଠାରେ ଚର୍ଚ୍ଚା ହୁଏ ।
୨୦୦୦ ମସିହାରେ ୟୁଗାଣ୍ଡାରେ ମଧ୍ୟ ୭୭୮ ଜଣଙ୍କ ମୃତ୍ୟୁ ହେଇଥିବା ରିପୋର୍ଟରୁ ଜଣାପଡେ । ତେବେ ଏହି ମୃତ୍ୟୁ ପଛରେ କୈାଣସି ଏକ ଧାର୍ମିକ ସଂଗଠନ ରହିଥିବା ଜଣାପଡେ ।
ତେବେ ଓଡିଶାରେ ମଧ୍ୟ ଅନେକ ସମୟରେ ଆତ୍ମହତ୍ୟା ଭଳି ସମ୍ବେଦନଶୀଳ ଘଟଣା ଦେଖିବାକୁ ମିଳିଛି । ୨୦୧୭ ମସିହାରେ ୪ ଜଣ ସମୂହ ଆତ୍ମହତ୍ୟା କରିଥିବା କଥା ପଦାକୁ ଆସିଥିଲା । ମଣିଷ ନିଜ ଜୀବନ ପ୍ରତି କାହିଁକି ଏପରି ଚରମ ପଦକ୍ଷେପ ନିଅନ୍ତି? ତାହାର ଉତ୍ତର କାହା ପାଖରେ ନାହିଁ ।